არასამთავრობო ორგანიზაციების მიმართვა საქართველოს პრემიერმინისტრს

სიახლეები | განცხადებები 21 თებერვალი 2014


21 თებერვალი, 2014 წელი



როგორც მოგეხსენებათ, 2011 წლის სექტემბერში საქართველო შეუერთდა საერთაშორისო ინიციატივას „ღია მმართველობის პარტნიორობას“ (Open Government Partnership - OGP), რომლის ინიციატორი გახლდათ ამერიკის შეერთებული შტატების პრეზიდენტი ბარაკ ობამა. ღია მმართველობის პარტნიორობა წარმოადგენს უმნიშვნელოვანეს პლატფორმას, მთავრობების და სამოქალაქო საზოგადოების ერთობლივი თანამშრომლობის ფორმატში მთავრობის ღიაობის, ანგარიშვალდებულების და გამჭვირვალობის, მოქალაქეთა ჩართულობის, ინოვაციების და ტექნოლოგიების განვითარების კუთხით. დღეის მდგომარეობით ჴგჵ აერთიანებს 60-ზე მეტ სახელმწიფოს.

2012 წლის აპრილში საქართველოს მთავრობამ OGP-ის ფარგლებში წარმოადგინა 2012-2013 წლების სამოქმედო გეგმა. საქართველოს OGP-ში მონაწილოების კოორდინაცია დავალებული აქვს უწყებათაშორისი ანტიკორუფციული საბჭოს სამდივნოს (საქართველოს იუსტიციის სამინისტროს ანალიტიკურ დეპარტამენტს). საქართველოს მთავრობის სამოქმედო გეგმის მიხედვით აღებული ვალდებულებების ფარგლებში საქართველომ უმნიშვნელოვანესი სიახლეები დანერგა ღია მმართველობის, ინფორმაციის თავისუფლების, გამჭვირვალობის და ანტიკორუფციული მიღწევების თვალსაზრისით. სამოქმედო გეგმის ფარგლებში აღებული ვალდებულებების ფარგლებში მიღწეულ წარმატებად უნდა აღინიშნოს გაეროს საკმაოდ პრესტიჟული 3 პრიზი (იუსტიციის სახლის პროექტი, როგორც საჯარო მომსახურების გაუმჯობესების კატეგორია, სახელმწიფო შესყიდვების ელექტრონული სისტემა და თანამდებობის პირთა ქონებრივი დეკლარაციების ონლაინ პლატფორმა, როგორც კორუფციის პრევენციის მექანიზმი).


OGP-ის ფარგლებში, საქართველოს ყოფილი პრემიერ-მინისტრის, ბიძინა ივანიშვილის უშუალო მხარდაჭერით განხორციელდა უმნიშვნელოვანესი ცვლილებები ინფორმაციის თავისუფლების გაუმჯობესების ნაწილშიც, კერძოდ დაინერგა საჯარო ინფორმაციის პროაქტიულად გამოქვეყნებისა და ინფორმაციის ელექტრონულად მოთხოვნის სტანდარტი და დაიწყო მათი პრაქტიკაში ამოქმედება. აღნიშნული ვალდებულების წარმატებით განხორციელების გამო, საქართველო დასახელდა ღია მმართველობის პარტნიორობის ფარგლებში ერთ-ერთ ყველაზე წარმატებულ ქვეყნად და სამოქალაქო საზოგადოების ინიცირებით, საქართველომ, „ღია მმართველობის პარტნიორობის“ ლონდონის 2013 წლის სამიტზე, როგორც OGP-ის „ნათელი წერტილის“ (Bright Spots) ფინალისტმა, წარმოადგინა ინფორმაციის თავისუფლებაში მიღწეული შედეგი, როგორც სამოქმედო გეგმის ვალდებულებების შესრულების საუკეთესო მაგალითი.


OGP-ის ფარგლებში საქართველოს მიერ მიღწეულ წარმატებას ხაზი გაუსვა შეერთებული შტატების პრეზიდენტმა, ბარაკ ობამამ. მან თავის განცხადებაში, რომელიც ეხებოდა საქართველოს პრეზიდენტის ინაუგურაციას, ისაუბრა იმ მნიშვნელოვანი პროგრესის შესახებ, რომელიც საქართველომ ბოლო რამდენიმე წლის მანძილზე განიცადა. მიღწევებს შორის, როგორც საქართველოში დემოკრატიის განვითარების ინდიკატორი, დასახელდა საქართველოს მონაწილეობა „ღია მმართველობის პარტნიორობაში“ (OGP): „საქართველოს მნიშნელოვანი პროგრესი განიცადა დემოკრატიული ინსტიტუტების გამყარების კუთხით, „ღია მმართველობის პარტნიორობის“ ფარგლებში აღებული ვალდებულებების, საზოგადოებრივ ცხოვრებაში ქალთა დაწინაურებისა და ევრო-ატლანტიკური ინტეგრაციისკენ სწრაფვით“.


