Boot Camp - პოლარიზებული საზოგადოება ჰიბრიდული გამოწვევების წინაშე

სიახლეები | მეხსიერების და დეზინფორმაციის კვლევები | სტატია 22 აგვისტო 2022

2022 წლის 18-20 აგვისტოს, ინფორმაციის თავისუფლების განვითარების ინსტიტუტისა (IDFI) და საქართველოს უნივერსიტეტის (UG) ორგანიზებით გაიმართა Boot Camp-ი: „პოლარიზებული საზოგადოება ჰიბრიდული გამოწვევების წინაშე“. Boot Camp-ში ჩართულნი იყვნენ აკადემიური და სასერტიფიკატო პროგრამის - “დეზინფორმაციისა და პროპაგანდის კვლევა: ისტორია, თეორია და გაბათილების საშუალებები” მონაწილეები და საქართველოს უნივერსიტეტის სტუდენტები.

 

ორდღიანი ბანაკის ფარგლებში, მონაწილეებმა იმსჯელეს ჰიბრიდული ომის თანამედროვე  გამოწვევებზე, ინფორმაციის მანიპულირებასთან და პროპაგანდის გავრცელებასთან დაკავშირებულ მიმდინარე ტენდენციებზე. განსაკუთრებული ყურადღება დაეთმო  უკრაინაში რუსეთის აგრესიული შეჭრის თანმდევ პოლიტიკასა და უკრაინის გამოცდილებაზე დაყრდნობით  საზოგადოების ბერკეტებს ჰიბრიდული ომის წინააღმდეგ ბრძოლის კუთხით.

 

ღონისძიების პირველ დღეს, მონაწილეებს მისასალმებელი სიტყვით მიმართეს IDFI-ის მეხსიერებისა და დეზინფორმაციის მიმართულების ხელმძღვანელმა, ანტონ ვაჭარაძემ და IDFI-ის ასოცირებულმა მკვლევარმა, ნინო გოზალიშვილმა. მათ ისაუბრეს აღნიშნული ღონისძიების მიზნებსა და სამომავლო გეგმებზე. ასევე ყურადღება გაამახვილეს არსებულ ჰიბრიდულ გამოწვევებსა და, ამ მხრივ, საზოგადოების ინფორმირებულობის საჭიროებაზე.

 

ღონისძიების ერთ-ერთმა მომხსენებელმა,  კიბერუსაფრთხოების საგანმანათლებლო კვლევითი ცენტრის დამფუძნებელმა, ანდრო გოცირიძემ ისაუბრა ჰიბრიდულ საფრთხეებსა და კიბერუსაფრთხოებაზე, განსაკუთრებით  უკრაინის შემთხვევასთან მიმართებით. მან განიხილა კიბერუსაფრთხოების ქრონოლოგია, კიბერშეტევის სახეები და კიბეროპერაციების როლი, კინეტიკური და ფსიქოლოგიური ეფექტის კუთხით უკრაინაში განვითარებულ ბოლო მოვლენებთან დაკავშირებით.

 

Boot Camp-ის მეორე დღეს, საქართველო უნივერსიტეტის (UG) საგამოძიებო მედია ლაბის ხელმძღვანელმა, სოფო გელავამ ისაუბრა ნარატივების ომზე, თუ როგორ ხორციელდებოდა რუსეთ-უკრაინის ომის პარალელურად საინფორმაციო ომი რუსეთის მხრიდან. აღნიშნულთან მიმართებით, განიხილა ღია წყაროების რაობა და კონკრეტული მაგალითების საფუძველზე ღონისძიების მონაწილეებს გააცნო საინფორმაციო ომის ძირითადი მახასიათებლები. ასევე ყურადღება გაამახვილა ჰიბრიდული ომის მიზნებზე და საქართველოში მიმდინარე ნარატივების ომზეც. დასასრულს კი, ჯგუფური სამუშაოს საშუალებით, განხორციელდა, საქართველოს კონტექსტში, რუსული პროპაგანდისა  და მის წინააღმდეგ ბრძოლის საშუალებების იდენტიფიცირება, ამ კუთხით საკითხის ფართო სპექტრით გაშლა და დისკუსია.

