ღია მმართველობა და კორუფციასთან ბრძოლა

16 ოქტომბერი 2019

საქართველოს პარლამენტმა IDFI-ის რეკომენდაციით საკანონმდებლო პროცესებში მოქალაქეთა მონაწილეობის ელექტრონული პლატფორმა შექმნა

15 ოქტომბერს, საქართველოს პარლამენტმა საკანონმდებლო ინიციატივებზე ელექტრონული ხელმოწერების განხორციელების, პეტიციის წარდგენისა და მხარდაჭერის უნიკალური ელექტრონული გვერდის პრეზენტაცია გამართა.

14 ოქტომბერი 2019

IDFI-მ ჟურნალისტებისა და პროკურორებისთვის მორიგი ტრენინგი ჩაატარა

მონაწილეებს მისასალმებელი სიტყვით მიმართეს IDFI-ის აღმასრულებელმა დირექტორმა გიორგი კლდიაშვილმა; ღია საზოგადოების ფონდის (OშGF) ადამიანის უფლებათა დაცვის პროგრამის პროექტის კოორდინატორმა ინა გრიგალაშვილმა; და პროექტის „პროკურატურის დამოუკიდებლობის ხელშეწყობა მონიტორინგისა და ჩართულობის გზით“ მენეჯერმა მარიამ მაისურაძემ.

10 ოქტომბერი 2019

მსოფლიო მმართველობის ინდიკატორები-საქართველო მსოფლიო ბანკის 2019 წლის შეფასებით

მსოფლიო ბანკის მონაცემებზე დაყრდნობით საქართველომ მმართველობის ინდიკატორებში ყველაზე მაღალი შეფასება 2014 წელს მიიღო. ამ დრომდე საქართველოს მაჩვენებლები სტაბილურად და სწრაფი ტემპით იზრდებოდა. სახელმწიფოებრივი განვითარების ზრდის ტემპი შენარჩუნებული იყო 2010-2014 წლებშიც, რის შემდეგაც ის მნიშვნელოვნად შენელდა. მრავალი მიმართულებით საქართველომ დღემდე ვერ შეძლო დაებრუნებინა 2014 წელს ნაჩვენები შეფასების მაღალი სტანდარტი.

9 ოქტომბერი 2019

ადგილობრივი თვითმმართველობების სარეზერვო ფონდების ხარჯვა 2018 წელს

IDFI-მ შეისწავლა 2018 წლის განმავლობაში ადგილობრივ თვითმმართველ ერთეულთა სარეზერვო ფონდების ხარჯვის პრაქტიკა და წარმოგიდგენთ მის მოკლე შეჯამებას.

9 ოქტომბერი 2019

თვითმმართველობების სარეზერვო ფონდების ხარჯვა - ვიზუალიზაცია

IDFI-მ შეისწავლა 2018 წლის განმავლობაში ადგილობრივ თვითმმართველ ერთეულთა სარეზერვო ფონდების ხარჯვის პრაქტიკა და წარმოგიდგენთ მის მოკლე შეჯამებას. კვლევის მიგნებების შესაბამისად მომზადდა ვიზუალიზაცია.

8 ოქტომბერი 2019

კორუფციასთან ბრძოლის სასერტიფიკატო პროგრამა დაიწყო

ძირითადი იდეები, კონცეფციები, თეორიები და სოციალურ მეცნიერებათა პერსპექტივები კორუფციის შესახებ - დღეს (2019 წლის 8 ოქტომბერი) ამ მოდულით დაიწყო IDFI-ის და ილიას სახელმწიფო უნივერსიტეტის ერთობლივი კორუფციასთან ბრძოლის სასერტიფიკატო პროგრამა.

5 ოქტომბერი 2019

IDFI-ის ტრენინგი ქალაქ ქუთაისში

IDFI-მ ჟურნალისტებისა და სამოქალაქო აქტივისტებისთვის ქუთაისში ტრენინგი ჩაატარა. მონაწილეებს საშუალება ჰქონდათ გაეგოთ მეტი, იმის შესახებ თუ, როგორ აღმოაჩინონ და გადაამოწმონ საეჭვო გარემოებები სახელმწიფო შესყიდვებში, გააკონტროლონ ბიუჯეტის მიზნობრივი განკარგვა, მოიპოვონ საჯარო მონაცემები ხელისუფლების საქმიანობის შესახებ და ა.შ.

27 სექტემბერი 2019

IDFI-მ სახელმწიფო ინსპექტორის სამსახურთან ერთად საჯარო დისკუსია გამართა

IDFI სახელმწიფო ინსპექტორის სამსახურთან ერთად გამართა საჯარო დისკუსია 2019 წლის 22 მაისს ინიცირებულ „პერსონალურ მონაცემთა დაცვის შესახებ“ კანონპროექტის თაობაზე. ღონისძიებას ესწრებოდნენ სახელმწიფო ინსპექტორის სამსახურის, საქართველოს პარლამენტის, სამოქალაქო საზოგადოებისა და მედიის წარმომადგენლები, კანონპროექტის შესახებ მათი მოსაზრებებისა და შენიშვნების გასაზიარებლად.

24 სექტემბერი 2019

ღია მმართველობის მუდმივმოქმედი საპარლამენტო საბჭოს თემატური მოკვლევის ჯგუფში ზეპირი მოსმენა გაიმართა

დღეს, საქართველოს პარლამენტში გაიმართა ღია მმართველობის მუდმივმოქმედი საპარლამენტო საბჭოს თემატური მოკვლევის ჯგუფის ზეპირი მოსმენა საკითხზე: სახელმწიფო უწყებებში არსებული მოქალაქეთა ჩართულობის ინსტრუმენტები და პრაქტიკები.

20 სექტემბერი 2019

გაეროს მდგრადი განვითარების მიზნების (SDGs) ინტეგრაცია საქართველოს ეროვნულ საჯარო პოლიტიკის სისტემაში

საქართველოს მთავრობის დეკლარილებულ მიზანს წარმოადგენს მდგრადი განვითარების 17 მიზნისა და მათი ამოცანების იმპლემენტაცია ეროვნულ დონეზე. მოცემული ანალიზის მიზანს წარმოადგენს იმის დადგენა, თუ რამდენად მოიცავენ არსებული ეროვნული პოლიტიკის დოკუმენტები მდგრადი განვითარების მიზნების ამოცანათა შესაბამის ინდიკატორებს. არსებული სურათის სწორი შეფასება დაეხმარება საქართველოს მთავრობას მოახდინოს პრობლემური მიმართულებების იდენტიფიცირება და გადადგას ეფექტური ნაბიჯები შესაბამისი მიზნების ნაციონალიზაციის მიმართულებით.