ტრენინგი სახელმწიფო ინსპექტორის სამსახურის თანამშრომლებისთვის

სიახლეები | კანონის უზენაესობა და ადამიანის უფლებები | ტრენინგები | სტატია 13 ოქტომბერი 2021

2021 წლის 7-8 ოქტომბერს,  ინფორმაციის თავისუფლების განვითარების ინსტიტუტისა (IDFI) და სახელმწიფო ინსპექტორის სამსახურის ერთობლივი პროექტის „პერსონალური მონაცემების დაცვის მხარდაჭერა საქართველოში“ ფარგლებში, ადმინისტრაციული სამართალდარღვევის საქმისწარმოების თემატიკაზე სახელმწიფო ინსპექტორის სამსახურის თანამშრომლებისათვის ორდღიანი ტრენინგი გაიმართა.

 

პროექტის მთავარი მიზანი საქართველოში პერსონალური მონაცემების დაცვის რეჟიმის გაძლიერებაა და მის ფარგლებში IDFI-მ და სახელმწიფო ინსპექტორის სამსახურმა უკვე არაერთი მნიშვნელოვანი აქტივობა განახორციელეს.

 

ტრენინგის მონაწილეებს მისასალმებელი სიტყვით მიმართეს IDFI-ის აღმასრულებელმა დირექტორმა, გიორგი კლდიაშვილმა, სახელმწიფო ინსპექტორის მოადგილემ, სოფიო ჯიაძემ, საქართველოში ნიდერლანდების სამეფოს ელჩმა, მააიკე ვან კოლდამმა და IDFI-ს პროგრამების დირექტორმა ლევან ავალიშვილმა.

 

„პერსონალურ მონაცემთა დაცვის რეჟიმის გაძლიერების საჭიროება დღითიდღე  უფრო მეტად იკვეთება. ციფრული განვითარების ეპოქას თან ახლავს მონაცემთა კომპლექსურ დამუშავებასთან დაკავშირებული რისკები. შესაბამისად, მნიშვნელოვანია, პერსონალური მონაცემების სათანადო დაცვის უზრუნველყოფა. ამ მიმართულებით, კი აუცილებელია სახელმწიფო ინსპექტორის სამსახურის გაძლიერება და მისი ეფექტური ფუნქციონირების ხელშეწყობა, მათ შორის, მისი პერსონალის კვალიფიკაციის ამაღლებაზე ზრუნვა, რამდენადაც სწორედ ეს დამოუკიდებელი უწყება, კონკრეტულად კი თქვენ, აქ მყოფი ადამიანები, დგახართ ჩვენი პერსონალური მონაცემების დაცვის სადარაჯოზე,“ - აღნიშნა გიორგი კლდიაშვილმა.

 

შეხვედრები წარიმართა ინტერაქტიულ ფორმატში - სახელმწიფო ინსპექტორის სამსახურის თანამშრომლების აქტიური ჩართულობით. ტრენერებად მოწვეულნი იყვნენ ივანე ჯავახიშვილის სახელობის თბილისის სახელმწიფო უნივერსიტეტის პროფესორი და საკონსტიტუციო სასამართლოს ყოფილი მოსამართლე მაია კოპალეიშვილი და სააპელაციო სასამართლოს მოსამართლე შოთა გეწაძე, რომელთაც სიღრმისეულ პროფესიულ ცოდნასთან ერთად აქვთ სწავლების ხანგრძლივი და მრავალფეროვანი გამოცდილება. ტრენინგების დღის წესრიგი სპეციალურად შემუშავდა სახელმწიფო ინსპექტორის სამსახურის პერსონალის საჭიროებების გათვალისწინებით და მოიცავდა იმ პრაქტიკულ და თეორიულ საკითხებს, რომელიც სამსახურის საქმიანობისთვის რელევანტურია.

 

ტრენინგის ფოტოალბომი იხილეთ აქ.

 

ტრენინგიჩატარდა პროექტის „პერსონალური მონაცემების დაცვის მხარდაჭერა საქართველოში“ ფარგლებში, რომელიც დაფინანსებულია საქართველოში ნიდერლანდების სამეფოს საელჩოს მიერ.

სხვა ტრენინგები ამ თემაზე
სიახლეები

უზენაესმა სასამართლომ IDFI-ს სასარგებლო გადაწყვეტილება მიიღო და „საქართველოს ეროვნულ არქივს“ საჯარო ინფორმაციის გაცემა დაავალა

20.05.2022

თანამედროვე რუსული დეზინფორმაცია - IDFI-მ მარნეულის ამერიკულ კუთხეში საინფორმაციო შეხვედრების ციკლი დაასრულა

19.05.2022

IDFI-მ შეიმუშავა რეკომენდაციები აჭარის უმაღლესი საბჭოსთვის საჯარო ინფორმაციის პროაქტიულად გამოქვეყნებასთან დაკავშირებით

17.05.2022

Შეხვედრა გორის ახალგაზრდობასთან - ​​გაყალბებული ისტორია და ტრიუმფალური 9 მაისი: ისტორია და თანამედროვეობა

17.05.2022
განცხადებები

კოალიცია ნიკა გვარამიას საქმეზე გამოტანილ გადაწყვეტილებას ეხმაურება

20.05.2022

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022