შეხვედრა მრგვალი მაგიდის ფორმატში - OGP-ის იმპლემენტაცია - საჯარო ინფორმაციის ელექტრონული მოთხოვნა და პროაქტიული გამოქვეყნება

სიახლეები | კარგი მმართველობა | პუბლიკაციები | სტატია 28 თებერვალი 2014

2014 წლის 26 თებერვალს ინფორმაციის თავისუფლების განვითარების ინსტიტუტის (IDFI) ორგანიზებითა და შეერთებული შტატების საერთაშორისო განვითარების სააგენტოს (USAID) პროგრამის - დემოკრატიული მმართველობის პროგრამა საქართველოში (G-3) ფინანსური მხარდაჭერით სასტურმო „Holiday Inn”-ში გაიმართა შეხვედრა მრგვალი მაგიდის ფორმატში - „OGP-ის იმპლემენტაცია - საჯარო ინფორმაციის ელექტრონული მოთხოვნა და პროაქტიული გამოქვეყნება“.

 

ღონისძიებაში მონაწილეობას იღებდნენ  პრეზიდენტის ადმინისტრაციის, სამინისტროების, საჯარო დაწესებულებებისა და არასამთავრობო ორგანიზაციების წარმომადგენლები.

 

შეხვედრა გახსნა შეერთებული შტატების საერთაშორისო განვითარების სააგენტოს წარმომადგენელმა მარის მიკელსონსმა. მან ისაუბრა საქართველოს მთავრობის მიღწევებზე ღია მმართველობის პარტნიორობის ფარგლებში აღებული ვალდებულებების შესრულების კუთხით.

შეხვედრაზე მოხსენება გააკეთა ინფორმაციის თავისუფლების განვითარების ინსტიტუტის გამგეობის თავმჯდომარემ, ლევან ავალიშვილმა, რომელმაც წარადგინა IDFI-ს მიერ მომზადებული ანგარიში, სამინისტროების მიერ ინფორმაციის პროაქტიულად გამოქვეყნების იმპლემეტაციის შესახებ.

საჯარო დაწესებულებებმა - სამინისტროებმა და სახელმწიფო მინისტრების აპარატებმა IDFI-ს მიერ შემუშავებული პარამეტრებით შეფასებები მიიღეს. გარდა ამისა, IDFI-მ წარადგინა საჯარო დაწესებულებების მიერ ინფორმაციის პროაქტიულად გამოქვეყნების რეიტინგი, სადაც საუკეთესო მაჩვენებელი ხუთმა სამინისტრომ აჩვენა.

 

საუკეთესო მაჩვენებლები აქვთ იუსტიციის სამინისტროს, სპორტისა და ახალგაზრდობის საქმეთა სამინისტროს, განათლების და მეცნიერების სამინისტროს, ენერგეტიკის სამინისტროს, რეგიონული განვითარებისა და ინფრანსტრუქტურის სამინისტროსა და ჯანდაცვის სამინისტროს.

 

IDFI-მ გამოაქვეყნა რეკომენდაციების პაკეტიც 2013 წლის 31 დეკემბრამდე პროაქტიულად გამოსაქვეყნებელი ინფორმაციის დეტალურ განთავსებასთან დაკავშირებით.

 

IDFI-ს დირექტორმა გიორგი კლდიაშვილმა, ისაუბრა საჯარო ინფორმაციის ელექტრონულად მოთხოვნის დანერგვის ტენდენციებზე, ხოლო საქართველოს ახალგაზრდა იურისტთა ასოციაციის წარმომადგენელმა სულხან სალაძემ, წარმოადგინა კვლევა საქართველოს ზოგადი ადმინისტრაციული კოდექსით გათვალისწინებული 10 დეკემბრის ანგარიშების შესახებ.

 

გიორგი კლდიაშვილმა შეაჯამა საქართველოს სამინისტროებში ინფორმაციის ელექტრონული ფორმით მოთხოვნისა და პროაქტიულად გაცემის პრაქტიკა, რომლის მიხედვითაც გაირკვა, რომ უწყებების დიდი ნაწილი საკომუნიკაციოდ ელ-ფოსტას, ვებგვერდზე ინტეგრირებულ ელექტრონული მიწერის საშუალებას ან my.gov.ge-ს პორტალს იყენებს. IDFI-მ სხვადასხვა საჯარო დაწესებულებებს მიმართა ელექტრონულად საჯარო ინფორმაციის მოთხოვნით კომუნიკაციის სხვადასხვა საშუალებების გამოყენებით. უწყებებმა დამაკმაყოფილებელი შედეგები აჩვენეს.

                  
თითოეული მომხსენებლის გამოსვლას მოჰყვა დისკუსია. შეხვედრის ამ ნაწილში სხვადასხვა საჯარო დაწესებულებების წარმომადგენლებმა დასვეს შეკითხვები, შეხვედრის ორგანიზატორებს გაუზიარეს რჩევები და მოსაზრებები. დისკუსია გაიმართა რამდენიმე აქტუალურ საკითხზე, მათ შორის ინფორმაციის შენახვის ვადებზე, დოკუმენტბრუნვის ელექტრონულ სისტემა „დეს-ზე“, საჯარო ინფორმაციის გაცემაზე პასუხისმგებელი პირების უფლება-მოვალეობებზე. თბილისის მერიის წარმომადგენელმა ისაუბრა იმ სირთულეებზე, რაც საჯარო დაწესებულების სერვერზე დიდი მოცულობის ინფორმაციის განთავსებას შესაძლოა მოყვეს და ორგანიზატორებს შესთავაზა საჯარო დაწესებულებების ერთობლივი საჯარო მონაცემთა ბაზის შექმნა. შეხვედრის დასასრულს მონაწილეებმა იმსჯელეს თუ, როგორ უნდა მოხდეს პერსონალური მონაცემების მოთხოვნის შემთხვევაში პირთა იდენტიფიცირება.  

 

ინფორმაციის თავისუფლების განვითარების ინსტიტუტი მსგავს შეხვედრებს მონიტორინგის შემდგომ ეტაპებზეც გამართავს.
 

სხვა მასალები ამ თემაზე
სიახლეები

კორონავირუსის პანდემიის გავლენა ოჯახში და ქალთა მიმართ ძალადობაზე

10.04.2020

ღია მონაცემების მნიშვნელობა პანდემიასთან ბრძოლაში: საერთაშორისო მაგალითები და საქართველო

08.04.2020

IDFI-ს მოსაზრებები სასამართლოს აქტების ხელმისაწვდომობის უზრუნველსაყოფად განსახორციელებელ საკანონმდებლო ცვლილებებზე

07.04.2020

პანდემია და კორუფციული რისკები

07.04.2020
განცხადებები

ხელმომწერი ორგანიზაციები უზენაესი სასამართლოს პლენუმს მოუწოდებენ საგანგებო მდგომარეობის დასრულებამდე თავი შეიკავოს საკონსტიტუციო სასამართლოს მოსამართლის დანიშვნისგან

03.04.2020

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020