პერსონალურ მონაცემთა დაცვის შესახებ საზაფხულო სკოლა

სიახლეები | კანონის უზენაესობა და ადამიანის უფლებები | სტატია 10 აგვისტო 2021

2021 წლის 2-7 აგვისტოს პერსონალურ მონაცემთა დაცვის თემაზე „ინფორმაციის თავისუფლების განვითარების ინსტიტუტის (IDFI)“ და სახელმწიფო ინსპექტორის სამსახურის ერთობლივი საზაფხულო სკოლა გაიმართა.

 

საზაფხულო სკოლაში მონაწილეობდნენ საქართველოში ავტორიზებული უნივერსიტეტების სამართლის სკოლის მე-3 და მე-4 კურსის სტუდენტები, ასევე მაგისტრანტები. კონკურსში მონაწილეობდა 188 კანდიდატი, რომელთაგან IDFI-იმ და სახელმწიფო ინსპექტორის სამსახურმა წინასწარ განსაზღვრული კრიტერიუმებით შეფასებისა და გასაუბრების საფუძველზე 20 სტუდენტი შეარჩიეს.

 

სკოლის ფარგლებში მონაწილეები გაეცნენ პერსონალურ მონაცემთა დაცვასთან დაკავშირებით შემდეგ აქტუალურ საკითხებს:

 

 

  • სახელმწიფო ინსპექტორის სამსახურის კომპეტენცია და უფლებამოსილება, ტერმინთა განმარტება და პრაქტიკული მაგალითები - სალომე ქურასბედიანი, სახელმწიფო ინსპექტორის სამსახურის საჯარო სექტორზე ზედამხედველობის დეპარტამენტის უფროსი იურისტი.

  • პერსონალურ მონაცემთა დამუშავების სამართლებრივი საფუძვლები და პრინციპები - სალომე ქურასბედიანი, სახელმწიფო ინსპექტორის სამსახურის საჯარო სექტორზე ზედამხედველობის დეპარტამენტის უფროსი იურისტი.

  • მონაცემთა უსაფრთხოება და მონაცემთა დამუშავების დავალების წესები - სალომე ქურასბედიანი, სახელმწიფო ინსპექტორის სამსახურის საჯარო სექტორზე ზედამხედველობის დეპარტამენტის უფროსი იურისტი.

  • კიბერ უსაფრთხოება, კიბერ ჰიგიენა - ლუკა ხალაძე, ,,პერსონალურ მონაცემთა დაცვის ელჩი“.

  • პერსონალურ მონაცემთა დაცვის უფლების ურთიერთქმედება სხვა უფლებებსა და კანონიერ ინტერესებთან - ქეთევან კუკავა, IDFI-ის კანონის უზენაესობისა და ადამიანის უფლებების მიმართულების ხელმძღვანელი.

  • მონაცემთა სუბიექტის უფლებები, აღნიშნული უფლებების შეზღუდვის წინაპირობები, მონაცემთა დამუშავება შრომითი ურთიერთობების ფარგლებში - ლილი ტანიაშვილი, სახელმწიფო ინსპექტორის სამსახურის კერძო სექტორზე ზედამხედველობის დეპარტამენტის იურისტი.

  • პირდაპირი მარკეტინგი, ვიდეოთვალთვალი, პანდემია და პერსონალური მონაცემები - ლილი ტანიაშვილი, სახელმწიფო ინსპექტორის სამსახურის კერძო სექტორზე ზედამხედველობის დეპარტამენტის იურისტი.

  • სახელმწიფო ინსპექტორის სამსახურის საქმისწარმოების სპეციფიკა, ,,პერსონალურ მონაცემთა დაცვის შესახებ“ ახალი კანონის პროექტით გათვალისწინებული საკითხები - ლილი ტანიაშვილი, სახელმწიფო ინსპექტორის სამსახურის კერძო სექტორზე ზედამხედველობის დეპარტამენტის იურისტი.

  • პერსონალური მონაცემები vs. საჯარო ინფორმაცია, კონფლიქტის გადაჭრაში საჯარო დაწესებულების დისკრეციული უფლებამოსილების ფარგლები - პაატა ტურავა, თბილისის სახელმწიფო უნივერსიტეტის პროფესორი.

 

დღის წესრიგით განსაზღვრულ აქტივობებში დაბალანსებული იყო თეორიული და პრაქტიკული კომპონენტები.

 

საზაფხულო სკოლის ფარგლებში მონაწილეებმა გამოავლინეს ორი საუკეთესო სტუდენტი: მაკა პაპაშვილი და კალენიკე ურიდია, ხოლო ტრენერებმა გამორჩეულ სტუდენტებად დაასახელეს მარიამ ჭიკაძე, მარიამ ნუცუბიძე და მარიამ კახიძე.

 

IDFI მომავალშიც გააგრძელებს სტუდენტების ცოდნის გაღრმავების ხელშეწყობას მსგავსი ღონისძიებების ორგანიზების გზით.

 

საზაფხულო სკოლა ჩატარდა პროექტის „პერსონალური მონაცემების დაცვის მხარდაჭერა საქართველოში“ ფარგლებში, რომელიც დაფინანსებულია საქართველოში ნიდერლანდების სამეფოს საელჩოსა და შვედეთის საერთაშორისო განვითარების თანამშრომლობის სააგენტოს (Sida) მიერ.

 

საზაფხულო სკოლის ფოტოალბომი იხილეთ აქ.

 

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022