წინამდებარე კრებული პერსონალურ მონაცემთა დაცვის აქტუალურ საკითხებზე სტუდენტების მიერ მომზადებულ ესეებს აერთიანებს. ესეების კონკურსი 2021 წლის 14 მაისს გამოცხადდა და მასში სხვადასხვა უმაღლესი საგანმანათლებლო დაწესებულების ათეულობით სტუდენტი მონაწილეობდა. მათ შორის „ინფორმაციის თავისუფლების განვითარების ინსტიტუტმა“  და სახელმწიფო ინსპექტორის სამსახურმა 15 გამარჯვებული ესეს ავტორი გამოავლინა. 

კრებულში გაერთიანებული ესეები შემდეგ აქტუალურ და მნიშვნელოვან საკითხებს ეხება: 

- პერსონალურ მონაცემთა დაცვა და საჯარო ინფორმაციის ხელმისაწვდომობა;

- შრომით ურთიერთობებში პერსონალური მონაცემების დაცვა; 

- ვიდეოთვალთვალის განხორციელებისას პერსონალური მონაცემების დაცვა;

- სახის ამომცნობი სისტემების მიერ პერსონალური მონაცემების დამუშავება;

- მობილური აპლიკაციების მიერ პერსონალურ მონაცემების დამუშავება;

- მონაცემთა უსაფრთხოების თანამედროვე გამოწვევები;

- პერსონალური მონაცემების მედია საშუალებების მიერ დამუშავება.

ესეების კრებული მომზადდა პროექტის „პერსონალური მონაცემების დაცვის მხარდაჭერა საქართველოში“ ფარგლებში. პროექტი დაფინანსებულია საქართველოში ნიდერლანდების საელჩოს მიერ. ესეების შინაარსზე სრულად არიან პასუხისმგებელი მათი ავტორები. კრებულში გამოხატული მოსაზრებები შეიძლება არ ასახავდეს ნიდერლანდების საელჩოს, „ინფორმაციის თავისუფლების განვითარების ინსტიტუტისა“ და სახელმწიფო ინსპექტორის სამსახურის პოზიციას.

პერსონალურ მონაცემთა დაცვის აქტუალური საკითხები - ესეების კრებული