სტატია

25 თებერვალი 2017 image

1921 წლის 25 თებერვალი საქართველოს დემოკრატიული რესპუბლიკის ოკუპაციის დღეა

25 თებერვალს, 11:00 საათიდან 16:00 საათამდე პარლამენტის შენობის წინ - საზოგადოება „მემორიალმა“ და ინფორმაციის თავისუფლების განვითარების ინსტიტუტმა (IDFI)  რუსთაველის გამზირზე გამართეს გამოფენა თემაზე: „გასაბჭოების შედეგები საქართველოში რეპრესირებულთა ფოტოებისა და სიების  სახით“. გამოფენა ეძღვნებოდა ოკუპაციის პირველ წლებში პოლიტიკური ნიშნით დაპატიმრებულ და დახვრეტილ პატრიოტთა ხსოვნას. გამოფენის მოწყობის მიზანს წარმოადგენდა ანტიჰუმანური რეჟიმის, ბოლშევიზმის, ქმედებათა შეხსენება მოსახლეობისათვის, რომლის 62% თურმე, სტალინელთა აზრით, მისტირის საბჭოთა კავშირს. 

9 თებერვალი 2017 image

სახალხო დამცველი IDFI-ის უფლების დარღვევის ფაქტზე იუსტიციის სამინისტროს სისტემას რეკომენდაციით მიმართავს

საქართველოს სახალხო დამცველმა იუსტიციის სამინისტროსა და მის მმართველობის სფეროში შემავალი 11 საჯარო სამართლის იურიდიული პირის მიერ ააიპ “ინფორმაციის თავისუფლების განვითარების ინსტიტუტის“ უფლების დარღვევის ფაქტი დაადგინა. სახალხო დამცველის განცხადების თანახმად აღნიშნულმა უწყებებმა არ შეასრულეს მათზე კანონმდებლობით დაკისრებული ვალდებულება გაეცათ საჯარო ინფორმაცია.

7 თებერვალი 2017 image

ლარის გაუფასურების მიზეზები

სტატიაში წარმოგიდგენთ ლარის გაუფასურების მიზეზების დეტალურ მიმოხილვას. რა ფაქტორებმა გამოიწვია ლარის გაუფასურება და რამ არა?მართალია, 2013 წლის დასაწყისიდან დღემდე ლარი დოლართან მიმართებაში 69%-ით გაუფასურდა, მთლიანობაში, საქართველოს ყველა სავაჭრო პარტნიორების ვალუტებთან მიმართებაში ლარი მხოლოდ 4.1%-ით არის გაუფასურებული. ეს ხაზს უსვამს, ერთი მხრივ, იმას, რომ დოლარის გამყარება გლობალური ტენდენციაა, ხოლო, მეორე მხრივ, იმას, რომ ჩვენს სავაჭრო პარტნიორ ქვეყნებში მეტ ნაკლებად ყველა ვალუტა გაუფასურდა. ამ ფონზე ლარის გაუფასურების შეჩერება ხელოვნური ინტერვენციებით შესაძლოა ცუდი შედეგების მომტანიც კი ყოფილიყო. ლარის გაუფასურების მთავარი მიზეზი უარყოფითი სავაჭრო ბალანსია - სხვაობა იმპორტსა და ექსპორტს შორის. შესაბამისად, გრძელვადიან პერიოდში ლარის კურსის სტაბილურობა, პირველ რიგში, დამოკიდებული იქნება იმაზე, თუ რამდენად სწრაფად გაიზრდება ეკონომიკა.

 

30 იანვარი 2017 image

ღია და გამჭვირვალე მმართველობის საპარლამენტო საბჭოს გასვლითი შეხვედრა

ღია და გამჭვირვალე მმართველობის მუდმივმოქმედი საპარლამენტო საბჭოს და საბჭოსთან არსებული საკონსულტაციო ჯგუფის გასვლითი შეხვედრა გაიმართა, რომელზეც განხილულ იქნა საპარლამენტო ღიაობის საკითხები და სამომავლო ნაბიჯები. შეხვედრას ესწრებოდნენ ღია და გამჭვირვალე მმართველობის მუდმივმოქმედი საპარლამენტო საბჭოს ახლადარჩეული წევრები, სამოქალაქო საზოგადოებისა და საერთაშორისო ორგანიზაციების წარმომადგენლები.

 

26 იანვარი 2017 image

საქართველოს პარლამენტის თავმჯდომარემ ღია და გამჭვირვალე მმართველობის მუდმივმოქმედი საპარლამენტო საბჭოს ახალი შემადგენლობა დაამტკიცა

2017 წლის 16 იანვარს, საქართველოს პარლამენტის თავმჯდომარის #9/3 ბრძანებით დამტკიცდა ღია და გამჭვირვალე მმართველობის მუდმივმოქმედი საპარლამენტო საბჭოს ახალი შემადგენლობა. პარლამენტის თავმჯდომარის ბრძანების თანახმად, საბჭოს ახალ შემადგენლობაში შევიდნენ: ირინა ფრუიძე (საბჭოს თავმჯდომარე), ფრაქცია „ქართული ოცნება“; ირაკლი კობახიძე, ფრაქცია „ქართული ოცნება“; თამარ ჩუგოშვილი, ფრაქცია „ქართული ოცნება“; გიორგი კახიანი, ფრაქცია „ქართული ოცნება“; კახაბერ კუჭავა, ფრაქცია „ქართული ოცნება“; გუგული მაღრაძე, ფრაქცია „ქართული ოცნება“; გიორგი ტუღუში, ფრაქცია „ევროპული საქართველო - უკეთესი მომავლისთვის“; ოთარ კახიძე, ფრაქცია „ევროპული საქართველო - უკეთესი მომავლისთვის“; და ემზარ კვიციანი, ფრაქცია „საქართველოს პატრიოტები“.

