IDFI-მ პროექტის „პერსონალურ მონაცემთა დაცვის მხარდაჭერა საქართველოში“ დახურვის ღონისძიება გამართა

სიახლეები | კანონის უზენაესობა და ადამიანის უფლებები | სტატია 24 თებერვალი 2022

2022 წლის 24 თებერვალს, ინფორმაციის თავისუფლების განვითარების ინსტიტუტმა (IDFI) და სახელმწიფო ინსპექტორის სამსახურმა, ნიდერლანდების სამეფოს საელჩოს მხარდაჭერით,  პროექტის „პერსონალურ მონაცემთა დაცვის მხარდაჭერა საქართველოში“ დახურვის ღონისძიება გამართა.

 

ღონისძიების მონაწილეებს მისასალმებელი სიტყვით მიმართეს ინფორმაციის თავისუფლების განვითარების ინსტიტუტის აღმასრულებელმა დირექტორმა, გიორგი კლდიაშვილმა, სახელმწიფო ინსპექტორმა, ლონდა თოლორაიამ და ნიდერლანდების სამეფოს ელჩის მოადგილემ, ლუს ლამერტსიმ.

 

ღონისძიებაზე შეჯამდა პროექტის აქტივობები და მიღწევები, ასევე, შედგა  პროექტის ფარგლებში მომზადებული პუბლიკაციების პრეზენტაცია. მომხსენებლები იყვნენ ქეთევან კუკავა - IDFI-ს კანონის უზენაესობისა და ადამიანის უფლებების მიმართულების ხელმძღვანელი, რომელმაც წარადგინა ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს პრაქტიკის ძირითადი ტენდენციები, ასევე, ისაუბრა ბიომეტრიული მონაცემების დამუშავების ევროპულ სტანდარტებზე; სალომე ჩხაიძე - IDFI-ს იურისტი/მკვლევარი, რომელმაც მიმოიხილა გენეტიკური მონაცემების დამუშავების საკითხი; ნატა ახალაძე - IDFI-ს იურისტი, მან ისაუბრა ადამიანის უფლებათა ევროპული სასამართლოსა და ევროკავშირის მართლმსაჯულების სასამართლოს გადაწყვეტილებებზე; ესეების კონკურსის გამარჯვებულები: ნათია მეფარიშვილი თემით - სახის ამომცნობი სისტემების მიერ პერსონალური მონაცემების დამუშავება; თამარ მეხრიშვილი - მონაცემთა უსაფრთხოების თანამედროვე გამოწვევები; მარიამ გიორგაძე - სახის ამომცნობი სისტემების მიერ პერსონალური მონაცემების დამუშავება; ასევე, ნიკოლოზ ბრეგვაძე - პერსონალურ მონაცემთა დაცვის ექსპერტი, რომელმაც წარადგინა ფინანსურ სექტორში ბიომეტრიული მონაცემების დამუშავებისა და ელექტრონული კომუნიკაციების სფეროში მონაცემთა დამუშავების შესახებ მის მიერ მომზადებული სახელმძღვანელოები.

 

პროექტი 2020 წლის პირველ დეკემბერს დაიწყო და ის მიზნად  საქართველოში პერსონალური მონაცემების დაცვის რეჟიმის გაძლიერებას ისახავდა.

 

„მონაცემთა დამუშავება სულ უფრო ფართომასშტაბიან სახეს იძენს როგორც საჯარო, ისე კერძო სექტორში, ხოლო ტექნოლოგიების განვითარება პოტენციურად ზრდის პირადი ცხოვრების ხელშეუხებლობის უფლების დარღვევის რისკებს. სწორედ ამიტომ ჩვენი პროექტის მიზანი იყო პერსონალური მონაცემების დაცვის სტანდარტების შესახებ ცნობიერების ამაღლება, არსებულ გამოწვევებზე დისკუსიების წახალისება და სახელმწიფო ინსპექტორის სამსახურის შესაძლებლობების გაძლიერება.“ - განაცხადა IDFI-ის კანონის უზენაესობისა და ადამიანის უფლებების მიმართულების ხელმძღვანელმა, ქეთევან კუკავამ.

 

პროექტის ფარგლებში არაერთი მნიშვნელოვანი აქტივობა განხორციელდა:

 

- ჩატარდა პირველი საზაფხულო სკოლა პერსონალურ მონაცემთა დაცვის საკითხზე;

 

- გამოცხადდა ესეების კონკურსი სტუდენტებისთვის და გამოქვეყნდა ესეების კრებული;

 

- ჩატარდა ტრენინგები სახელმწიფო ინსპექტორის სამსახურის თანამშრომლებისთვის;

 

- გამოქვეყნდა ევროპული სასამართლოს გადაწყვეტილებების კრებული, ასევე კვლევა ბიომეტრიული და გენეტიკური მონაცემების დამუშავების ევროპული სტანდარტების შესახებ;

 

- ექსპერტის ჩართულობით მომზადდა თემატური სახელმძღვანელოები ცალკეულ სექტორებში მონაცემთა დამუშავების საკითხებზე.



სხვა მასალები ამ თემაზე
სიახლეები

სამუშაო შეხვედრა პედაგოგებთან: მოწყვლადი ჯგუფების საჭიროებების იდენტიფიცირება საქართველოს განათლების სისტემაში, COVID-19 პანდემიის განმავლობაში

29.06.2022

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022
განცხადებები

მიხეილ ჩინჩალაძის მეორე ვადით დანიშვნა ევროპული ინტეგრაციის პროცესს აზიანებს

29.06.2022

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022