ღია მმართველობა

27 მაისი 2016

IDFI - GPSA-ის პარტნიორთა გლობალურ ფორუმზე

2016 წლის პარტნიორთა გლობალური ფორუმი 19-24 მაისს ვაშინგტონში გაიმართა. მონაწილეებს შორის იყვნენ სხვადასხვა ადგილობრივი და საერთაშორისო არასამთავრობო ორგანიზაციების, მთავრობის, კერძო სექტორის და აკადემიური სფეროს წარმომადგენლები. ინფორმაციის თავისუფლების განვითარების ინსტიტუტს (IDFI) ფორუმზე წარმოადგენდა საბა ბუაძე, ღია მმართველობის პარტნიორობის (OGP) პროგრამის ფარგლებში.

25 მაისი 2016

პარლამენტის წევრების შეხვედრა ეთიკის კოდექსთან დაკავშირებით

საქართველოს პარლამენტის ღია და გამჭვირვალე მმართველობის მუდმივმოქმედი საბჭოსა და მისი საკონსულტაციო ჯგუფის სამუშაო შეხვედრა გაიმართა, სადაც საქართველოს ღია პარლამენტის 2015-2016 წლების სამოქმედო გეგმის 4.4. ვალდებულებით გათვალისწინებულ საკითხზე, კერძოდ, საქართველოს პარლამენტის წევრთა ეთიკის კოდექსზე იმსჯელეს.

24 მაისი 2016

ცვლილებები საქართველოს პარლამენტის რეგლამენტში

4 თვიანი მუშაობის შედეგად საქართველოს პარლამენტის ღია და გამჭვირვალე მმართველობის მუდმივმოქმედმა საბჭომ და მასთან არსებულმა საკონსულტაციო ჯგუფმა შეიმუშავეს პარლამენტის რეგლამენტის ცვლილებების პროექტი. კანონპროექტის მიზანია ხელი შეუწყოს საპარლამენტო საქმიანობაში მოქალაქეების ჩართულობას და გააძლიეროს პარლამენტის გამჭვირვალობა და ანგარიშვალდებულება. რეგლამენტის ცვლილებების პროექტი შემუშავდა საქართველოს ღია პარლამენტის 2015-2016 წლების სამოქმედო გეგმის საფუძველზე.

16 მაისი 2016

კონცეფცია საქართველოს პარლამენტისთვის საკანონმდებლო წინადადებისა და საკანონმდებლო ინიციატივის ელექტრონული სახით წარდგენის შესახებ

საქართველოს პარლამენტის ღია და გამჭვირვალე მმართველობის მუდმივმოქმედმა საბჭომ მიიღო კონცეფცია, რომლის მიზანია ხელი შეუწყოს საქართველოს ღია პარლამენტის სამოქმედო გეგმის 1.2. ვალდებულების განხორციელებას. ვალდებულება გულისხმობს პარლამენტისთვის საკანონმდებლო წინადადებისა და საკანონმდებლო ინიციატივის ელექტრონული სახით წარდგენის და მოქალაქეთა მხრიდან მხარდაჭერის მექანიზმის დანერგვას პარლამენტის ვებგვერდის მეშვეობით.

13 მაისი 2016

კონცეფცია შეზღუდული შესაძლებლობების მქონე პირებისთვის საპარლამენტო ინფორმაციაზე წვდომის გამარტივების შესახებ

საქართველოს პარლამენტის ღია და გამჭვირვალე მმართველობის მუდმივმოქმედმა საბჭომ მიიღო კონცეფცია, რომლის მიზანია ხელი შეუწყოს საქართველოს ღია პარლამენტის სამოქმედო გეგმის 2.1. ვალდებულების განხორციელებას. ვალდებულება გულისხმობს შეზღუდული შესაძლებლობების მქონე პირებისთვის საპარლამენტო ინფორმაციაზე წვდომის გამარტივებას.