24 იანვარი 2017 image

სასამართლო გადაწყვეტილებათა ხელმისაწვდომობის გაუმჯობესება საქართველოში - პროექტის შედეგების პრეზენტაცია

დღეს ინფორმაციის თავისუფლების განვითარების ინსტიტუტმა (IDFI) პროექტის „სასამართლო გადაწყვეტილებათა ხელმისაწვდომობის გაზრდა საქართველოში“ დასკვნით პრეზენტაცია გამართა. ღონისძიებაზე IDFI-ის წარმომადგენლებმა დამსწრე საზოგადოებას წარუდგენს პროექტის ფარგლებში განხორციელებული კვლევების შედეგებს და მომზადებულ წინადადებები საჯარო ინფორმაციის ხელმისაწვდომობის მარეგულირებელ კანონმდებლობაში შესატან ცვლილებებთან დაკავშირებით.

 

28 დეკემბერი 2016 image

„ღია მმართველობის“ დაჯილდოება და მისი გამარჯვებულები

„ღია მმართველობის“ დაჯილდოება 2014 წელს დაწესდა. ის მიზნად ისახავს OGP-ის წევრი ქვეყნების მიერ „ღია მმართველობის პარტნიორობის“ ფარგლებში მთავრობის გამჭვირვალობისა და ანგარიშვალდებულების კუთხით საუკეთესოდ განხორციელებული ინიციატივის გამოვლენას. საყურადღებოა, რომ ყოველწლიურად, „ღია მმართველობის“ დაჯილდოება OGP-ის ერთ კონკრეტულ გამოწვევას ირჩევს და სწორედ ამ გამოწვევის განხორციელების კუთხით ავლენს კონკურსის გამარჯვებულს. 

 

21 დეკემბერი 2016 image

პარლამენტის ვებგვერდის ოპტიმიზაცია ხელმისაწვდომობის საერთაშორისო სტანდარტებთან

შეზღუდული შესაძლებლობების მქონე პირებისთვის პარლამენტის ვებგვერდის ოპტიმიზაციაზე საუბრისას, საყურადღებოა, რომ ეს ინიციატივა საქართველოს ღია პარლამენტის 2015-2016 წლების სამოქმედო გეგმით გათვალისწინებული ვალდებულებიდან გამომდინარეობს. კერძოდ, გეგმის 2.1. პუნქტის თანახმად, საქართველოს პარლამენტმა შეზღუდული შესაძლებლობების მქონე პირებისთვის საპარლამენტო დოკუმენტაციაზე წვდომის გამარტივების ვალდებულება იკისრა. 

8 დეკემბერი 2016 image

ღია მმართველობის პარტნიორობა - გლობალური სამიტები და საქართველოს მიღწევები

2016 წლის 4 მაისს საქართველო  OGP-ის თანა-თავმჯდომარედ იქნა არჩეული. 2013 წლის აგვისტოდან ქვეყანა ასევე არის OGP-ის მმართველი კომიტეტის წევრი. თანათავმჯდომარის უფლებამოსილების ფარგლებში, რომელიც 1 ოქტომბრიდან დაიწყო,  საქართველო საფრანგეთთან ერთად უხელმძღვანელებს მმართველ კომიტეტს, ხოლო მომავალი წლის ოქტომბრიდან OGP-ის თავმჯდომარეობას დაიკავებს. თავმჯდომარის უფლებამოსილების ფარგლებში, საქართველო მონაწილეობას მიიღებს ღია მმართველობის პარტნიორობის ძირითადი მიმართულებებისა და სტრატეგიების შემუშავებაში.

7 დეკემბერი 2016 image

საქართველო 2017 წლის ბიზნესის კეთების ინდექსში

2017 წლის ბიზნესის კეთების ინდექსის მიხედვით, საქართველო 190 ქვეყანას შორის მე-16 ადგილზეა. 2016 წლის ინდექსში მას 189 ქვეყნიდან 24-ე ადგილი ეკავა. საქართველომ მრავალ კატეგორიაში გააუმჯობესა საკუთარი მაჩვენებელი. ყველაზე მეტი წინსვლა დაფიქსირდა ინსტიტუციური სტრუქტურის დახვეწისა და მარეგულირებელი გარემოს გაუმჯობესებაში. თუმცა, ჯერ კიდევ რჩება გამოწვევები. საქართველოს სუსტი მხარეებია მთავრობისა და კერძო სექტორის მიერ განათლებისა და კვლევის სუსტი მხარდაჭერა და ბიზნესში ინოვაციების შეზღუდული გამოყენება.