IDFI-ის ტრენინგი სტუდენტების, სამოქალაქო აქტივისტებისა და ჟურნალისტებისთვის

სიახლეები | ტრენინგები | კარგი მმართველობა | პუბლიკაციები | სტატია 21 ოქტომბერი 2019

ინფორმაციის თავისუფლების განვითარების ინსტიტუტის (IDFI) მიერ ორგანიზებულ ორდღიან პრაქტიკულ ტრენინგში მონაწილეობა 15-მა მსმენელმა მიიღო. მონაწილეებმა ხელისუფლების საქმიანობის მონიტორინგის მექანიზმები და მეთოდები შეისწავლეს.

 

ტრენინგი გლობალური საქველმოქმედო ორგანიზაცია- Luminate-ის მხარდაჭერით ჩატარდა და მასში მონაწილეობა მიიღეს მთელი საქართველოს მასშტაბით ღია კონკურსის შედეგად შერჩეულმა სტუდენტებმა, სამოქალაქო აქტივისტებმა და ჟურნალისტებმა.

 

ტრენინგის მონაწილეებს IDFI-ის აღმასრულებელმა დირექტორმა, გიორგი კლდიაშვილმა მისასალმებელი სიტყვით მიმართა. მან ინსტიტუტის მიმდინარე პროექტის - „კარგი მმართველობის გაძლიერება საქართველოში“ (რომლის ფარგლებშიც ჩატარდა აღნიშნული ტრენინგი) ფარგლებში განხორციელებული აქტივობების მნიშვნელობაზე ისაუბრა.

 

„განხილულ საკითხებს შორის, ჩემთვის, ყველაზე საინტერესო საჯარო ინფორმაციის გამოთხოვასთან დაკავშირებული საკითხების საფუძვლიანად შესწავლა იყო. აგრეთვე, საინტერესოა მონაცემთა ვიზუალიზაციის შესახებ მიღებული რჩევები, რომელსაც პრაქტიკაში აქტიურად გამოვიყენებ,“ - აღნიშნა ტრენინგის ერთ-ერთმა მონაწილემ.

 

„ტრენინგის მიმდინარეობისას სტატიების კონკურსის შესახებ შევიტყვე, ვფიქრობ აქ მიღებული ცოდნა საკონკურსო ნაშრომის მომზადებაშიც დამეხმარება. უფრო მეტიც, როგორც საგამოძიებო საკითხებზე მომუშავე ჟურნალისტი, ვაპირებ გავითვალისწინო ის ნიუანსები და „ხრიკები“, რომლის შესახებ სწორედ ამ ტრენინგის მეშვეობით გავიგე. ყოველივე ეს დამეხმარება საჯარო შესყიდვებში საეჭვო გარემოებების აღმოჩენასა და ბიუჯეტთან და მთავრობის ფინანსურ საქმიანობასთან დაკავშირებული საკითხების გაშუქებაში,“ - აცხადებს ტრენინგის კიდევ ერთი მონაწილე.


„როგორც სტუდენტს, მრავალ ტრენინგში მიმიღია მონაწილეობა, მაგრამ ამ ტრენინგით, შეიძლება ითქვას, რომ აღვფრთოვანდი. საკითხების აქტუალობიდან, აგრეთვე კვალიფიციური ტრენერებიდან გამომდინარე, ორი დღის განმავლობაში ტრენინგის პროცესში სრულად ჩავერთე. გარდა ამისა, ეს იყო ერთადერთი ტრენინგი, სადაც სტუდენტები, აქტივისტები, მოქმედი და დამწყები ჟურნალისტები ერთ მაგიდასთან ვისხედით და აქტუალურ საკითხებს ერთად განვიხილავდით. ამ პროცესმა მომცა იმის საშუალება, რომ პრაქტიკოსი ადამიანებისგან პირადად მომესმინა რეალური მაგალითების შესახებ. ამ ყოველივეს კი ემატება თეორიული ცოდნა, რაც ტრენინგის ერთ ნაწილში მივიღეთ“.

 

ტრენინგს უძღვებოდნენ IDFI-ის მედიის, ინტერნეტისა და ტელეკომუნიკაციების პროგრამის ხელმძღვანელი, თეონა ტურაშვილი; IDFI-ის ანალიტიკოსი, მარიამ გოგიაშვილი და IDFI-ის ეკონომიკისა და სოციალური პოლიტიკის მიმართულების ხელმძღვანელი, გოგა თუშურაშვილი.

 

მონაწილეთა შერჩევის კონკურსი 2019 წლის 26 სექტემბრიდან - 10 ოქტომბრამდე მიმდინარეობდა, რომლის შედეგად IDFI-მ სულ 200 განაცხადი მიიღო. მონაწილეთა შერჩევის კრიტერიუმებს შორის იყო მოტივაცია და მიღებული ცოდნის პრაქტიკაში გამოყენების დასაბუთება. ტრენინგის ბოლოს მონაწილეებს გადაეცათ სერტიფიკატები.

სხვა ტრენინგები ამ თემაზე
სიახლეები

სამუშაო შეხვედრა საერთო სასამართლოს აქტების საჯაროობის შესახებ

17.06.2021

ტრენინგი მონაცემების გლობალური ბარომეტრის (GDB) ეროვნული მკვლევრებისთვის

14.06.2021

X მოწვევის პარლამენტმა „ინფორმაციული უსაფრთხოების შესახებ“ პრობლემური კანონპროექტი მესამე მოსმენით მიიღო

11.06.2021

IDFI-ის და საქართველოს უნივერსიტეტს შორის თანამშრომლობის მემორანდუმი გაფორმდა

11.06.2021
განცხადებები

იუსტიციის უმაღლესი საბჭო აგრძელებს მართლმსაჯულებისთვის დამაზიანებელი ნაბიჯების გადადგმას

17.06.2021

IDFI „საზოგადოებრივი ჯანმრთელობის შესახებ“ საქართველოს კანონში შესატან ცვლილებებს ეხმიანება

14.06.2021

კოალიცია უზენაესი სასამართლოს მოსამართლეთა კონკურსს ეხმიანება

07.06.2021

კოალიცია: საკონსტიტუციო სასამართლოს ახალი მოსამართლე ინკლუზიური პროცესით უნდა შეირჩეს

04.06.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021