2021 წლის 10 ივნისს, ინფორმაციის თავისუფლების განვითარების ინსტიტუტსა (IDFI) და საქართველოს უნივერსიტეტს შორის ურთიერთთანამშრომლობის მემორანდუმი გაფორმდა.
მემორანდუმი მიზნად ისახავს მხარეთა შორის პარტნიორული ურთიერთობის ჩამოყალიბებას, დეზინფორმაციასა და პროპაგანდასთან ბრძოლის შესახებ აკადემიური კურსების ერთობლივ შემუშავებას და მის შეთავაზებას საქართველოს უნივერსიტეტის, სოციალურ მეცნიერებებათა სკოლის ფარგლებში. აღნიშნული მიმართულების გავრცობასა და მუდმივ განვითარებას.
პარტნიორობის ფარგლებში შემუშავებული აკადემიური კურსების მიზანია სტუდენტებს დაეხმაროს განივითარონ /გაიღრმავონდეზინფორმაციასა და პროპაგანდასთან ბრძოლის უნარ-ჩვევები. მემორანდუმის ფარგლებში გაწერილ აკადემიურ კურსებს გაუძღვებიან და/ან ეწვევიან დეზინფორმაციის კვლევების მიმართულების ადგილობრივი და საერთაშორისო მკვლევრები.
გარდა საქართველოს უნივერსიტეტის სტუდენტებისა, მემორანდუმით გათვალისწინებული აკადემიური კურსები ხელმისაწვდომი იქნება სხვა უნივერსიტეტების სტუდენტთა, საჯარო მოხელეთა, ბიზნეს და არასამთავრობო სექტორების წარმომადგენელთათვის, რომლებიც შეირჩევიან სპეციალური კონკურსის შედეგად. აკადემიური კურსები წარიმართება საქართველოს უნივერსიტეტში, დისტანციურ რეჟიმში ან შერეული სწავლის რეჟიმით.
საქართველოში გარდაცვლილთა სტატისტიკა
26.01.2022
სიახლეების გამოწერა
