სტუდენტებისთვის სემინარი „ჰიბრიდული ომი და ჟურნალისტიკა“ ჩატარდა

სიახლეები | მეხსიერების და დეზინფორმაციის კვლევები | სტატია 14 თებერვალი 2022

2022 წლის 10 თებერვალს, ინფორმაციის თავისუფლების განვითარების ინსტიტუტის (IDFI) და საქართველოს უნივერსიტეტის საერთო პროგრამის: “დეზინფორმაციისა და პროპაგანდის კვლევის” სტუდენტებისა და საქართველოს უნივერსიტეტის, სოციალურ მეცნიერებათა სკოლის სტუდენტებისთვის სემინარი ჩატარდა. სემინარზე ყურადღება გამახვილდა მთავრობებისა და სამხედროების მიერ საბრძოლო მოქმედებების ხაზზე გავრცელებული დეზინფორმაციული ნარატივების შინაარსსა და მათი გაბათილების მექანიზმებზე. ამასთანავე, სემინარის მონაწილეებს მიეწოდათ ინფორმაცია მეინსტრიმული და რუსული მარიონეტული მედიის მიერ გავრცელებული ინფორმაციის შემოწმებაზე, განსაკუთრებით კონფლიქტურ ზონებში ( განხილული იყო აფხაზეთისა და ყირიმის მაგალითები).


სემინარის განმავლობაში, მონაწილეებმა განიხილეს ჰიბრიდული ომის ისტორია მოწმის პერსპექტივიდან, იმის გათვალისწინებით, რომ ჰიბრიდულ ომში, რომლის წინაშეც ახლა ყველანი ვართ, ნებისმიერ ჩვენგანს შეუძლია ნებისმიერ დროს გახდეს ასეთი მოწმე.

 

მთავარი მომხსენებელი ალექსეი ბობროვნიკოვი აკვირდებოდა რუსეთის მიერ ყირიმის ანექსიას და სამხედრო დანაშაულთა სერიას უკრაინის საოკუპაციო ძალებთან სადემარკაციო ხაზზე. ახლა ის მუშაობს კავკასიაში ნობელის პრემიის ლაურეატი „ნოვაია გაზეტას“ დავალებით.

 

სპიკერის შესახებ: ალექსეი ბობროვნიკოვი ბეჭდვითი და სატელევიზიო ჟურნალისტი დაიბადა კიევში. გამოქვეყნებული აქვს მრავალი მოთხრობა და ესსე უკრაინის სხვადასხვა გამომცემლობასა და ყოველკვირეულ ჟურნალებში. ბობროვნიკოვი აშუქებდა 2014 წლის დასაწყისში კიევში მაიდანის საპროტესტო აქციების შესახებ, ხოლო 2015 წლიდან ის იკვლევს კონტრაბანდის გზებს აღმოსავლეთ უკრაინაში, დონბასში. ამ კვლევის გამო, ის ხშირად გამხდარა მუქარის ობიექტი. მისმა რედაქტორების ზეწოლის შედეგად, ბობროვნიკოვმა დატოვა ზემოაღნიშნული კვლევა 2016 წლის ივნისში. მას შემდეგ, იგი მიიმალა დასავლეთ უკრაინაში და დატოვა ქვეყანა 2016 წელს. 2017 წლიდან 2018 წლამდე იმყოფებოდა ჰამბურგის ფონდში, პოლიტიკურ დევნილთათვის. ამის შემდეგ იგი გახდა გერმანული PEN-ის ემიგრაციაში მყოფ მწერალთა პროგრამის წევრი.

 

სემინარის ჩატარდა შვედეთის საერთაშორისო განვითარების თანამშრომლობის სააგენტოს, Sida-ს მხარდაჭერის ფარგლებში.

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022