„ინფორმაციული უსაფრთხოების შესახებ“ კანონპროექტთან  დაკავშირებით „ინფორმაციის თავისუფლების განვითარების ინსტიტუტმა“ (IDFI), „ახალგაზრდა იურისტთა ასოციაციამ“ (საია)  და „საერთაშორისო გამჭვირვალობა-საქართველომ“  საქართველოს პარლამენტს  შენიშვნები და რეკომენდაციები გაუგზავნეს.

  საკანონმდებლო ინიციატივა, რომელიც კიბერუსაფრთხოების დაცვას  ისახავს მიზნად მონაცემთა გაცვლის სააგენტოსა და უშიშროების საბჭოს ეკუთვნის. კანონპროექტი „ინფორმაციული უსაფრთხოების შესახებ“ პარლამენტმა პირველი მოსმენით უკვე მიიღო. 

 
არასამთავრობო ორგანიზაციების წარმომადგენელთა აზრით ინფორმაციული ტექნოლოგიების განვითარებისა და გამოყენების ტემპის ზრდის პარალელურად საკანონმდებლო რეგულაციების შემუშავება აუცილებელია მოსალოდნელი რიკების თავდან ასაცილებლად, მაგრამ  მოცემული კანონროექტით გათვალისწინებული ცვლილებები და დახურული საჯარო ინფორმაციის ახალი სახეების დადგენა საჯარო ინფორმაციის ხელმისაწვდომობის  დამატებით შეზღუდვას გამოიწვევს.

  არსამთავრობო ორგანიზციების მიერ საქართველოს პარლამენტისთვის გაგზავნილ წერილში დეტალურადაა აღწერილი ის პრობლემები და გამჭვირვალობის შეზღუდვის  საფრთხეები, რაც კანონპროექტის არსებული სახით მიღების შემთხვევაში შეიძლება წარმოიშვას.

იხილეთ ბმული:
 მოსაზრებები „ინფორმაციული უსაფრთხოების შესახებ“ კანონპროექტთან  დაკავშირებით (IDFI, GYLA, TI Georgia)