თბილისის მერიის ახალი პორტალი - ნაბიჯი გამჭვირვალე და ღია მმართველობისკენ

სიახლეები | პუბლიკაციები | ღია მმართველობის პარტნიორობა | სტატია 22 ივლისი 2015

დღეს სატესტო რეჟიმში გაეშვა თბილისის მუნიციპალიტეტის მერიის ახალი ვებ-გვერდი - www.tbilisi.gov.ge. გვინდა მივესალმოთ აღნიშნულ ფაქტს და შევახსენოთ საზოგადოებას, რომ თბილისის პორტალის კონცეფცია შემუშავებული იქნა "ინფორმაციის თავისუფლების განვითარების ინსტიტუტის" მიერ ფონდ "ღია საზოგადოება საქართველოს" მხარდაჭერილი პროექტის ფარგლებში: თბილისის მერიაში გამჭვირვალობისა და ანგარიშვალდებულების ახალი სტანდარტების დანერგვის ხელშეწყობა. პროექტის ამოცანები შემდეგნაირად იყო განსაზღვრული:

 

• თბილისის მერიის გამჭვირვალობის და ანგარიშვალდებულების ხარისხის ამაღლება;


• საჯარო ფინანსების ხარჯვის ეფექტურობის და გამჭვირვალობის ხელშეწყობა;


• ელექტრონული დემოკრატიის სტანდარტების დამკვიდრებით ინფორმაციის თავისუფლების განვითარების ხელშეწყობა;


• მოსახლეობის, არასამთავრობო სექტორისა და მედიის ჩართულობით საჯარო დაწესებულებებზე საზოგადოებრივი კონტროლის გაუმჯობესება;


• მოსახლეობის ინფორმირებულება და საზოგადოების ჩარათულობის ინტენსივობის გაზრდა საჯარო სექტორის საქმიანობის განხილვასა და გადაწყვეტილების მიღების პროცესში.


პროექტით გათვალისწინებული ამოცანების მისაღწევად, IDFI-ის გუნდმა ჩაატარა საერთაშორისო პრაქტიკის ანალიზი და კვლევა. შეიმუშავა და თბილისის მერიას მიაწოდა პორტალის სტრუქტურის კონცეფცია. ჩვენს მიერ შემუშავებული კონცეფცია საჯაროდ იქნა განხილული თბილისის მთავრობისა და გამგებლების თანდასწრებით და მოწონებული იქნა ქალაქის მერის მიერ. მერიის განახლებული პორტალი თავის თავში მოიაზრებს მრავალ მოდულსა და გვერდს, რომელიც ხელს შეუწყობს მოქალაქეთა ჩართულობას მერიის მიერ განხორციელებული საქმიანობების პროცესებში. ადგილობრივი ხელისუფლების ანგარიშვალდებულების მაღალი სტანდარტების მისაღწევად, პორტალზე ინტეგრირებული უნდა იყოს თანამედროვე მოდულები: საჯარო ინფორმაციისა და ღია მონაცემთა ონლაინ ბაზები, პეტიციებისა და პროექტების განყოფილებები, ქალაქის გამგებლობაში არსებული უწყებების და კომპანიების ჩამონათვალი, ადვილად ხელმისაწვდომი ანგარიშები და ბიუჯეტი, გამგეობებისა და სტრუქტურული ერთეულების ინდივიდუალური გვერდები, სპეციალური სერვისები შშმ პირებისთვის და სხვა.


IDFI მადლობას უხდის ქალაქ თბილისის მერს ბატონ დავით ნარმანიას, ჩვენი კონცეფციის მხარდაჭერისთვის, ასევე მადლობას ვუხდით ქალაქ თბილისის მერიის პრესსამსახურის ყოფილ ხელმძღვანელს ქალბატონ მაგდა პოპიაშვილს, პროექტის წარმატებით განხორციელებისა და მის დანერგვაში აქტიური მონაწილეობისთვის.

 

იმედს გამოვთქვამთ, რომ თბილისის მერიის პორტალზე სრულყოფილად დაინერგება ყველა ის სიახლე და ნოვაცია რაც ჩვენს მიერ იქნა შეთავაზებული თბილისის მთავრობისთვის, რაც თავის მხრივ ხელს შეუწყობს ჩვენს დედაქალაქში ღია და მონაწილეობითი ტექნოლოგიური მმართველობის განვითარებას. 

 

იხილეთ კვლევა "ქალაქ თბილისის მერიის პორტალი - საუკეთესო პრაქტიკების ანალიზი"

 

იხილეთ პრეზენტაცია "თბილისის მერიის განახლებული ვებ-პორტალი"

 

 

/public/upload/pdf/tbilisi.gov.ge-ppt.pdf

სხვა მასალები ამ თემაზე
სიახლეები

სახელმძღვანელო გამჭვირვალობისა და მოქალაქეთა ჩართულობის შესახებ

18.01.2021

ინტერვიუ ირინა ფლიგესთან

13.01.2021

აჭარის უმაღლესმა საბჭომ ღია მმართველობის 2020-2021 წლების სამოქმედო გეგმის განხორციელება დაიწყო

29.12.2020

ანტიკრიზისული გეგმის მიმოხილვა

29.12.2020
განცხადებები

OECD-SIGMA-ს რეკომენდაციების შესრულებასთან დაკავშირებით IDFI-სა და GYLA-ს ერთობლივი განცხადება

20.01.2021

არასამთავრობო ორგანიზაციათა ერთობლივი განცხადება ოპოზიციური პარტიების წინააღმდეგ დაანონსებული სანქციების შესახებ

17.12.2020

კოალიცია ეხმიანება ნიკა გვარამიას განცხადებას მუქარის შესახებ

15.12.2020

კოალიცია „მედიის ადვოკატირებისათვის“ მიიჩნევს, რომ კომუნიკაციების კომისიამ არ უნდა შეითავსოს თვითრეგულირების ორგანოს ფუნქცია

09.12.2020
ბლოგპოსტები

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020