IDFI თბილისის მერიას ღია მონაცემების პორტალის კონცეფციისა და ტექნიკური აღწერის შექმნაში დაეხმარა

სიახლეები | ღია მმართველობა | სტატია | ადგილობრივი მმართველობა 6 სექტემბერი 2021

IDFI-ის ჩართულობითა და USAID-ის პროექტის დემოკრატიული მმართველობის ინიციატივა საქართველოში (USAID GGI) მხარდაჭერით, თბილისის მერიამ შეიმუშავა და დაამტკიცა კონცეფცია, რომლის საფუძველზეც ღია მონაცემების პორტალი უნდა შეიქმნას. პორტალის კონცეფციასთან ერთად, მომზადდა პორტალის დეტალური ტექნიკური აღწერა. 

 

აღსანიშნავია, რომ პორტალის შექმნა ღია მმართველობის ინიციატივის (OGP) თბილისის მერიის სამოქმედო გეგმის ერთ-ერთი ვალდებულებაა, რომლის შესრულება წინ გადადგმული ნაბიჯი იქნება უწყების გამჭვირვალობისა და ანგარიშვალდებულების მიმართულებით. 

 

ღია მონაცემების პორტალის დანერგვის შემდეგ, მასზე განთავსებული ბაზები ხელმისაწვდომი იქნება ყველასთვის - ბიზნესისთვის, აკადემიისთვის, მედიისა და ნებისმიერი დაინტერესებული მოქალაქისთვის. მონაცემების გასაჯაროებით თბილისის მერია ხელს შეუწყობს ინოვაციური, მოქალაქეების საჭიროებებზე ორიენტირებული სერვისების შექმნას.

 

IDFI-მ ღია მონაცემთა პორტალის კონცეფციის შემუშავების დროს გამოიყენა ფაქტებზე დაფუძნებული და ინკლუზიური მიდგომები. კერძოდ, თბილისის მუნიციპალიტეტის წინაშე ღია მონაცემების დამუშავებისა და გამოქვეყნების კუთხით არსებული ბიზნეს პროცესის, ასევე ამ თვალსაზრისით არსებული გამოწვევების იდენტიფიცირების მიზნით, მომზადდა სიტუაციის სიღრმისეული ანალიზი. სწორედ ანალიზის შედეგად გამოვლენილი ტენდენციებისა და საერთაშორისო პრაქტიკის საფუძველზე მოხდა თბილისის მერიის ღია მონაცემთა კონცეფციის მთავარი პრინციპების, მათ შორის მმართველობითი,  ფუნქციური, ტექნოლოგიური, საპრეზენტაციო, მარკეტინგული, უსაფრთხოების და სამართლებრივი ჩარჩოების განსაზღვრა.

 

სიტუაციის ანალიზი და პორტალის კონცეფცია მერიისა და დაინტერესებული მხარეების, მათ შორის მედიის, კერძო სექტორის (ბანკები, სტარტაპები), არასამთავრობო ორგანიზაციებისა და აკადემიური სფეროს წარმომადგენლების, აგრეთვე საერთაშორისო ექსპერტების ჩართულობით შეიქმნა. საერთაშორისო გამოცდილების უკეთ გასათვალისწინებლად, კარგი პრაქტიკების შესწავლასთან ერთად, კონცეფციის სამუშაო ვერსიას გადახედეს Nickol Global Solutions LLC (NGS)-ის საერთაშორისო კონსულტანტებმა, რომელთა კომენტარები და უკუკავშირი ასახულ იქნა კონცეფციის საბოლოო ვერსიაში.

 

ადგილობრივი დაინტერესებული მხარეების მოსაზრებების გათვალისწინების მიზნით, გაიმართა ფოკუს-ჯგუფები, სადაც მონაწილეებმა მერიის ღია მონაცემებზე ხელმისაწვდომობა მიმოიხილეს და დაასახელეს ის მონაცემები, რომელთა  ღია მონაცემთა პორტალზე განთავსებასაც სამომავლოდ ისურვებდნენ. ასევე, 2021 წლის 28 ივნისს, მოეწყო ღია მონაცემთა პორტალის კონცეფციის ონლაინ საჯარო განხილვა. ღონისძიების ფარგლებში მოხდა თბილისის მერიის ღია მონაცემთა პორტალის კონცეფციის საზოგადოებისთვის წარდგენა, რის შემდეგაც ყველა დაინტერესებულ მხარეს ჰქონდა შესაძლებლობა გაეზიარებინა საკუთარი მოსაზრებები და შენიშვნები. განხილვას დაესწრნენ ადგილობრივი დაინტერესებული მხარეების, მათ შორის სამოქალაქო საზოგადოების, აკადემიური წრეების, ბიზნესისა და მედიის წარმომადგენლები. 

 

კონცეფციის დოკუმენტში საბოლოო ცვლილებების შეტანის შემდეგ, მოხდა მისი დამტკიცება, რის საფუძველზეც შემუშავდა პორტალის დეტალური ტექნიკური აღწერა. 

 

დოკუმენტები მომზადდა პროექტის - თბილისის მერიის ღია მონაცემთა პორტალის კონცეფციისა და ტექნიკური დავალების შექმნა - ფარგლებში, რომელსაც IDFI USAID-ის პროექტის დემოკრატიული მმართველობის ინიციატივა საქართველოში (USAID GGI) მხარდაჭერით ახორციელებს.

სხვა მასალები ამ თემაზე
სიახლეები

კორუფციასთან ბრძოლის სასერტიფიკატო პროგრამის მონაწილეთა სასწავლო ვიზიტი მოლდოვაში

24.01.2022

პოლონეთის ეროვნული მეხსიერების უნივერსიტეტის (IPN) სამეცნიერო ჯგუფი აჭარაში მასობრივი ტერორის მსხვერპლთა სამარხებს შესწავლის

24.01.2022

საქართველოს პარლამენტის მდგრადი განვითარების მიზნებთან დაკავშირებით შეხვედრა გაიმართა

21.01.2022

ჩემი გრაფიკული ისტორია: საბჭოთა რეპრესიები აჭარაში კომიქსების ენაზე

13.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022