წინამდებარე კრებული ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებულ 10 მნიშვნელოვან გადაწყვეტილებას აერთიანებს. მისი მიზანია მკითხველს გააცნოს პრეცედენტული სამართალი, არსებული რეალობისა და გამოწვევების შესაბამისად განვითარებული ახალი მიდგომები.
ევროკავშირთან ასოცირების შეთანხმება და მისი დღის წესრიგი ითვალისწინებს საქართველოში პერსონალური მონაცემების მაღალ დონეზე დაცვის უზრუნველყოფას, ევროპული სტანდარტების შესაბამისად. ჩვენი მიზანია, ხელი შევუწყოთ ევროპულ სტანდარტებთან დაახლოებას სასამართლოების უახლესი პრაქტიკის შესახებ ცნობიერების ამაღლების გზით.
კრებულში განხილულ საქმეებში სასამართლოებმა შემდეგ მნიშვნელოვან საკითხებზე იმსჯელეს: პოლიციის მიერ პერსონალური მონაცემების დამუშავება; ფარული მეთვალყურეობა; მასობრივი მიყურადება; საკომუნიკაციო მომსახურების მიმწოდებლებისგან და უცხოური დაზვერვის სამსახურებიდან მონაცემების მიღება; დამსაქმებლის მიერ დასაქმებულის კომუნიკაციების მონიტორინგი; ელექტრონული კომუნიკაციების სექტორში პერსონალურ მონაცემთა დამუშავება; დამსაქმებლის მიერ ვიდეო მონიტორინგის განხორციელება.
კრებულში წარმოდგენილი პრეცედენტული გადაწყვეტილებები ხელს შეუწყობს როგორც იურიდიული პროფესიის წარმომადგენლების ცოდნის გაღრმავებას, ასევე, ნებისმიერი დაინტერესებული პირის ინფორმირებულობას. საერთაშორისო პრაქტიკის ქართულ ენაზე ხელმისაწვდომობა ხელს შეუწყობს საკანონმდებლო დებულებების ინტერპრეტაციას და მათ პრაქტიკულ გამოყენებას საუკეთესო ევროპული სტანდარტების შესაბამისად, რაც პერსონალურ მონაცემთა დაცვის მიზნით გამოყენებულ ღონისძიებებს მეტად ეფექტურს გახდის.
9 მაისის აღნიშვნა რუსეთში
02.05.2022
სიახლეების გამოწერა
