პერსონალურ მონაცემთა დაცვის თემაზე სტუდენტური კონფერენციის მონაწილეთა დაჯილდოება გაიმართა

სიახლეები | კანონის უზენაესობა და ადამიანის უფლებები | სტატია 23 აგვისტო 2021

2021 წლის 19 აგვისტოს, „ინფორმაციის თავისუფლების განვითარების ინსტიტუტმა” და სახელმწიფო ინსპექტორის სამსახურმა ერთობლივი ღონისძიება გამართეს, სადაც პერსონალურ მონაცემთა დაცვის თემაზე სტუდენტური კონფერენციის ფარგლებში გამოვლენილი 15 საუკეთესო ესეს ავტორი დააჯილდოვეს და მათ სერტიფიკატები გადასცეს. 

 

მონაწილეებს მისასალმებელი სიტყვით „ინფორმაციის თავისუფლების განვითარების ინსტიტუტის“ აღმასრულებელმა დირექტორმა გიორგი კლდიაშვილმა და სახელმწიფო ინსპექტორის მოადგილემ სოფიო ჯიაძემ მიმართეს, რის შემდეგაც მონაწილეების დაჯილდოებისა და მათთვის სერტიფიკატების გადაცემის ცერემონია გაიმართა.

 

პერსონალურ მონაცემთა დაცვის გასაძლიერებლად, საზოგადოების ცნობიერების ასამაღლებლად და სტუდენტების განვითარების ხელშესაწყობად კონკურსი 2021 წლის 14 მაისს გამოცხადდა. კონკურსში მონაწილე სტუდენტების ნაშრომები შეეხებოდა პერსონალურ მონაცემების დაცვასთან დაკავშირებულ არაერთ მნიშვნელოვან თემას: 

 

- შრომით ურთიერთობებში პერსონალური მონაცემების დაცვას; 

 

- ვიდეოთვალთვალის განხორციელებისას პერსონალური მონაცემების დაცვას;

 

- სახის ამომცნობი სისტემების მიერ პერსონალური მონაცემების დამუშავებას;

 

- მობილური აპლიკაციების მიერ პერსონალურ მონაცემების დამუშავებას;

 

- მონაცემთა უსაფრთხოების თანამედროვე გამოწვევებს;

 

- პერსონალური მონაცემების მედია საშუალებების მიერ დამუშავებას;

 

- პერსონალურ მონაცემთა დაცვასა და საჯარო ინფორმაციის ხელმისაწვდომობას;

 

კონკურსში მონაწილეობა საქართველოს სხვადასხვა უმაღლესი სასწავლებლის ათეულობით სტუდენტმა მიიღო. მათ შორის, სახელმწიფო ინსპექტორის სამსახურისა და ა(ა)იპ „ინფორმაციის თავისუფლების განვითარების ინსტიტუტის მიერ, 15 საუკეთესო ესეს ავტორი შეირჩა, რომელთა ნაშრომები ელექტრონული ჟურნალის სახით გამოიცემა. ამავდროულად, დასახელდა სამი საუკეთესო ესეს ავტორი. 

 

I ადგილი ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტმა - ნათია მეფარიშვილმა მოიპოვა. მისი ესეს თემას სახის ამომცნობი სისტემების მიერ პერსონალური მონაცემების დამუშავება წარმოადგენდა. 

 

II ადგილი თავისუფალი უნივერსიტეტის საერთაშორისო ურთიერთობების ფაკულტეტის სტუდენტმა - თამარ მეხრიშვილმა დაიკავა, რომლის ესე მონაცემთა უსაფრთხოების თანამედროვე გამოწვევებს შეეხებოდა. 

 

III ადგილი მიენიჭა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტს მარიამ გიორგაძეს, თემით - სახის ამომცნობი სისტემების მიერ პერსონალური მონაცემების დამუშავება. 

 

IDFI მომავალშიც გააგრძელებს სტუდენტების ცოდნის გაღრმავების ხელშეწყობას მსგავსი ღონისძიებების ორგანიზების გზით.

 

კონკურსი სტუდენტებისთვის პროექტ „პერსონალური მონაცემების დაცვის მხარდაჭერა საქართველოში“ ფარგლებში საქართველოში ნიდერლანდების სამეფოს საელჩოს ფინანსური მხარდაჭერით განხორციელდა. 

 

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ს მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022

სახელმწიფო უწყებებმა დაუყოვნებლივ უნდა მოახდინონ რეაგირება სასამართლო ხელისუფლებაში სისტემური კორუფციის ნიშნებზე

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022