ანტი-კორუფციული საბჭოს მორიგი შეხვედრა ღია მმართველობის პარტნიორობის შესახებ

სიახლეები | პუბლიკაციები | ღია მმართველობის პარტნიორობა | სტატია 17 აპრილი 2014

Minitry of Justice, IDFI2014 წლის 14 აპრილს, სასტუმრო რედისონ ბლუ ივერიაში გაიმართა ანტი-კორუფციული საბჭოს მორიგი შეხვედრა (იხილეთ დღის წესრიგი) შეხვედრას ხელმძღვანელობდა იუსტიციის მინისტრი თეა წულუკიანი.

უწყებათაშორისი ანტიკორუფციული საბჭოს შეხვედრა მიეძღვნა საქართველოს მონაწილეობას ღია მმართველობის პარტნიორობაში და საქართველოს მთავრობის 2014-2015 წლების სამოქმედო გეგმის სამუშაო ვარიანტის განხილვას.

შეხვედრა რამდენიმე ნაწილად გაიმართა. პირველ ნაწილში იუსტიციის სამინისტროს ანალიტიკური დეპარტამენტის უფროსმა, ღია მმართველობის პარტნიორობის ფორუმის თანა-თავმჯდომომარემ, რუსუდან მიხელიძემ წარადგინა 2014-15 წლების სამოქმედო გეგმის სამუშაო ვერსია და ის ვალდებულებები, რაც უკვე აიღეს საჯარო დაწესებულებებმა. მან ასევე ისაუბრა ღია მმართველობის პარტნიორობის ფორუმის მიმდინარეობაზე. პირველი ნაწილი დისკუსიით დასრულდა.

სხდომის მეორე ნაწილი დაეთმო საჯარო კონსულტაციების მიმდინარეობის პროცესს. ამ საკითხზე ისაუბრეს ღია მმართველობის პარტნიორობის ფორუმის ეროვნულმა კოორდინატომა ქეთევან ცანავამ და ფორუმის თანა-თავმჯდომარემ სამოქალაქო საზოგადოების მხრიდან, ინფორმაციის თავისუფლების განვითარების ინსტიტუტის დირექტორმა გიორგი კლდიაშვილმა. მომხსენებლებმა ისაუბრეს საჯარო კონსულტაციების დროს ჩატარებული შეხვდრების შესახებ და წარადგინეს ის რეკომენდაციების პაკეტი, რაც ამ შეხვედრების შედეგად შედგა.

მონაცემთა გაცვლის სააგენტოს თავმჯდომარემ ირაკლი გვენეტაძემ ისაუბრა ღია მმართველობის პარტნიორობის ინიციატივებზე, ღია მონაცემების პორტალსა ელექტრონულ არქივზე; ხოლო იუსტიციის სამინისტროს წარმომადგენელმა, გვანცა მეუნარგიამ წარადგინა პრეზენტაცია ინფორმაციის თავისუფლების აქტის შემუშავების პროცესთან დაკავშირებით.

Ministry of Justice, IDFI

სხდომის მომდევნო ნაწილში რუსუდან მიხელიძემ, საბჭოს მდივანმა წარადგინა ანტიკორუფციული საბჭოს საქმიანობის შესახებ ანგარიში; ანტიკორუფციული მიმართულების კოორდინატორმა, ნატალია ბარათაშვილმა ისაუბრა ანტიკორუფციული სტრატეგიის განახლებისა და 2014-2016 წლების სამოქმედო გეგმის შემუშავების პროცესზე. თავდაცვის მინისტრის მოადგილემ, მიხეილ დარჩიაშვილმა ისაუბრა კორუფციის პრევენციის საკითხზე თავდაცვის სფეროში და ნატოს ‘კეთილსინდისიერების ამაღლების პროგრამაზე’. შეხვედრის ეს ნაწილი დასრულდა დისკუსიით. საჯარო სამსახურის ბიუროს უფროსმა ეკატერინე ქარდავამ ისაუბრა საჯარო სამსახურის რეფორმაზე, რასაც მოჰყვა დისკუსია.

დისკუსიის შედეგად გადაწყდა, რომ უახლოეს მომავალში არასამთავრობო ორგანიზაციებმა უნდა წარადგინონ საბოლოო რეკომენდაციები სამოქმედო გეგმით გასათვალისწინებელი ვალდებულებების შესახებ.

სხდომა დასრულდა საერთაშორისო რეკომენდაციების იმპლემენტაციის მიზნით Ad Hoc სამუშაო ჯგუფის შექმნით (IDFI აირჩიეს პირველი სამუშაო ჯგუფის მომხსენებლად – ‘ღიაობა, ინფორმაციის ხელმისაწვდომობა და სამოქალაქო ჩართულობა კორუფციასთან ბრძოლის პროცესში) და სამომავლო გეგმების გაცნობით.

სხვა მასალები ამ თემაზე
სიახლეები

IDFI-ის საბჭოთა ოკუპაციის 100 წლისთავისადმი მიძღვნილი აქტივობები

01.03.2021

თბილისის საქალაქო სასამართლომ „მედიააკადემიის“ წინააღმდეგ IDFI-ის სარჩელი დააკმაყოფილა

26.02.2021

სტატისტიკური მონაცემები 2018-2020 წლებში საქართველოს ოკუპირებულ ტერიტორიებზე ქართული ჯანდაცვის პროგრამებით მოსარგებლეთა შესახებ

24.02.2021

IDFI-ის ონლაინ კონფერენცია ხელოვნური ინტელექტის შესახებ: განხილული საკითხები და შედეგები

23.02.2021
განცხადებები

მედიაკოალიცია ჟურნალისტ ვახო სანაიაზე და მის ოჯახზე თავდასხმის ფაქტს ეხმიანება

25.02.2021

საგანგებო განცხადება ნიკა მელიას დაკავების შესახებ

23.02.2021

IDFI საქართველოს პარლამენტთან აქციების მონაწილეთა დაკავებას ეხმიანება

21.02.2021

ერთობლივი განცხადება ნიკა მელიას სასამართლო პროცესთან დაკავშირებით

17.02.2021
ბლოგპოსტები

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021

რატომ არ არის სახელმწიფო ავტოპარკში ელექტროავტომობილები?

08.02.2021

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020