პროექტის „საქართველოს სასამართლო სისტემის საზოგადოებრივი ანგარიშვალდებულებისა და გამჭვირვალობის ხარისხის გაუმჯობესება“ ანგარიშის პრეზენტაცია

სიახლეები 26 ოქტომბერი 2012

25 ოქტომბერს „ინფორმაციის თავისუფლების განვითარების ინსტიტუტმა“ სასტუმრო „ქორთიარდ მერიოტში“  სასამართლო სისტემის ელექტრონული რესურსების მონიტორინგის შედეგები წარმოადგინა.


პროექტის „საქართველოს სასამართლო სისტემის საზოგადოებრივი ანგარიშვალდებულებისა და გამჭვირვალობის ხარისხის გაუმჯობესება“ ფარგლებში განხორციელდა 16 სასამართლო დაწესებულების ოფიციალური ვებ-გვერდის მონიტორინგი, შეფასდა მათი ინფორმაციული გამჭვირვალობისა და ტექნიკური გამართულობის ხარისხი. პროექტის შესახებ შეგიძლიათ იხილოთ (http://www.idfi.ge/?cat=georgian_courts&lang=ka).

ინსტიტუტის დირექტორმა, გიორგი კლდიაშვილმა სასამართლო ხელისუფლების, არასამთავრობო ორგანიზაციებისა და მედიის წარმომდენლებს  პროექტის დეტალური ანგარიში გააცნო და ისაუბრა მონიტორინგის შედეგად გამოვლენილ პრობლემებსა და მათი გადაჭრის გზებზე.  


ევრაზიის თანამშრომლობის ფონდის დირექტორმა ქეთევან ვაშაკიძემ თავის გამოსვლაში  ხაზი  გაუსვა საქართველოში სასამართლო ხელისუფლების გამჭვირვალობის და ანგარიშვალდებულების გაზრდის, ელექტრონული მმართველობის განვითარების ხელშეწყობის და მოქალაქეებისთვის საჯარო ინფორმაციის მიწოდების აუცილებლობას.


ღონისძიებაზე შედგა  სასამართლო სტატისტიკის ელექტრონული მოდულის პრეზენტაცია, რომელიც საერთაშორისო გამოცდილებაზე დაყრდნობით ინსტიტუტის პროექტის ჯგუფმა შექმნა.  ელექტრონული მოდული საქართველოს სასამართლო სისტემაში არსებული მნიშვნელოვანი სტატისტიკური ინფორმაციის რესურსია. სტატისტიკური და დინამიური მონაცემები კატეგორიების მიხედვით, ვიზუალურადაა წარმოდგენილი, რაც მომხმარებელს ინფორმაციის მოძიებას და მონაცემების ურთიერთშედარებას უადვილებს. აღნიშნული სასამართლო სტატისტიკის ელექტრონული მოდული უკვე  ხელმისაწვდომია  საქართველოს უზენაესი სასამართლოს ოფიციალურ ვებ-გვერდზე: www.supremecourt.ge.

შეხვედრა კითხვა-პასუხის რეჟიმში გაგრძელდა. სასამართლო უწყებების წარმომადგენლებმა აღნიშნეს პროექტის მნიშვნელობა და აქტუალობა საქართველოს სასამართლო სისტემის საზოგადოებრივი ანგარიშვალდებულებისა და გამჭვირვალობის ხარისხის გაუმჯობესებისთვის და  კიდევ ერთხელ  გამოთქვეს  მზადყოფნა თანამშრომლობისათვის.
                                                   
                                                                                    ###

პროექტი ერთი წლის მანძილზე მიმდინარეობდა ევრაზიის თანამშრომლობის ფონდის (EPF) „სამოქალაქო ინიციატივა დამოუკიდებელი სასამართლოსთვის“ პროგრამის ფარგლებში, რომელიც დაფინანსებულია ამერიკის შეერთებული შტატების საერთაშორისო განვითარების სააგენტოს (USAID) მიერ აღმოსავლეთ-დასავლეთის მართვის ინსტიტუტის (EWMI) მეშვეობით.

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020