დაგროვილი გამოცდილების საფუძველზე, არსებული პრაქტიკის გასაუმჯობესებლად და ცვლილებების მისაღწევად IDFI-ის ექსპერტები აქტიურად არიან ჩართულნი ინფორმაციის თავისუფლებასთან, მედიისა და ინტერნეტის განვითარებასთან, ასევე, პერსონალური მონაცემების დაცვასა და საჯარო პოლიტიკის საკითხებთან დაკავშირებული კანონშემოქმედებით პროცესში. ინსტიტუტის ექსპერტები საკუთარ მოსაზრებებსა და საკანონმდებლო წინადადებებს სთავაზობენ ხელისუფლებასა და ფართო საზოგადოებას. ორგანიზაციისთვის საკუთარი რეკომენდაციებისა და მოსაზრებების ადვოკატირების ძირითადი სტრატეგიებია:

• მოლაპარაკებები, კონსულტაციები და შეხვედრები სხვადასხვა დაინტერესებულ მხარეებთან, მათ შორის მედიის, არასამთავრობო სექტორის, სახელმწიფო დაწესებულებებისა და ბიზნეს სექტორის წარმომადგენლებთან;
• კონფერენციებისა და პრეზენტაციების გამართვა;
• განცხადებების გავრცელება და საკუთარი პოზიციების გაცნობა ფართო საზოგადოებისთვის;
• ქსელური კოალიციების ჩამოყალიბება;
• რეკომენდაციების შემუშავება და ხელისუფლების სხვადასხვა შტოებისთვის მიწოდება;
• კანონპროექტების ინიცირება;
• საინფორმაციო კამპანიების წარმოება და მხარდამჭერების მოპოვება.

ჩვენ მიგვაჩნია, რომ ადვოკატირების კამპანიის წარმატება დამოკიდებულია, ერთი მხრივ,  სახელმწიფო დაწესებულებებთან ურთიერთობის ეფექტურ და სწორ სტრატეგიაზე, მეორე მხრივ, არანაკლებ მნიშვნელოვანია, ამ პროცესში სამოქალაქო სექტორისა და დაინტერესებული საზოგადოების ჩართვა, რაც კიდევ უფრო გაზრდის წამოწყებული კამპანიის წარმატების შანსებს.