საქართველოში ინფორმაციის თავისუფლების ახალ კანონზე მუშაობა მიმდინარეობს

სიახლეები | კორუფციასთან ბრძოლა | პუბლიკაციები | სტატია 14 თებერვალი 2014

public, information, legislationსაქართველოს იუსტიციის სამინისტრომ, ფონდ ღია საზოგადოება საქართველოს მხარდაჭერით, ექსპერტების და არასამთავრობო ორგანიზაციების ჩართულობით დაიწყო მუშაობა ინფორმაციის თავისუფლების შესახებ ცალკე კანონის შექმნაზე.

ინფორმაციის თავისუფლების კანონპროექტზე სფეროს ექსპერტებმა 13 თებერვალს “ქორთიარდ მერიოტში” გამართულ შეხვედრაზე იმსჯელეს.

ახალი კანონის მიღება მიზნად ისახავს საჯარო ინფორმაციის მარეგულირებელი ნორმების ერთ ნორმატიულ აქტში გაერთიანებას, რაც ხელისუფლების გამჭვირვალობის ახალ სტანდარტს დაამკვიდრებს და ხაზს გაუსვამს მთავრობის ღიაობისა და საჯარო მმართველობის პოლიტიკას.

მრგვალი მაგიდა  ფონდ "ღია საზოგადოება – საქართველოს" მხარდაჭერით კორუფციის წინააღმდეგ ბრძოლის უწყებათაშორისი საკოორდინაციო საბჭოს ფარგლებში გაიმართა. შეხვედრას იუსტიციის მინისტრის პირველი მოადგილე ალექსანდრე ბარამიძე უძღვებოდა.ღონისძიებას ესწრებოდნენ აღმასრულებელი და სასამართლო ხელისუფლების, საერთაშორისო და ადგილობრივი არასამთავრობო ორგანიზაციებისა და დიპლომატიური კორპუსის წარმომადგენლები.

დისკუსიის მონაწილეებმა  ინფორმაციის თავისუფლების კანონპროექტზე მუშაობის პროცესი განიხილეს, მის კონცეფციაზე იმსჯელეს და ძირითადი პრობლემური საკითხები განსაზღვრეს.

„ინფორმაციის თავისუფლების განვითარების ინსტიტუტი“ აქტიურად არის ჩართული ინფორმაციის თავისუფლების კანონის შექმნასა და მისი განხორციელების უზრუნველყოფის მექანიზმების შემუშავებაში.

ინფორმაციის თავისუფლების ახალ კანონზე სამი ჯგუფი იმუშავებს. კანონით ზუსტად უნდა განისაზღვროს ინფორმაციის გაცემის ვადა,  უნდა გაიწეროს, თუ როგორი უნდა იყოს საჯარო დაწესებულებაში ინფორმაციის საჯარო რეესტრი, ყველა უწყებას უნდა ჰყავდეს საჯარო ინფორმაციის გაცემაზე პასუხისმგებელი პირი.

კანონის პარალელურად მიმდინარეობს დისკუსია ინფორმაციის თავისუფლების საზედამხედველო ორგანოს - კომისიონერის ინსტიტუტის შექმნაზეც.

„ინფორმაციის თავისუფლების განვითარების ინსტიტუტის“ დირექტორმა, გიორგი კლდიაშვილმა, როგორც კანონპროექტის შემუშავებაში ჩართულმა ექსპერტმა კომისიონერის ინსტიტუტის მნიშვნელობის, ფუნქციების და არსებული საერთაშორიო პრაქტიკს შესახებ კვლევის პრეზენტაცია წარმოადგინა.მისი თქმით, ამგვარი ინსტიტუტი ზოგ ქვეყანაში დამოუკიდებლად არსებობს, არის შერწყმული პერსონალური მონაცემების დაცვის ინსპექტორატთან ან სახალხო დამცველს ექვემდებარება. გიორგი კლდიაშვილი მიიჩნევს, რომ უმჯობესია კომისიონერი დამოუკიდებლად არსებობდეს, ვინაიდან მას უნდა ჰქონდეს სანქცირების, სახალხო კონტროლის საშუალება, ამიტომ მისი დამოუკიდებლობის ხარისხი უზრუნველყოფილი უნდა იყოს.

კომისიონერის ფუნქცია იქნება, როგორც არ გაცემულ ინფორმაციასთან დაკავშირებული საჩივრების განხილვა და ადმინსიტრაციული ორგანოების სანქცირება, ასევე გაუწევს კონსულტაციებს დაინტერესებულ პირებს ინფორმაციის გამოთხოვასთან დაკავშირებით. მისივე კომპეტენცია იქნება ადმინისტრაციული ორგანოების მიერ საჯარო ინფორმაციის გაცემის ვალდებულების შესრულების უწყვეტი მონიტორინგი.

სხვა მასალები ამ თემაზე
სიახლეები

სახელმწიფო დეპარტამენტის 2022 წლის ანგარიში საქართველოში ადამიანის უფლებების შესახებ

28.03.2023

გორში, მასწავლებლებისთვის ვებგვერდის www.gorimaps.ge წარდგენა გაიმართა

27.03.2023

საერთაშორისო კონფერენცია - “მეხსიერების ხიდზე”

22.03.2023

კორუფციასთან ბრძოლის სასერტიფიკატო პროგრამის გაზაფხულის სემესტრი დაიწყო

14.03.2023
განცხადებები

სამოქალაქო საზოგადოების სოლიდარობა პალიტრა მედიას

29.03.2023

მედიის ადვოკატირების კოალიცია სპეციალურ საგამოძიებო სამსახურს ჟურნალისტურ საქმიანობაში უკანონოდ ხელშეშლისა და სხვა დარღვევებთან დაკავშირებით მიმართავს

13.03.2023

სამოქალაქო საზოგადოების ორგანიზაციების განცხადება ღია მმართველობის მუდმივმოქმედი საპარლამენტო საბჭოს საკონსულტაციო ჯგუფის წევრობის შეჩერების შესახებ

10.03.2023

საზოგადოებრივი ორგანიზაციების ერთობლივი განცხადება

09.03.2023
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022