IDFI-ის ადვოკატირების აქტივობები 2012 წელს

ადვოკატირება 28 აპრილი 2014

2012 წლის განმავლობაში IDFI-მ (ინფორმაციის თავისუფლების განვითარების ინსტიტუტი) გააფართოვა თავისი საქმიანობები და მოიცვა ისეთი საკითხები, როგორიცაა ელექტრონული რესურსების მონიტორინგი, ინფორმაციის ხელმისაწვდომობა, ინფორმაციის უსაფრთხოება, სოციალური ქსელების მონიტორინგია. ინსტიტუტის წარმომადგენლები ხვდებოდნენ საჯარო დაწესებულებებს, მონაწილეობას იღებდნენ კონფერენციებში, სემინარებში, შეხვედრებსა და განხილვებში;

 

2012 წლის მარტში ინსტიტუტმა განიხილა საკანონმდებლო ინიციატივა „ინფორმაციული უსაფრთხოების შესახებ“ და შესთავაზა თავისი კომენტარები კანონპროექტის თაობაზე. როგორც დოკუმენტში იყო აღნიშნული, ყურადღება უნდა გამახვილებულიყო ორ ძირითად საკითხზე: საჯარო ინფორმაციის ხელმისაწვდომობის ახალი მარეგულირებელი ნორმებსა და კერძო სექტორის საქმიანობაზე სახელმწიფო კონტროლის დამატებითი მექანიზმების დაწესებაზე.

 

2012 წლის 27–28 ივლისს,“დემოკრატიული მმართველობა საქართველოში” (G-3)” ფარგლებში ჩატარებულ სემინარში ინფორმაციის თავისუფლების და საჯარო დაწესებულებებში დოკუმენტების ხელმისაწვდომობის შესახებ ინფორმაციის თავისუფლების განვითარების ინსტიტუტმაც მიიღო მონაწილეობა. შეხვედრის მიზანს წარმოადგენდა ინფორმაციის თავისუფლებასთან დაკავშირებული პრობლემებისა და სამომავლო გეგმების განხილვა საჯარო დოკუმენტების ხელმისაწვდომობის გაუმჯობესებისთვის.

 

IDFI გახლდათ ერთ-ერთი იმ 12 არასამთავრობო ორგანიზაციისგან, რომელიც შეუერთდა კოალიციას „მედიის ადვოკატირებისათვის“და მიზნად დაისახა მედია გარემოს გაუმჯობესება და გამოხატვის თავისუფლების სტანდარტების დაცვა. კოალიცია აქტიურ მონაწილეობას იღებდა ღია მმართველობის პარტნიორობის სამოქმედო გეგმის შემუშავებაში; 14 დეკემბერს კოალიციის წარმომადგენლები საქართველოს პრემიერ-მინისტრს შეხვდნენ ქვეყანაში მიმდინარე პროცესებისა და სამომავლო გეგმების განხილვის მიზნით.

 

25 ოქტომბერს „ინფორმაციის თავისუფლების განვითარების ინსტიტუტმა“ სასამართლო სისტემის ელექტრონული რესურსების მონიტორინგის შედეგები წარმოადგინა. პროექტის განმავლობაში განხორციელდა 16 სასამართლო დაწესებულების ოფიციალური ვებ-გვერდის მონიტორინგი, შეფასდა მათი ინფორმაციული გამჭვირვალობისა და ტექნიკური გამართულობის ხარისხი;

 

2012 წლის 26 დეკემბერს, IDFI-მ დისკუსია გამართა საჯარო დაწესებულებების საზოგადოებასთან ურთიერთობის სამსახურების წარმომადგენლებთან. შეხვედრაზე, რომელიც პროექტის „ელექტრონული ჩართულობის განვითარება საქართველოში“ ფარგლებში მოეწყო, განხილულ იქნა საჯარო პოლიტიკაში მოქალაქეების ჩართულობის უზრუნველსაყოფად Facebook-ის პლატფორმის ეფექტურად გამოყენების საკითხი.

 

შეჯამების სახით შეიძლება ითქვას, რომ 2012 წლის განმავლობაში ადვოკატირების საქმიანობების მთავარ იდეას წარმოადგენდა ინფორმაციის ხელმისაწვდომობის კუთხით მთავრობის საქმიანობის შეფასება, რეკომენდაციის გაცემა ელექტრონული რესურსების ეფექტურად გამოყენებისა და მოქალაქეების ჩართულობის უზრუნველყოფის თვალსაზრისით;  

სხვა მასალები ამ თემაზე
სიახლეები

გიწვევთ გამჭვირვალე სახელმწიფო შესყიდვების რეიტინგის 2020 წლის ანგარიშის პრეზენტაციასა და ონლაინ დისკუსიაზე

21.01.2021

სახელმძღვანელო გამჭვირვალობისა და მოქალაქეთა ჩართულობის შესახებ

18.01.2021

ინტერვიუ ირინა ფლიგესთან

13.01.2021

აჭარის უმაღლესმა საბჭომ ღია მმართველობის 2020-2021 წლების სამოქმედო გეგმის განხორციელება დაიწყო

29.12.2020
განცხადებები

OECD-SIGMA-ს რეკომენდაციების შესრულებასთან დაკავშირებით IDFI-სა და GYLA-ს ერთობლივი განცხადება

20.01.2021

სამოქალაქო ორგანიზაციების განცხადება სახალხო დამცველის ბრიფინგზე

20.01.2021

არასამთავრობო ორგანიზაციათა ერთობლივი განცხადება ოპოზიციური პარტიების წინააღმდეგ დაანონსებული სანქციების შესახებ

17.12.2020

კოალიცია ეხმიანება ნიკა გვარამიას განცხადებას მუქარის შესახებ

15.12.2020
ბლოგპოსტები

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020