განცხადება GNCC-თან არსებული მომხმარებელთა ინტერესების საზოგადოებრივი დამცველის შესარჩევი კონკურსის შესახებ

სიახლეები | განცხადებები 3 თებერვალი 2014

03 თებერვალი 2014 წ.

კოალიცია მედიის ადვოკატირებისათვის თვლის, რომ საქართველოს კომუნიკაციების ეროვნულ კომისიასთან არსებული მომხმარებელთა ინტერესების საზოგადოებრივი დამცველის შესარჩევი კონკურსი გაუმჭვირვალედ წარიმართა.

„ეროვნული მარეგულირებელი ორგანოების შესახებ“ საქართველოს კანონის თანახმად, საზოგადოებრივი დამცველი შეირჩევა ღია კონკურსით. მუხედავად ამისა, საზოგადოებრივი დამცველის ვაკანტურ პოზიციაზე ჩატარებული კონკურსი დასრულდა ისე, რომ არ გამხდარა ცნობილი არც საკონკურსო კომისიის შემადგენლობა და არც კანდიდატების მონაცემები. ჩატარებული კონკურსის შესახებ ინფორმაცია დღემდე არ იძებნება არც პარლამენტის ოფიციალურ ვებ გვერდზე. გაუმჭვირვალედ წარიმართა, ასევე, თავად კონკურსანტებთან გასაუბრების პროცესიც.

მომხმარებელთა ინტერესების საზოგადოებრივი დამცველის შერჩევის პროცესის გაუმჭვირვალედ ჩატარება კოალიციას უჩენს საფუძვლიან ეჭვს, რომ შესარჩევი კონკურსი წარიმართა მიკერძოებულად. ამ ეჭვს აძლიერებს  კონკურსის შედეგიც: მომხმარებელთა უფლებების საზოგადოებრივი დამცველი გახდა პარლამენტის დარგობრივი ეკონომიკისა და ეკონომიკური პოლიტიკის კომიტეტის აპარატის წამყვანი სპეციალისტი, ხოლო შესარჩევ კომისიას იმავე კომიტეტის თავმჯდომარე - ბატონი ზურაბ ტყემალაძე ხელმძღვანელობდა.

მომხმარებელთა ინტერესების საზოგადოებრივი დამცველის თანამდებობას ძალიან მაღალი საზოგადოებრივი მნიშვნელობა და დატვირთვა აქვს.  განსაკუთრებით მნიშვნელოვანია, საზოგადოებრივი დამცველის  მიუკერძოებელი და დამოუკიდებელი საქმიანობის უზრუნველყოფა ანალოგური საეთერო მაუწყებლობიდან ციფრულ მაუწყებლობაზე დაგეგმილი გადასვლის პროცესში. სამწუხაროდ, უკანასკნელი წლების განმავლობაში, საქართველოს კომუნიკაციების ეროვნულ კომისიასთან არსებული საზოგადოებრივი დამცველის პოზიცია იყო ვაკანტური. შესაბამისად, რთულია გავიხსენოთ მომხმარებელთა უფლებების დაცვისთვის გადადგმული რაიმე მნიშვნელოვანი ნაბიჯი. მომხმარებელთა ინტერესების საზოგადოებრივი დამცველის შერჩევის პროცესის და მისი შედეგის გათვალისწინებით, კოალიცია შიშობს, რომ გაუმჭვირვალე კონკურის პირობებში დანიშნული ახალი საზოგადოებრივი დამცველი,ამ საპასუხისმგებლო პოზიციაზე არაეფექტურად და მიკერძოებულად წარმართავს საქმიანობას და არ იქნება დამოუკიდებელი თავის გადაწყვეტილებებში.

კოალიცია მედიის ადვოკატირებისათვის მოუწოდებს პარლამენტს ყურადღებით შეისწავლოს საზოგადოებრივი დამცველის შესარჩევი კონკურსის მსვლელობა და მისი შედეგები და დააკვირდეს კომუნიკაციების ეროვნულ კომისიასთან არსებულ, მომხმარებელთა ინტერესების საზოგადოებრივი დამცველის საქმიანობას.

 

         კოალიციის წევრი ორგანიზაციები:

• საქართველოს რეგიონულ მაუწყებელთა ასოციაცია

• საქართველოსრეგიონულიმედიისასოციაცია

• რეგიონულტელევიზიათაქსელი

• მედიაკლუბი

• საქართველოს ჟურნალისტური ეთიკის ქარტია

• ინფორმაციის თავისუფლების განვითარების ინსტიტუტი

• ფონდი„ღია საზოგადოება - საქართველო“

• საქართველოს ახალგაზრდა იურისტთა ასოციაცია

• სამოქალაქო განვითარების ინსტიტუტი

• არასამთავრობო ორგანიზაცია „სამოქალაქო საზოგადოებისათვის“

• ლევან მიქელაძის სახელობის ფონდი

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლების ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020