 

კიბერუსაფრთხოების ექსპერტმა, გიორგი იაშვილმა, აღნიშნული ღონისძიების ფარგლებში, ისაუბრა კიბერშეტევაზე, როგორც ჰიბრიდული ომის ელემენტზე. Boot Camp-ის მონაწილეებს კიდევ ერთხელ გააცნო ჰიბრიდული ომის თავისებურებები, ჰიბრიდულ ომში ჩართული სხვადასხვა აქტორის მიერ გამოყენებული მეთოდები, განიხილა კიბერ ომის რაობა და როლი ჰიბრიდულ ომთან მიმართებით, განსხვავებები ინფორმაციულ და კიბერ ომს შორის. ასევე ისაუბრა უკრაინის მაგალითზეც, კინეტიკურ და კიბერ აქტივობებთან დაკავშირებით. შეხვედრაზე განსაკუთრებული ყურადღება დაეთმო ნატო-ს კოლექტიური თავდაცვის პრინციპისა და კიბერსივრცის ურთიერთმიმართების იურიდიულ საკითხებს. მოხსენების ბოლოს კი, შემაჯამებელი ფაქტორის კუთხით, განიხილა თუ როგორ უპასუხებს ქვეყანა კიბერ შეტევის გამოწვევებს.

 

ღონისძიების დასკვნით ნაწილში, საქართველოს უნივერსიტეტის (UG) მოწვეულმა ლექტორმა და ფრანკლინის კლუბის დამფუძნებელმა რევაზ თოფურიამ Boot Camp-ის მონაწილეებისთვის სიმულაცია გამართა. აღნიშნული სიმულაციის ფარგლებში, მონაწილეებმა შეიმუშავეს ანალიტიკური დოკუმენტი საზოგადოების სხვადასხვა ჯგუფის როლის შესახებ ჰიბრიდულ ომში. პრაქტიკული მუშაობისთვის, ძირითადად, გამოყენებული იყო ქართული საზოგადოების შემთხვევები. სიმულაციის მოდერატორები იყვნენ IDFI-ის მეხსიერებისა და დეზინფორმაციის მიმართულების ხელმძღვანელი, ანტონ ვაჭარაძე და IDFI-ის ასოცირებული მკვლევარი, ნინო გოზალიშვილი.

 

Boot Camp-ის დასასრულს, ნინო გოზალიშვილმა კიდევ ერთხელ ისაუბრა დეზინფორმაციასთან ბრძოლის აუცილებლობაზე და, ამ მხრივ, საზოგადოების ჩართულობაზე. იმედი გამოთქვა, რომ ღონისძიების მონაწილეები მომავალშიც გააგრძელებენ IDFI-ის აქტივობებში ჩართულობას სხვადასხვა მიმართულებით.

 

ღონისძიების ბოლოს, დეზინფორმაციისა და პროპაგანდის კვლევის სასერტიფიკატო პროგრამის მონაწილეთა საბოლოო შეფასებების საფუძველზე გაიმართა დაჯილდოება.

 

Boot Camp-ი გაიმართა შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით.

სხვა მასალები ამ თემაზე
სიახლეები

საქართველოს მიგრაციის განახლებული სტატისტიკა და დემოგრაფიული ტენდენციები (2015-2024)

19.11.2026

ევროკომისიის 2026 წლის ანგარიში საქართველოს შესახებ: დემოკრატიული უკუსვლის გაღრმავება, ახალი შემზღუდველი მექანიზმები და ევროკავშირში გაწევრების პერსპექტივა

11.11.2026

სათამაშო ბიზნესი და ახალი წამახალისებელი რეგულაციები

03.11.2026

როგორ ბალანსდება სახელმწიფო ბიუჯეტში გრანტების დანაკლისი?

24.09.2026
განცხადებები

ქართული სამოქალაქო საზოგადოების ორგანიზაციების ერთობლივი განცხადება ოპოზიციური პოლიტიკური პარტიების აკრძალვის შესახებ საკონსტიტუციო სარჩელთან დაკავშირებით

21.10.2026

გიორგი დავითაძის მიმართ სავარაუდო სექსუალური ძალადობის შესახებ - დაუყოვნებლივი და ეფექტიანი გამოძიების მოთხოვნა

02.10.2026

სოლიდარობა ვახო სანაიას

22.07.2026

სამოქალაქო საზოგადოების ორგანიზაციების განცხადება წამების მსხვერპლთა მხარდაჭერის საერთაშორისო დღესთან დაკავშირებით

26.06.2026
ბლოგპოსტები

მსოფლიო მმართველობის ინდიკატორები 2026: დემოკრატიული მმართველობის სისტემური უკუსვლა საქართველოში

29.10.2026

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024