კოალიცია ინფორმაციის სანდოობისთვის - პრეზენტაცია

სიახლეები | მეხსიერების და დეზინფორმაციის კვლევები | სტატია 27 სექტემბერი 2021

დღეს, სამოქალაქო საზოგადოების და მედია ორგანიზაციებმა ჩამოაყალიბეს “კოალიცია ინფორმაციის სანდოობისთვის.” კოალიციის მთავარი მიზანი საზოგადოებაში დეზინფორმაციისა და ანტიდასავლური პროპაგანდის მიმართ ცნობიერების ამაღლება და აღნიშნული საფრთხეების საპასუხოდ საერთო ეროვნული და საზოგადოებრივი მიდგომის ჩამოყალიბებაა. აღნიშნულს  განსაკუთრებული მნიშვნელობა სწორედ არჩევნების დროს ენიჭება, როდესაც ამომრჩევლებმა ინფორმირებული არჩევანი უნდა გააკეთონ.

 

კოალიცია ეფუძნება დემოკრატიულ ღირებულებებს, თავისუფლების, თანასწორობის, კეთილსინდისიერებისა და ანგარიშვალდებულების პრინციპებს. კოალიცია მზადაა იმუშაოს ყველასთან, ვინც აღნიშნულ ღირებებულებებს იზიარებს, იაზრებს დეზინფორმაციის დამაზიანებელ საფრთხეებს და მზადაა ქვეყნის ეროვნულ და საზოგადოებრივ გაძლიერებაში წვლილი შეიტანოს. მათ შორის, კოალიცია მზად არის ითანამშრომლოს ფართო საზოგადოებასთან, სამოქალაქო სექტორთან, მედიასთან, აქტივისტებთან, საერთაშორისო ორგანიზაციებთან და შესაბამის სახელმწიფო ინსტიტუტებთან.

 

კოალიციის საქმიანობის ძირითადი მიმართულებები იქნება:

 

- დეზინფორმაციის წყაროების, აქტორებისა და გზავნილების რეგულარული მონიტორინგი, კვლევა და საპასუხო ქმედებების განხორციელება;

 

- კვლევისა და ადვოკატირების გზით სახელმწიფო პოლიტიკისა და საკანონმდებლო საქმიანობის გაუმჯობესება;

 

- საზოგადოებაში მედიაწიგნიერების დონის ზრდის ხელშეწყობა და საქართველოს მოქალაქეების ინფორმირება იმის შესახებ, თუ როგორ გაარჩიონ ფაქტები დეზინფორმაციისგან;

 

- მედიასთან თანამშრომლობა დეზინფორმაციისა და მასთან დაკავშირებული საკითხების ზუსტი, სარწმუნო და ინკლუზიური გაშუქების უზრუნველყოფის მიზნით;

 

- აქტიური თანამშრომლობა საერთაშორისო საზოგადოებასთან, რომელიც მოიცავს დიპლომატებს, საერთაშორისო და კვლევით ორგანიზაციებს, ექსპერტებს, მკვლევრებს, მედია ორგანიზაციებს და სოციალური მედიის პლატფორმებს.

 

- საგანმანათლებლო და კვლევით ინსტიტუტებთან მჭიდრო თანამშრომლობა დეზინფორმაციის კვლევების პოპულარიზაციისა და დეზინფორმაციის შესახებ სიღრმისეული აკადემიური კვლევების წახალისების მიზნით.

  

დეზინფორმაცია და ანტიდასავლური პროპაგანდა მნიშვნელოვან ზიანს აყენებს საქართველოს ეროვნულ ინტერესებსა და მის ევროატლანტიკურ მისწრაფებებს, ზრდის მოქალაქეთა პოლარიზაციას და საზოგადოებრივ პროცესებზე მავნე ზეგავლენით ქვეყნის დემოკრატიული განვითარების შეფერხებას ცდილობს. დეზინფორმაციის საზიანო შედეგები განსაკუთრებით მძიმეა, როდესაც მისი სამიზნე არჩევნები, საზოგადოებრივი ჯანდაცვა თუ ქვეყნის შიგნით მიმდინარე სხვა პოლიტიკური პროცესები ხდება. აღნიშნული საფრთხეების პირისპირ, საჭიროა საზოგადოების ერთიანი და შეთანხმებული მიდგომის განვითარება, რომელიც მოქალაქეთა სანდო ინფორმაციაზე წვდომას და მათ მავნე დეზინფორმაციისგან დაცვას უზრუნველყოფს.

 

მოახლოებული თვითმმართველობის არჩევნების კონტექსტში კოალიციის წევრი ორგანიზაციები აქტიურად აკვირდებიან საინფორმაციო გარემოს. გამოვლენილ დეზინფორმაციაზე სწრაფი და კოორდინირებული ქმედებით კოალიცია ეცდება საკუთარი წვლილი შეიტანოს საზოგადოებრივ აზრზე დეზინფორმაციის მავნე ზემოქმედების შემცირებასა და საინფორმაციო გარემოს გაჯანსაღებაში.

 

კოალიციის წევრი ორგანიზაციები არიან: ინფორმაციის თავისუფლების განვითარების ინსტიტუტი (IDFI), iFact, მედიის განვითარების ფონდი (MDF), ომისა და მშვიდობის გაშუქების ინსტიტუტი (IWPR), სამართლიანი არჩევნებისა და დემოკრატიის საერთაშორისო საზოგადოება (ISFED), საქართველოს ჟურნალისტური ეთიკის ქარტია, საქართველოს რეფორმების ასოციაცია (GRASS), ტოლერანტობისა და მრავალფეროვნების ინსტიტუტი (TDI).

 

სხვა მასალები ამ თემაზე
სიახლეები

IDFI-მ შეიმუშავა რეკომენდაციები აჭარის უმაღლესი საბჭოსთვის საჯარო ინფორმაციის პროაქტიულად გამოქვეყნებასთან დაკავშირებით

17.05.2022

Შეხვედრა გორის ახალგაზრდობასთან - ​​გაყალბებული ისტორია და ტრიუმფალური 9 მაისი: ისტორია და თანამედროვეობა

17.05.2022

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022