IDFI-მ ციფრულ საეთერო მაუწყებლობაზე გადასვლის პროცესთან დაკავშირებით შეხვედრა გამართა

სიახლეები 30 ივნისი 2014

IDFI-მ მაუწყებლებს ციფრულ საეთერო მაუწყებლობაზე გადასვლასთან დაკავშირებით გაერთიანებისკენ მოუწოდა და ქსელის ინტეგრატორებთან იაფ ტექნიკურ გადაწყვეტილებაზე მოსალაპარაკებლად დაგეგმილი შეხვედრა დააანონსა.

 


27 ივნისს ინფორმაციის თავისუფლების განვითარების ინსტიტუტმა (IDFI) პროექტის „ციფრულ საეთერო მაუწყებლობაზე გადასვლის მონიტორინგი და მხარდაჭერა“ ფარგლებში მომზადებული კვლევის პრეზენტაცია გამართა, რომელსაც მაუწყებლებისა და კომუნიკაციების ეროვნული კომისიის წარმომადგენლები დაესწრნენ.

 

შეხვედრაზე წარმოდგენილი პრეზენტაციები ეხებოდა ციფრულ საეთერო მაუწყებლობაზე გადასვლის პროცესის მთავარ გამოწვევებს და ამ საკითხში ევროპული ქვეყნების პრაქტიკას. შეხვედრაზე წარმოდგენილი იყო ინფორმაცია რეგიონული მულტიპლექს პლატფორმების აგების ხარჯების შესახებაც.

 

პრეზენტაციის შემდგომ, დამსწრეებმა კომერციული საეთერო მაუწყებლობის მულტიპლექს ოპერატორების შესარჩევი კონკურსის მიმდინარეობა შეაფასეს და ადგილობრივი საეთერო მაუწყებლების ციფრულ საეთერო პლატფორმაზე მიგრაციაზე, მის ალტერნატივებსა და გამოწვევებზე იმსჯელეს.

 

საკონკურსო პირობებთან დაკავშირებულ პრობლემებს შორის IDFI-მ გამოყო მედია მფლობელობის გამჭვირალობა, ტარიფების ხელმისაწვდომობა, დისკრიმინაციული საკონკურსო პირობები და სხვა. ორგანიზაცია ფიქრობს, რომ საკონკურსო ვადა საკმაოდ მოკლე იყო და არც ინფორმაცია გავრცელებულა სათანადოდ კარგად, რომ გარე ინვესტორები მოეზიდა. შესაბამისად, მიმდინარე კონკურსში მხოლოდ ორი ქართული კომპანია „სტერეო +“ და შ.პ.ს. „მუქსი“ მონაწილეობენ, რომელიც „რუსთავი 2“ ის დაარსებულია.

 

ეროვნული მულტიპლექსის აგებისთვის გამოცხადებულ კონკურსში გამარჯვებული 1 ივლისს გამოვლინდება.

 

IDFI-ის წარმომადგენელმა უჩა სუთიძემ მაუწყებლებს გაერთიანება შესთავაზა და განაცხადა, რომ ორ კვირაში ორგანიზაცია ქსელის ინტეგრატორებთან შეხვედრას გამართავს რეგიონული მაუწყებლებისთვის იაფი ტექნიკური გადაწყვეტილების შესარჩევად.

 

/public/upload/DTT-16 06 14.pdf

/public/upload/competition.pdf

/public/upload/Practice.pdf

სხვა მასალები ამ თემაზე
სიახლეები

ტრენინგი CSO-ებისთვის: ეფექტური ჩართულობა და თანამშრომლობა ციფრული მოწყვლადობის საკითხებზე

05.07.2022

IDFI-მ მონაცემების გლობალური ბარომეტრის (GDB) კვლევის რეგიონული შედეგების პრეზენტაცია გამართა

05.07.2022

საჯარო ინფორმაციის ხელმისაწვდომობა და უფლება სამართლიან სასამართლოზე

30.06.2022

სამუშაო შეხვედრა პედაგოგებთან: მოწყვლადი ჯგუფების საჭიროებების იდენტიფიცირება საქართველოს განათლების სისტემაში, COVID-19 პანდემიის განმავლობაში

29.06.2022
განცხადებები

2021 წლის 5 და 6 ივლისის მასშტაბური ძალადობის ორგანიზატორთა გამოვლენა და დასჯა ხელისუფლების პასუხისმგებლობაა

05.07.2022

12 ნაბიჯი ევროკავშირის კანდიდატობისთვის

03.07.2022

ვეხმიანებით 3 ივლისს დაგეგმილი აქციის მხარდამჭერთა წინააღმდეგ გახშირებული ძალადობის ფაქტებს

30.06.2022

მიხეილ ჩინჩალაძის მეორე ვადით დანიშვნა ევროპული ინტეგრაციის პროცესს აზიანებს

29.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022