პროექტის "სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება (2015-2016)" მიზანია სამოქალაქო საზოგადოების ჯგუფების მაქსიმალურად ფართო სპექტრის დაინტერესება და მათი ცოდნის გაღრმავება საქართველოს სოციალურ-ეკონომიკური განვითარების სტრატეგია "საქართველო 2020"-თან დაკავშირებით. პროექტის ფარგლებში კრიტიკულად იქნება შეფასებული სტრატეგიის არსებული გამოწვევები და განხორციელების პროცესი, იმისათვის, რომ მოხდეს ამ ეტაპზე არსებული პრობლემების იდენტიფიკაცია და შემუშავდეს საჭირო რეკომენდაციები.

9 ოქტომბერს ინფორმაციის თავისუფლების განვითარების ინსტიტუტის (IDFI) ორგანიზებით გაიმართა დისკუსია სახელწოდებით „საქართველოს ინტერნეტიზაცია და ფართოზოლოვანი განვითარება“. დისკუსია ჩატარდა პროექტ „სტრატეგიული გეგმა საქართველო 2020 - სამოქალაქო საზოგადოების ჩართულობა“-ს ფარგლებში.

აღნიშნული პროექტის ფარგლებში, 17 სექტემბერს, IDFI-ს ორგანიზებით გაიმართა დისკუსია სახელწოდებით „ეროვნული ვალუტის გაუფასურების გავლენა საქართველოს ეკონომიკაზე“. დისკუსიაში მონაწილეობდნენ საქართველოს მთავრობის, საქართველოს ეროვნული ბანკის, არასამთავრობო და კვლევითი ორგანიზაციების წარმომადგენლები.

გამართული დისკუსია აქტიურად გაშუქდა სხვადასხვა მედია საშუალების მიერ: საზოგადოებრივი მაუწყებელი, იმედი, რუსთავი 2. 

რუსთავი 2: IDFI-ს მიერ ორგანიზებულ დისკუსიაზე მოწვეულმა სტუმრებმა იმსჯელეს ლარის გაუფასურების მიზეზებზე და პრობლემის გადაჭრის გზებზე.
ლარის გაუფასურებაში ყველაზე მნიშვნელოვან ფაქტორად ეროვნული ბანკის პრეზიდენტის მრჩეველმა ქვეყანაში არსებული ნეგატიური მოლოდინი და შექმნილი პანიკა დაასახელა.

იმედი: ეკონომიკის სფეროს ექსპერტების, ფინანსთა სამინისტროსა და ეროვნული ბანის წარმომადგენლების მონაწილეობით ლარის კურსის დევალვაციასთან დაკავშირებით დისკუსია IDFI-მ პროექტ "საქართველო 2020"_ის ფარგლებში გუშინ გამართა.

საზოგადოებრივი მაუწყებელი: ერთი დოლარის ოფიციალური ფასი 2 ლარი და 44 თეთრი გახდა. სწორედ ლარის გაუფასურების მიზეზები იყო IDFI-ს მიერ ორგანიზებული დისკუსიის მთავარი თემა, რომელშიც ექსპერტებთან და ეკონომისტებთან ერთად, ეროვნული ბანკის წარმომადგენლებიც მონაწილეობდნენ.