სასერტიფიკატო და საუნივერსიტეტო პროგრამა - დეზინფორმაციისა და პროპაგანდის კვლევა: ისტორია, თეორიები და გაბათილების საშუალებები - დაიწყო

სიახლეები | მეხსიერების და დეზინფორმაციის კვლევები | სტატია 21 სექტემბერი 2021

ინფორმაციის თავისუფლების განვითარების ინსტიტუტისა (IDFI) და საქართველოს უნივერსიტეტის (UG) თანამშრომლობით დაგეგმილი სასწავლო პროგრამისთვის: დეზინფორმაციისა და პროპაგანდის კვლევა: ისტორია, თეორიები და გაბათილების საშუალებები, მონაწილეთა შერჩევა დასრულდა. სულ პროგრამაში მონაწილეობის სურვილი გამოთქვა 78-მა აპლიკანტმა. CV-ების და სამოტივაციო წერილების განხილვების შემდეგ, 35 აპლიკანტი გადავიდა გასაუბრების ეტაპზე, რომელიც მიმდინარეობდა 13-15 სექტემბერს. საბოლოო ჯამში, შეირჩა 17 მონაწილე, რომლებიც საქართველოს უნივერსიტეტის სოციალური მეცნიერებებისა და მედია სკოლის სტუდენტებთან ერთად ჩაერთვებიან პროგრამაში. შერჩეული მონაწილეები წარმოადგენენ სხვადასხვა უნივერსიტეტს, რეგიონულ მედია საშუალებებს, სამოქალაქო ორგანიზაციებსა და საჯარო დაწესებულებებს.

 

სასერტიფიკატო პროგრამა 20 სექტემბრიდან დაიწყო და ორი სემესტრის მანძილზე მსმენელებს შესთავაზებს 6 სემესტრულ მოდულსა და რამდენიმე მოკლე სასწავლო სემინარს, დეზინფორმაციისა და პროპაგანდის კვლევის, ისტორიის, მისი საზოგადოებრივი გავლენებისა და გაბათილების საშუალებებზე. ყველა შერჩეული მონაწილე, რომელიც აკადემიური წლის განმავლობაში წარმატებით გაივლის, სულ ცოტა 4 სასწავლო კურსს, მიიღებს პროგრამის გავლის დამადასტურებელ ორენოვან სერტიფიკატს. მსმენელებს ასევე საშუალება ექნებათ განავითარონ კვლევითი პროექტები და წარადგინონ ისინი გაზაფხულის სემესტრში დაგეგმილ საერთაშორისო აკადემიურ კონფერენციაზე. კონკურსის შედეგად შერჩეული 10 საუკეთესო პროექტი/ნაშრომი გამოქვეყნდება IDFI-ისა და UG-ის ონლაინ საკომუნიკაციო გვერდებზე.

 

 

მიმდინარე, შემოდგომის სემესტრში, პროგრამის ფარგლებში შეთავაზებულია შემეგი სამი კურსი:

 

სტრატეგიული აზროვნება

ლექტორი: დავით ნარდაია

 

სტუდენტები  გაეცნობიან  სტრატეგიის ეტიმოლოგიასა და თანამედროვე სტრატეგიის საფუძვლებს, სტრატეგიასა და პოლიტიკას (policy) შორის არსებულ კავშირებს. დაუკავშირებენ თეორიულ ცოდნას პრაქტიკულ მაგალითებს.

 

ლექტორის კვალიფიკაცია: დავით ნარდაია, 2020 წლიდან არის ნატო-ში საქართველოს წარმომადგენლის მოადგილე. მას გააჩნია 19 წლიანი გამოცდილება დიპლომატიასა და საერთაშორისო ურთიერთობების საკითხებში. 2002-2015 წლებში მუშაობდა თავდაცვის სამინისტროში სხვადასხვა თანამდებობებზე, მათ შორის საერთაშორისო ურთიერთობებისა და ევრო-ატლანტიკური ინტეგრაციის დეპარტამენტის უფროსად, თავდაცვის პოლიტიკისა და დაგეგმვის დეპარტამენტის უფროსად და საინფორმაციო-ანალიტიკური დეპარტამენტის უფროსად. 2015-2018 წლებში იყო საქართველოს თავდაცვის სამინისტროს სამოქალაქო წარმომადგენელი ნატო-ში. 2018-2020 წლებში იყო საქართველოს საგარეო საქმეთა სამინისტროს ევრო-ატლანტიკური ინტეგრაციის დეპარტამენტის დირექტორი. 2020 წელს მიენიჭა საგანგებო და სრულუფლებიანი დესპანის დიპლომატიური რანგი. დ. ნარდაიას გააჩნია თსუ-ს (სოხუმის ფილიალი) ბაკალავრის ხარისხი (2002 წ.) საერთაშორისო ურთიერთობებისა და დიპლომატიის ისტორიაში, თსუ-ს მაგისტრის ხარისხი (2004 წ.) საერთაშორისო ურთიერთობებისა და დიპლომატიის ისტორიაში და აშშ-ის თავდაცვის უნივერსიტეტის მაგისტრის ხარისხი (2011) საერთაშორისო უსაფრთხოების საკითხებში.