საქართველოს მთავრობას, მიღწეული წარმატებებიდან გამომდინარე, გაუჩნდა „ღია მმართველობის პარტნიორობის“ (OGP) მართველ კომიტეტში მოხვედრის შანსი. ამასთან დაკავშირებით არის უკვე პირდაპირი გზავნილები ღია მმართველობის პარტნიორობის სამდივნოდან. ამ ეტაპზე, საქართველომ უნდა წარმოადგინოს OGP-ის სამოქმედო გეგმის განახლებული ვარიანტი, რომლმაც უნდა მოიცვას 2014-2015 წლების აქტივობები. იმისთვის, რომ საქართველოს მთავრობამ ამ უმნიშვნელოვანესი საერთაშორისო ინიციატივის ხელმძღვანელი მთავრობების სამდივნოში დაიკავოს საპატიო ადგილი, აუცილებელია, რომ OGP-ის საკითხებზე მუშაობაში, როგორც დემოკრატიული ინსტიტუტების განვითარების პლატფორმაში, უშუალოდ ჩართული იყოს მთავრობის უმაღლესი თანამდებობის პირი.


ვფიქრობთ, რომ ახალი სამოქმედო გეგმის შემუშავების საწყის ეტაპზე, პროცესის წარმატებისთვის განსაკუთრებით მნიშვნელოვანია საქართველოს მთავრობის და უშუალოდ პრემიერ-მინისტრის აქტიური ჩართულობა. მიგვაჩნია, რომ საქართველოს მთავრობამ, იმისთვის, რომ საერთაშორისო დონეზე გამორჩეულად დააფიქსიროს OGP-ის პრიორიტეტულობა, უნდა აიღოს მნიშვნელოვანი ვალდებულებები, რომელიც საქართველოს მოსახლეობის საჭიროებებს გამოეხმაურება და დაკავშირებული იქნება OGP-ის დეკლარირებულ პრინციპებთან. აღნიშნულ პროცესში მთავრობამ უნდა უზრუნველყოს  საჯარო დაწესებულებებისა და საზოგადოების მაქსიმალური ჩართულობა.    


ჩვენ, როგორც ღია მმართველობა საქართველოს ფორუმში შემავალი არასამთავრობო ორგანიზაციები, OGP-ის მნიშვნელობიდან გამომდინარე, მივიჩნევთ, რომ უკეთესი შედეგის მისაღწევად, უნდა შედგეს პროცესში მონაწილე არასამთავრობო ორგანიზაციების წარმომადგენელთა შეხვედრა თქვენთან, იმისთვის რომ უფრო დეტალურად გაგაცნოთ „ღია მმართველობის პარტნიორობის“ არსებული გამოწვევები და პერსპექტივები. ასევე, იმედს ვიტოვებთ, რომ ჩვენი შეხვედრისას,  მოვისმენთ თქვენგანაც, თუ როგორია საქართველოს მთავრობის ხედვები, გეგმები და სამომავლო პერსპექტივები OGP-ში მონაწილეობასთან დაკავშირებით.
 

 

ფორუმის წევრი ორგანიზაციები:

 

  • ინფორმაციის თავისუფლების განვითარების ინსტიტუტი (IDFI)
  • საერთაშორისო გამჭვირვალობა - საქართველო
  • საქართველოს ახალგაზრდა იურისტთა ასოციაცია
  • ფონდი ღია საზოგადოება - საქართველო
  • ჯამპსტარტ ჯორჯია
  • ეკონომიკური პოლიტიკისა კვლევის ცენტრი
სხვა მასალები ამ თემაზე
სიახლეები

მედიააკადემიასთან დავა სასამართლოს მეორე ინსტანციამაც IDFI-ის სასარგებლოდ გადაწყვიტა

22.10.2021

კორუფციასთან ბრძოლის სასერტიფიკატო პროგრამა დაიწყო

20.10.2021

საქართველო კანონის უზენაესობის 2021 წლის ინდექსში

20.10.2021

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021
განცხადებები

IDFI საარჩევნო კოდექსსა და „მაუწყებლობის შესახებ“ საქართველოს კანონში შესატან ცვლილებებს ეხმიანება

18.10.2021

კოალიცია მედიის ადვოკატირებისთვის სახელმწიფო ინსპექტორს მოსმენების ტექნიკური ინფრასტრუქტურის შემოწმებისკენ მოუწოდებს

27.09.2021

IDFI ფარული მასალების გავრცელებას ეხმიანება

17.09.2021

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021