IDFI-ის განცხადება მთავარი პროკურატურისადმი პრეზიდენტის მრჩევლის მიმართვასთან დაკავშირებით

განცხადებები 14 იანვარი 2016

საქართველოს პრეზიდენტის ადმინისტრაციამ რამდენიმე დღის წინ გაასაჯაროვა ის წერილი, რომლითაც პრეზიდენტის მრჩეველმა კახა კოჟორიძემ საქართველოს პროკურატურას მიმართა და მოითხოვა სხვადასხვა სტატისტიკური მონაცემები 2012 წლის ნოემბრიდან დღემდე წამებისა და არაადამიანური მოპყრობის მუხლებით გასამართლებული პირების მიმართ დამდგარი გამამტყუნებელი განაჩენების შესახებ.


აღნიშნულ საკითხთან დაკავშირებით ინფორმაციის მოპოვების მიზნით გასული წლების განმავლობაში IDFI-მ არაერთხელ მიმართა სხვადასხვა უწყებას. 2013 წლის 1 ივლისს IDFI-მ განცხადებით მიმართა თბილისის საქალაქო სასამართლოს და მოითხოვა 2012 წლის 1 ოქტომბრიდან განცხადების მიღების მომენტამდე თბილისის საქალაქო სასამართლოს მიერ სისხლის სამართლის კოდექსის 1441 (წამება) და 1443 (დამამცირებელი ან არაადამიანური მოპყრობა) მუხლებით განხილული საქმეების ოდენობის შესახებ ინფორმაცია და მიღებული გადაწყვეტილებების (განაჩენების) ასლები. მოწოდებული ინფორმაციის თანახმად, 2012 წლის 1 ოქტომბრიდან 2013 წლის ივლისამდე, თბილისის საქალაქო სასამართლოს მიერ სისხლის სამართლის კოდექსის მოცემული მუხლებით განხილული იქნა სულ ორი სისხლის სამართლის საქმე.


2014 წლის ნოემბრის დასაწყისში IDFI-მ მიმართა საქართველოს მთავარ პროკურატურას და მოითხოვა სხვადასხვა სახის სტატისტიკური ინფორმაცია წამებისა და სხვა სასტიკი, არაადამიანური ან ღირსების შემლახავი მოპყრობის, აგრეთვე წამების მუქარის შემთხვეების გამოძიების შესახებ. მოწოდებული ინფორმაციის თანახმად 2013 წლის განმავლობაში სასჯელაღსრულების დაწესებულებებში პატიმართა მიმართ განხორცილებული არასათანადო მოპყრობისა და მასთან დაკავშირებულ დანაშაულებზე სისხლისსამართლებრივი დევნა დაიწყო სასჯელაღსრულების დეპარტამენტის 48 თანამშრომლის მიმართ, საიდანაც გამამტყუნებელი განაჩენი 28 თანამშრომლის, ხოლო გამამართლებელი კი ერთი თანამშრომლის მიმართ დადგა. დევნა შეწყდა ერთი პირის მიმართ. ამასთან ინფორმაცია არ მოგვეწოდა იმის შესახებ თუ რა ბედი ეწია დანარჩენ 18 ბრალდებულს, წერილის ტექსტიდან გამომდინარე უნდა ვივარაუდოთ, რომ მათ შემთხვევაში დადგა ნაწილობრივ გამამართლებელი განაჩენი.

 

აღსანიშნავია, რომ 2015 წლის განმავლობაში IDFI-მ არაერთხელ მიმართა საქართველოს მთავარ პროკურატურას სხვადასხვა სტატისტიკური ინფორმაციის მიღების მოთხოვნით, რომლებიც მართლმსაჯულების ხარვეზების აღმოფხვრის საკითხთან არის დაკავშირებული და რომლის მიმართაც არსებობს განსაკუთრებით მაღალი საჯარო ინტერესი, თუმცა სამწუხაროდ საქართველოს პროკურატურაში შეინიშნება ხარვეზები მოთხოვნილი ინფორმაციის სრულყოფილი სახით გაცემასთან დაკავშირებით. ამასთან ხშირია შემთხვევები, როდესაც საჯარო ინფორმაციის მოთხოვნის შესახებ ჩვენი განცხადებები რჩება უპასუხო.  

 

სამწუხაროდ, დღეის მდგომარეობით საზოგადოებას კვლავაც არ აქვს ზუსტი და ყოვლისმომცველი ინფორმაცია საქართველოს პენიტენციალურ სისტემაში გამოკვეთილ დანაშაულებებსა და გადაცდომების შესახებ, გამოძიების მასშტაბებისა და გამოვლენილი ფაქტების შესახებ. მოვუწოდებთ საქართველოს მთავარ პროკურატურას მიაწოდოს საზოგადოებას სრულყოფილი ინფორმაცია საზოგადოებისთვის მნიშვნელოვანი საკითხების ირგვლივ, მათ შორის უწყებებში შესული განცხადებებისა და საჩივრების რაოდენობის, აგრეთვე გატარებული შესაბამისი ზომებისა და იმ პირთა რაოდენობის შესახებ, რომლებსაც დაეკისრათ პასუხიმგებლობა წამებისა და არაადამიანური მოპყრობის მუხლით.

სხვა მასალები ამ თემაზე
სიახლეები

თბილისის საქალაქო სასამართლომ „მედიააკადემიის“ წინააღმდეგ IDFI-ის სარჩელი დააკმაყოფილა

26.02.2021

სტატისტიკური მონაცემები 2018-2020 წლებში საქართველოს ოკუპირებულ ტერიტორიებზე ქართული ჯანდაცვის პროგრამებით მოსარგებლეთა შესახებ

24.02.2021

ხელოვნური ინტელექტი: არსი, საერთაშორისო სტანდარტები, ეთიკური ნორმები და რეკომენდაციები

22.02.2021

ხელოვნური ინტელექტის სისტემების გამოყენება საქართველოში - კანონმდებლობა და პრაქტიკა

19.02.2021
განცხადებები

მედიაკოალიცია ჟურნალისტ ვახო სანაიაზე და მის ოჯახზე თავდასხმის ფაქტს ეხმიანება

25.02.2021

საგანგებო განცხადება ნიკა მელიას დაკავების შესახებ

23.02.2021

IDFI საქართველოს პარლამენტთან აქციების მონაწილეთა დაკავებას ეხმიანება

21.02.2021

ერთობლივი განცხადება ნიკა მელიას სასამართლო პროცესთან დაკავშირებით

17.02.2021
ბლოგპოსტები

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021

რატომ არ არის სახელმწიფო ავტოპარკში ელექტროავტომობილები?

08.02.2021

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020