8 მაისს, 11 საათზე, სასტუმრო "ამბასადორში“(მის: იოანე შავთელის 13), ინფორმაციის თავისუფლების განვითარების ინსტიტუტი (IDFI) და გადასახადის გადამხდელთა კავშირი (TPU) მართავენ მრგვალ მაგიდას თემაზე: სახელმწიფო საწარმოების როლი სოფლის მეურნეობის განვითარებაში.
ღონისძიება ტარდება აღმოსავლეთ-დასავლეთის მართვის ინსტიტუტის (EWMI) პროგრამის “საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში” (G-PAC) ფარგლებში.
ინფორმაციის თავისუფლების განვითარების ინსტიტუტი (IDFI) და გადასახადის გადამხდელთა კავშირი (TPU) ახორციელებენ პროექტს: სახელმწიფო საწარმოები საქართველოში და მათი ეფექტიანობა; ფოკუსი: სოფლის მეურნეობა. პროექტის მიზანია სოფლის მეურნეობის დარგში არსებული სახელმწიფო საწარმოების მუშაობის შესწავლა და მათი ეფექტიანობის ანალიზი, ხოლო მიღებული შედგების საფუძველზე შესაბამისი რეკომენდაციების შემუშავება.
შეხვედრაზე წარმოდგენილი იქნება სოფლის მეურნეობის სფეროში მოქმედი სახელმწიფო საწარმოების მიმოხილვითი ანალიზი, მონაწილეები იმსჯელებენ სახელმწიფო საწარმოების არსებობის მიზანშეწონილობასა და მათი ეფექტიანობის გაზრდის გზებზე, წარმოადგენენ საკუთარ ხედვებს და მოსაზრებებს სექტორის სამომავლო განვითარებასთან დაკავშირებით, რომლებიც შევა მთავრობისთვის წარსადგენ რეკომენდაციების პაკეტში.
ღონისძიებაში მონაწილეობას მიიღებენ ექსპერტები, არასამთავრობო და კვლევითი ორგანიზაციების წარმომადგენლები.
სამუშაო ენა : ქართული; უზრუნველყოფილი იქნება თანმიმდევრული თარგმანი
საკონტაქტო ინფორმაცია: ტელ: 2921514, ელ-ფოსტა: info@idfi.ge
უზენაესი სასამართლოს მოსამართლეების შერჩევა
21.10.2019კორუფციასთან ბრძოლის სასერტიფიკატო პროგრამა
15.09.2019
სიახლეების გამოწერა