 

უახლესი ისტორიის არქივები მედიისთვის

ლექტორი: ანტონ ვაჭარაძე

 

კურსი შეუქმნის დამსწრეებს საბაზისო ცოდნას იმის შესახებ, თუ როგორ შექმნან საკუთარი მედია პროექტები საარქივო მასალების საფუძველზე. მსმენელები მიიღებენ ინფორმაციას საარქივო დოკუმენტებთან მუშაობის გამოცდილების შესახებ. 

 

ლექტორის კვალიფიკაცია: ანტონ ვაჭარაძე, ჰუმანიტარულ მეცნიერებათა მაგისტრი, IDFI-ს საარქივო, მეხსიერების კვლევისა და დეზინფორმაციის მიმართულების ხელმძღვანელი. 8 წლის მანძილზე საქართველოს ეროვნულ არქივში, მათ შორის 6 წლის მანძილზე საისტორიო არქივის დირექტორის პოზიციაზე. აქვს არქივების კვლევის მრავალწლიანი გამოცდილება.

 

დეზინფორმაციის იდენტიფიცირება და კვლევა

ლექტორი: სოფო გელავა

 

სტუდენტები მიიღებენ ცოდნას დეზინფორმაციის და საინფორმაციო ოპერაციების თანამედროვე სტრატეგიების, დეზინფორმაციის კვლევის მეთოდებისა და პრაქტიკული ინსტრუმენტების, ასევე დეზინფორმაციასთან ბრძოლაში საზოგადოების კოლექტიური მეხსიერების, მეხსიერების პოლიტიკისა და ისტორიული ნარატივების როლის შესახებ.

 

ლექტორის კვალიფიკაცია: სოფო გელავა, პოლიტიკის მეცნიერებათა მაგისტრი, ატლანტიკური საბჭოს ციფრული გამოძიებების კვლევის ლაბორატორიის მკვლევარი, Zinc Network-ის „საქართველოს ინფორმაციის სანდოობის პროგრამის“ ტექნიკური ინფორმაციისა და მონაცემების სპეციალისტი. აქვს დეზინფორმაციისა და საინფორმაციო ოპერაციების კვლევის მრავალწლიანი გამოცდილება. საქართველოს უნივერსიტეტში ასწავლის კურსს „ფაქტების გადამოწმებისა და ვერიფიკაციის ტექნიკები“. იყო მედიის განვითარების ფონდის პროექტ „მითების დეტექტორის“ მკვლევარი და მედიაწიგნიერების პროგრამების ხელმძღვანელი.

 

სემესტრის განმავლობაში, ასევე ჩატარდება მოკლე სემინარი, IDFI-ს პარტნიორი ორგანიზაციის Transitions Online (TOL) ტრენერების ჩართულობით: “რა არის დეზინფორმაცია და როგორ შემიძლია დავუპირისპირდე მას?”

 

ლექტორები: ნინო გოზალიშვილი; რევაზ თოფურია; სოფო გელავა; იაროსლავ ვალუჰი. 



ვრცლად საგანმანათლებლო კურსის, მისი შინაარსისა და ლექტორების შესახებ: პროგრამის აღწერა და ლექტორების კომპეტენცია 

 

ინფორმაციის თავისუფლების განვითარების ინსტიტუტი ულოცავს შერჩეულ მონაწილეებს და მათ წარმატებულ აკადემიურ წელს უსურვებს! 

 

 

 

სასერტიფიკატო და საუნივერსიტეტო პროგრამა ხორციელდება შვედეთის საერთაშორისო განვითარების თანამშრომლობის სააგენტოს (SIDA) ფინანსური მხარდაჭირით.

 

სხვა მასალები ამ თემაზე
სიახლეები

რუსეთის მოქალაქეებზე გაცემული ბინადრობის ნებართვები (მარტი-ივლისი)

30.09.2022

IDFI-ის ღია ლექცია: საჯარო ინფორმაციის ხელმისაწვდომობა და ხელისუფლების კონტროლის მექანიზმები

30.09.2022

კორუფციასთან ბრძოლის სასერტიფიკატო პროგრამა დაიწყო

29.09.2022

საჯარო დაწესებულებების 2021 წლის 10 დეკემბრის ანგარიშების სიზუსტის მონიტორინგის შედეგები

28.09.2022
განცხადებები

IDFI ეხმიანება მთავრობის სხდომაზე თელარა გელანტიას მეორედ არდაშვების ფაქტს

29.09.2022

არასამთავრობო ორგანიზაციებმა შეარჩიეს სახალხო დამცველობის კანდიდატები, რომლებსაც მხარს დაუჭერენ

27.09.2022

სამოქალაქო სექტორი სასამართლო სისტემაში არსებული ვითარების შესასწავლად საგამოძიებო კომისიის შექმნას ითხოვს

22.09.2022

მოსამართლეებზე სავარაუდო ზეწოლის ფაქტები რეაგირებას საჭიროებს

22.09.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022