პროექტის სახელწოდება: პერსონალური მონაცემების დაცვის მხარდაჭერა საქართველოში
დონორი ორგანიზაცია: ნიდერლანდების სამეფოს საელჩო საქართველოში
პროექტის ნომერი: 4000004558
გრანტის ოდენობა: 243,929 ლარი
პროექტის ხანგრძლივობა: 1 დეკემბერი 2020 – 31 იანვარი 2022
პროექტის აღწერა
პროექტი ეხება საქართველოში პერსონალური მონაცემების დაცვის რეჟიმის გაძლიერებას პროფესიულ ჯგუფებსა და სტუდენტებში პერსონალური მონაცემების დაცვის სტანდარტების შესახებ ცნობიერების ამაღლების, არსებულ გამოწვევებზე პროფესიულ და აკადემიურ წრეებში დისკუსიების წახალისებისა და სახელმწიფო ინსპექტორის სამსახურის შესაძლებლობების გაძლიერების გზით. პროექტის ფარგლებში განხორციელდება ცნობიერების ამაღლების აქტივობები, გავრცელდება არაერთი პუბლიკაცია/ვიზუალიზაცია, დაიგეგმება სამუშაო შეხვედრები შესაბამის სამიზნე ჯგუფებთან, სახელმწიფო ინსპექტორის სამსახურის პერსონალისათვის ჩატარდება ტრენინგები, ასევე, დაიგეგმება შესაბამისი აქტივობები სტუდენტებისთვის. პროექტის აქტივობების განხორციელების შედეგად, გაძლიერდება სახელმწიფო ინსპექტორის სამსახურის შესაძლებლობები, რაც ხელს შეუწყობს საქართველოში პერსონალური მონაცემების დაცვის უზრუნველყოფას.
პროექტის მიზანი
პროექტის მთავარი მიზანია ხელი შეუწყოს ყველაზე პრობლემურ სფეროებში პერსონალური მონაცემების დაცვის გაძლიერებას.
პროექტის ამოცანები
- პროფესიული ჯგუფებისა და სტუდენტების ცოდნისა და ცნობიერების ამაღლება პერსონალური მონაცემების დაცვის სტანდარტებთან დაკავშირებით.
- პერსონალური მონაცემების დაცვასთან დაკავშირებული გამოწვევების შესახებ პროფესიული და აკადემიური დისკუსიების წახალისება.
- სახელმწიფო ინსპექტორის სამსახურის შესაძლებლობების გაძლიერება.
დაგეგმილი ღონისძიებები და ბიუჯეტი
სიახლეების გამოწერა
