ინფორმაციის თავისუფლების განვითარების ინსტიტუტისა (IDFI) და საქართველოს უნივერსიტეტის (UG) თანამშრომლობით გრძელდება სასწავლო პროგრამა: “დეზინფორმაციისა და პროპაგანდის კვლევა: ისტორია, თეორიები და გაბათილების საშუალებები”.

მიმდინარე სემესტრის განმავლობაში სტუდენტები ეცნობიან ოთხ ახალ სასწავლო კურსს: დეზინფორმაცია და საზოგადოება, კოლექტიური მეხსიერება და მისი როლი ქართულ პოლიტიკასა და საერთაშორისო ურთიერთობებში, სტრატეგიული აზროვნება; არქივები, მედია და ფაქტები.

სასწავლო პროგრამასთან ერთად, სხვადასხვა უნარების შეძენისა და განვითარების მიზნით, იმართება სხვადასხვა პრაქტიკული სემინარი, მათ შორისაა, “არქივები, მედია და ფაქტების” კურსის ფარგლებში 16 მაისს შინაგან საქმეთა სამინისტროს არქივში განხორციელებული ვიზიტი, სადაც კურსის ხელმძღვანელი, ანტონ ვაჭარაძე მსმენელებს ესაუბრა არქივების რაობასა და საარქივო დოკუმენტების სახეობების შესახებ, გაუზიარა საარქივო დოკუმენტებთან მუშაობის გამოცდილება, თუ როგორ უნდა გადავიდეს იგი მედია ფორმატში და როგორ დაარწმუნონ რედაქტორები, რომ გამოაქვეყნონ მასალა ისტორიულ თემაზე. 

საქართველოს შსს არქივის მეორე განყოფილების უფროსმა, ივანე ჯახუამ სტუდენტებს გააცნო არქივის სტრუქტურა, იქ დაცული დოკუმენტები, მუშაობის პრინციპები და არქივის პუბლიკაციები. საქართველოს შსს არქივის მეორე განყოფილების უფროსმა, ივანე ჯახუამ სტუდენტებს გააცნო არქივის სტრუქტურა, იქ დაცული დოკუმენტები, მუშაობის პრინციპები და არქივის პუბლიკაციები. მან მომავალ ჟურნალისტებს საარქივო მასალის გამოყენების კუთხით ბევრი საინტერესო რჩევა მისცა.

გაზაფხულის სემესტრში პროგრამაში ჩართულია 24 მონაწილე, რომელიც წარმოადგენს სხვადასხვა უნივერსიტეტს, მედია საშუალებას, სამოქალაქო ორგანიზაციასა და საჯარო დაწესებულებას.

გაზაფხულის სემესტრში პროგრამაში ჩართულია 24 მონაწილე, რომელიც წარმოადგენს სხვადასხვა უნივერსიტეტს, მედია საშუალებას, სამოქალაქო ორგანიზაციასა და საჯარო დაწესებულებას.

სასწავლო პროგრამა ხორციელდება შვედეთის საერთაშორისო განვითარების თანამშრომლობის სააგენტოს (SIDA) ფინანსური მხარდაჭერით.