1 აგვისტოს, ინფორმაციის თავისუფლების განვითარების ინსტიტუტსა (IDFI) და სსიპ „სახელმწიფო დაცვის სპეციალურ სამსახურს“ შორის გაფორმდა ურთიერთანამშრომლობის მემორანდუმი.
აღნიშნული მემორანდუმის მიხედვით, რომელსაც ხელი მოაწერეს ინფორმაციის თავისუფლების განვითარების ინსტიტუტის (IDFI) დირექტორმა გიორგი კლდიაშვილმა და სსიპ „სახელმწიფო დაცვის სპეციალური სამსახურის“ ადმინისტრაციის უფროსმა რუსუდან კასრაძემ, მხარეები შეთანხმდნენ, რომ IDFI სახელმწიფო დაცვის სპეციალურ სამსახურს მიაწვდის რეკომენდაციებს სამსახურის მეტი გამჭვირვალობისა და საზოგადოებრივი ანგარიშვალდებულების ამაღლების უზრუნველსაყოფად, რასაც სსიპ „სახელმწიფო დაცვის სპეციალური სამსახური“ გამოიყენებს პრაქტიკულ საქმიანობაში.
მემორანდუმის ფარგლებში, ინსტიტუტის ექსპერტების მიერ სახელმწიფო დაცვის სპეციალური სამსახურის თანამშრომლებს ჩაუტარდათ ტრეინინგი ინფორმაციის თავისუფლების, ღია მმართველობის და საჯარო ინფორმაციის პროაქტიულ გამოქვეყნებას და ელექტრონული ფორმით საჯარო ინფორმაციის მოთხოვნის სამართლებრივ საკითხებზე და პრაქტიკულ განხორციელების შესახებ.
ინსტიტუტის მიერ ტრეინინგზე გაცემული იქნა რეკომენდაციები, რომელიც მაქსიმალურად უზრუნველყოფს სამსახურის ღიაობას და ფინანსურ გამჭვირვალობას, საზოგადოებისთვის მიმართ ანარიშვალდებულებას და მაღალი საზოგადოებრივი ინტერესის მქონე საჯარო ინფორმაციის ხელმისაწვდომობას. ამასთან ტრეინინგზე ნაჩვენები იქნა, დღეის მდგომარეობით საქართველო საჯარო სექტორში დანერგილი ინფორმაციის პროაქტიული გამოქვეყნებისა და ელექტრონული მოთხოვნის პრაკტიკის საუკეთესო მაგალითები.
სიახლეების გამოწერა
