დეზინფორმაციისა და პროპაგანდის კვლევის სასწავლო პროგრამა დაიწყო

სიახლეები | მეხსიერების და დეზინფორმაციის კვლევები | აქტუალური თემები 27 სექტემბერი 2022

2022 წლის 26 სექტემბერს ინფორმაციის თავისუფლების განვითარების ინსტიტუტისა (IDFI) და საქართველოს უნივერსიტეტის (UG) თანამშრომლობით დაგეგმილი სასწავლო პროგრამის - „დეზინფორმაციისა და პროპაგანდის კვლევა: ისტორია, თეორიები და გაბათილების საშუალებები“ - გაცნობითი შეხვედრა და პირველი ლექცია ჩატარდა. 2022-2023 სასწავლო წელს, პროგრამა მეორედ იღებს სტარტს.

 

პროგრამის მონაწილეებს სიტყვით მიმართა ინფორმაციის თავისუფლების განვითარების ინსტიტუტის (IDFI) მეხსიერებისა და დეზინფორმაციის კვლევის მიმართულების ხელმძღვანელმა ანტონ ვაჭარაძემ. მან მიმოიხილა პროგრამის თემატიკა, სასემინარო კურსის შინაარსობრივი მხარე, აღნიშნული პროგრამის უპირატესობანი და წარმატება უსურვა მონაწილეებს.

 

საქართველოს უნივერსიტეტის (UG) მოწვეულმა ლექტორმა და ფრანკლინის კლუბის დამფუძნებელმა რევაზ თოფურიამ პროგრამის მონაწილეებს სალექციო კურსის თემათა მახასიათებლები და შეფასების სისტემა გააცნო. სასემინარო საათის  ფარგლებში კი ისაუბრა ჰიბრიდული ომის რაობასა და დეზინფორმაციის სხვადასხვა სახეებთან დაკავშირებით.

 

აღნიშნული პროგრამაში მონაწილეობის სურვილი გამოთქვა 70-მა აპლიკანტმა. CV-ებისა და სამოტივაციო წერილების განხილვების შემდეგ, 40 აპლიკანტი გადავიდა გასაუბრების ეტაპზე. საბოლოო ჯამში, შეირჩა 25 მონაწილე, რომელიც საქართველოს უნივერსიტეტის სოციალური მეცნიერებებისა და მედია სკოლის სტუდენტებთან ერთად ჩაერთვება აღნიშნულ პროგრამაში. შერჩეული მონაწილეები წარმოადგენენ სხვადასხვა უნივერსიტეტს, რეგიონულ მედია საშუალებებს, სამოქალაქო ორგანიზაციებსა და საჯარო დაწესებულებებს.

 

სასერტიფიკატო და საუნივერსიტეტო პროგრამა ორი სემესტრის განმავლობაში მსმენელებს შესთავაზებს მოკლე სასწავლო სემინარს, დეზინფორმაციისა და პროპაგანდის კვლევის, ისტორიის, მისი საზოგადოებრივი გავლენებისა და გაბათილების საშუალებებზე. ყველა შერჩეული მონაწილე, რომელიც აკადემიური წლის განმავლობაში წარმატებით გაივლის, სულ ცოტა 4 სასწავლო კურსს, მიიღებს პროგრამის გავლის დამადასტურებელ სერტიფიკატს. კურსდამთავრებულებს მიეცემათ IDFI-ს და UG-ს მიერ ორგანიზებულ სხვადასხვა ღონისძიებასა და პროგრამაში, როგორებიცაა სტაჟირება, კონფერენციები, სემინარები და ა.შ. მონაწილეობის საშუალება.

 

სასწავლო პროგრამა ხორციელდება შვედეთის საერთაშორისო განვითარების თანამშრომლობის სააგენტოს (SIDA) ფინანსური მხარდაჭერით.

სხვა მასალები ამ თემაზე
სიახლეები

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022

რუსული კაპიტალი და რუსული კავშირები ქართულ ბიზნესში

28.11.2022

DRIVE-ის საპროექტო წინადადებების პრეზენტაცია საქართველოში ციფრულ გამოწვევებზე საპასუხოდ

28.11.2022

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022