IDFI-მ ციფრული მაუწყებლობის სააგენტოსთან მემორანდუმი გააფორმა

სიახლეები | მემორანდუმები 17 ოქტომბერი 2014

„ციფრული მაუწყებლობის სააგენტოსა“ და „ინფორმაციის თავისუფლების განვითარების ინსტიტუტს“ შორის ურთიერთთანამშრომლობის მემორანდუმი გაფორმდა.


მემორანდუმის მიზანია, დადგინდეს და გაუმჯობესდეს სამუშაო პროცესი ხელმომწერ მხარეებს შორის. სააგენტოს მიზნებია: ციფრულ მაუწყებლობაზე სამუშაოთა კოორდინაცია, სოციალურად დაუცველი ოჯახების სუბსიდირებით უზრუნველყოფა, ასევე, ამ პროცესის საინფორმაციო მხარდაჭერა და საჭიროების შემთხვევაში მოსახლეობისათვის შესაბამისი დახმარების აღმოჩენა.


IDFI ანხორციელებს პროექტს “ციფრულ საეთერო მაუწყებლობაზე გადასვლის პროცესის მონიტორინგი და მხარდაჭერა“, რომლის დონორსაც ფონდი ღია საზოგადოება საქართველო (OSGF) წარმოადგენს. აღნიშნული პროექტის ფარგლებში, ორგანიზაციის მიზანია ციფრული საეთერო მაუწყებლობის პლატფორმაზე გადასვლის პროცესის სწორად წარმართვა, კერძოდ, პროცესის მოქცევა დემოკრატიულ ჩარჩოებში და ქართული მედია ბაზრის ოპერატორების ინტერესების გათვალისწინება, ასევე, ევროკავშირის დირექტივების და ევროპის ადამიანის უფლებათა სასამართლოს პრაქტიკის მოთხოვნების შესაბამისად წარმართვა. ორგანიზაცია ასევე მუშაობს არსებული საუკეთესო პრაქტიკის რეგულირებისათვის მიღებული სამართლებრივი აქტების კვლევის, რეკომენდაციების წარდგენის და ციფრულ მაუწყებლობაზე გადასვლის პროცესის ადვოკატირების მიმართულებით.


გაფორმებული მემორანდუმის მიხედვით, ორივე მხარეს აქვს ვალდებულება ინფორმაციის გაცვლაზე, რათა უკეთ განისაზღვროს და შესრულდეს დასახული ამოცანები.


საქართველოს მთავრობის მიერ დამტკიცებულმა ციფრულ მაუწყებლობაზე გადასვლის სახელმწიფო სტრატეგიის პოლიტიკის დოკუმენტმა შექმნა შესაბამისი წინაპირობები და შესაძლებლობები ციფრულ საეთერო მიწისზედა მაუწყებლობაზე გადასვლისთვის. მხარეები ითანამშრომლებენ შუალედური ანგარიშების, ვიდეო რგოლების, საინფორმაციო გზამკვლევების მომზადებისა და საკომუნიკაციო კამპანიის ჩატარების საკითხებში.

IDFI ვლდებულია:

  • www.digitaltv.ge -ს დომეინი დაარეგისტრიროს სააგენტოს სახელზე. ვებგვერდის მართვის და ყველა სხვა უფლება სააგენტოს საჩუქრად გადაეცემა.
  • სააგენტოს საკუთრებაში გადასცეს ციფრულ მაუწყებლობაზე გადასვლის შესახებ მომზადებული ყველა სარეკლამო ვიდეო რგოლი და სააავტორო უფლებები რგოლებში გამოყენებულ მუსიკალურ ნაწარმოებზეც. 

 

ასევე, მხარეები ითანამშრომლებენ იმ საკითებში, რომელიც შედის ციფრული მაუწყებლობის სააგენტოს უფლებამოსილებაში, მათ შორის ინორმაციის გაცვლის, კონსულტაციისა და იმ უფლებამოსილების ფარგლებში, რომელიც დაშვებულია საქართველოს კანონმდებლობით და საქართველოს ეკონომიკისა და მდგრადი განვითარების მინისტრის 2014 წლის 13 თებერვლის N1-1/38 ბრძანებით დამტკიცებული ციფრული მაუწყებლობის სააგენტოს დებულებით.


შეთანხმებით გათვალისწინებული საქმიანობა განხორციელდება საზოგადოებრივ საწყისებზე, არაკომერციულ საფუძველზე, ფონდი ღია საზოგადოება საქართველოს დახმარებით. 


სააგენტო უზრუნველყოფს იმ საკითხების სრულ გამჭვირვალობას, რომელიც დაკავშირებულია მისი უფლებამოსილების განხორციელებასთან. თანამშრომლობა ასევე მოიაზრებს IDFI-ის ჩართულობას საჯარო კონსულტაციებისა და მონიტორინგის პროცესში.

 

/public/upload/IDFI/23.pdf

სხვა მასალები ამ თემაზე
სიახლეები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

საქართველო კანონის უზენაესობის 2020 წლის ინდექსში

26.03.2020

ინფექციური დაავადებების სტატისტიკა საქართველოში

25.03.2020

საქართველოში საგანგებო მდგომარეობის ვადის განმავლობაში ელექტრონული საქმისწარმოების, ადმინისტრაციული წარმოებისა და საჯარო ინფორმაციის გაცემის განსხვავებული წესები იმოქმედებს

23.03.2020
განცხადებები

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020