12 მაისი 2016

საქართველოს პარლამენტი OGP-ის დეკლარაციას შეუერთდა

საქართველოს პარლამენტი ღია და გამჭვირვალე მმართველობის მუდმივმოქმედი საპარალამენტო საბჭოს მეშვეობით შეუერთდა OGP-ის დეკლარაციას ,,ღია მმართველობა მდგრადი განვითარების დღის წესრიგის განხორციელებისთვის.“

12 მაისი 2016

საქართველოს ეროვნული სამოქმედო გეგმის საჯარო განხილვა ახალციხეში

ახალციხეში 2016-2017 წლების საქართველოს ეროვნული სამოქმედო გეგმის (OGP NAP) საჯარო განხილვა გაიმართა. ახალციხეში გამართული შეხვედრა დემოკრატიული ჩართულობისა ცენტრის და საქართველოს იუსტიციის სამინისტროს ანალიტიკური დეპარტამენტის თანამშრომლობით შედგა. ინფორმაციის თავისუფლების განვითარების ინსტიტუტი (IDFI) აქტიურადაა ჩართული "პარტნიორობა ღია მმართველობისათვის" საქმიანობაში. როგორც საჯარო კონსულტაციებში აქტიურად მონაწილე არასამთავრობო ორგანიზაცია, IDFI წარმოდგენილი იყო აღნიშნულ შეხვედრაზე.

9 მაისი 2016

საპარლამენტო საბჭომ და საკონსულტაციო ჯგუფმა რეგლამენტში შესატანი ცვლილებების პროექტები განიხილეს

2016 წლის 5 მაისს, საქართველოს პარლამენტის ღია და გამჭვირვალე მმართველობის მუდმივმოქმედმა საპარლამენტო საბჭომ და მასთან არსებულმა, არასამთავრობო და საერთაშორისო ორგანიზაციებით დაკომპლექტებულმა საკონსულტაციო ჯგუფმა სამუშაო შეხვედრა გამართეს. შეხვედრაში მონაწილეობა მიიღეს საპარლამენტო საბჭოს წევრმა დეპუტატებმა, საქართველოს პარლამენტის აპარატის და საბიუჯეტო ოფისის, ასევე, არასამთავრობო და საერთაშორისო ორგანიზაციების წარმომადგენლებმა. შეხვედრაზე მხარეებმა იმსჯელეს საქართველოს ღია პარლამენტის სამოქმედო გეგმის (2015-2016) ვალდებულებებიდან გამომდინარე საქართველოს პარლამენტის რეგლამენტში შესატან ცვლილებებზე.

5 მაისი 2016

კონცეფცია პარლამენტის ვებგვერდზე დოკუმენტების ადვილად დასამუშავებელ ფორმატში განთავსების შესახებ

საქართველოს პარლამენტის ღია და გამჭვირვალე მმართველობის მუდმივმოქმედმა საბჭომ მიიღო კონცეფცია, რომლის მიზანია ხელი შეუწყოს საქართველოს ღია პარლამენტის სამოქმედო გეგმის 3.1. ვალდებულების განხორციელებას. ვალდებულება გულისხმობს პარლამენტის ვებგვერდზე დოკუმენტების ადვილად დასამუშავებელ ფორმატში განთავსებას.

4 მაისი 2016

ღია მმართველობა საქართველოს 2014-2015 წლების სამოქმედო გეგმის შესრულებული და შეუსრულებელი ვალდებულებები - მედია მიმოხილვა

ინფორმაციის თავისუფლების განვითარების ინსტიტუტმა (IDFI) ღია მმართველობის პროგრამით გათვალისწინებული სამოქმედო გეგმის შესახებ კვლევა ჩაატარა. მთავარ მიზანს წარმოადგენდა არა უშუალოდ სამოქმედო გეგმის შეფასება, არამედ გეგმით ნაკარნახევი ვალდებულებების შეუსრულებლობის მიზეზების განხილვა და შეფასება.