დისკუსია - ეროვნული ვალუტის გაუფასურების გავლენა საქართველოს ეკონომიკაზე

სიახლეები | ეკონომიკა და სოციალური პოლიტიკა | პუბლიკაციები | სტატია 18 სექტემბერი 2015

ხუთშაბათს, 17 სექტემბერს ინფორმაციის თავისუფლების განვითარების ინსტიტუტის (IDFI) ორგანიზებით გაიმართა დისკუსია სახელწოდებით „ეროვნული ვალუტის გაუფასურების გავლენა საქართველოს ეკონომიკაზე“; დისკუსია ჩატარდა პროექტის "სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება"-ს ფარგლებში.


დისკუსიაში მონაწილეობდნენ საქართველოს მთავრობის, საქართველოს ეროვნული ბანკის, არასამთავრობო და კვლევითი ორგანიზაციების წარმომადგენლები. სადისკუსიო პანელში მომხსენებლებად წარდგნენ: საქართველოს ეროვნული ბანკის მაკროეკონომიკისა და სტატისტიკის დეპარტამენტის უფროსი გიორგი ბარბაქაძე; საქართველოს ფინანსთა სამინისტროს ფისკალური პროგნოზირების დეპარტამენტის უფროსი ნიკოლოზ გაგუა; დარგის დამოუკიდებელი სპეციალისტები ბესო ნამჩავაძე და ირაკლი დოღონაძე.


მომხსენებლებმა ისაუბრეს ლარის გაუფასურების გამომწვევ მიზეზებზე და იმ ნეგატიურ შედეგებზე, რომელიც შეიძლება მოჰყვეს ეროვნული ვალუტის გაუფასურებას მოკლე და საშუალოვადიან პერსპექტივაში. პანელის მონაწილეების მხრიდან ყურადღება იქნა გამახვილებული ეროვნული ვალუტის გაუფასურების საგარეო ფაქტორებზე. ძირითადად აქცენტი გაკეთდა გარე შოკებზე, რომელთა შორის შეიძლება გამოიყოს მსოფლიოში ნავთობზე ფასის ვარდნა, უკრაინასა და რუსეთს შორის მიმდინარე კონფლიქტი და უცხოეთიდან საქართველოში ფულადი გზავნილების შემცირება.

 

აღნიშვნის ღირსია ეროვნული ბანკის წარმომადგენლების პოზიცია, რომ არსებული გარე შოკების ნეგატიური გავლენა ეროვნული ვალუტის გაცვლით კურსზე უკვე მთლიანად არის ასახული არსებულ კურსში და ამ მხრივ, არ არის მოსალოდნელი ეროვნული ვალუტის კიდევ უფრო მეტად გაუფასურება. აგრეთვე, ეროვნული ბანკის წარმომადგენლები შეეხნენ საქართველოში მიმდინარე ინფლაციურ პროცესებს. დისკუსიის ფარგლებში ითქვა, რომ მოსალოდნელია წლის ბოლომდე წლიური ინფლაციის მაჩვენებლის 7%-მდე ზრდა, ხოლო 2016 წლის დასაწყისიდან ამ მაჩვენებლის ეტაპობრივი კლება.

 

აგრეთვე, დისკუსიის ფარგლებში გამოითქვა დამოუკიდებელი ექსპერტების მხრიდან შენიშვნები მთავრობის ეკონომიკურ პოლიტასთან დაკავშირებით. ასე მაგალითად, ბესო ნამჩავაძემ აღნიშნა, რომ ევროკავშირთან ასოცირების ხელშეკრულების გაფორმებისა და ევროსთან მიმართებაში ეროვნული ვალუტის გაუფასურების მიუხედავად, ვერ მოხერხდა საქართველოს კონკურენტუნარიანობის გაზრდა, რაც დასტურდება ევროკავშირის ქვეყნებში საქართველოდან განხორციელებული ექსპორტის მოცულობის კლებაში 2015 წლის პირველი ორი კვარტლის მონაცემების წინა წლის შესაბამის პერიოდთან შედარების საფუძველზე.

 

დისკუსიაში აქტიური მონაწილეობა მიიღეს მოწვეულმა სტუმრებმაც, კითხვების და კომენტარების სახით.

 

პროექტის ფარგლებში იქმნება სადისკუსიო პლატფორმა და მთლიანობაში ჩატარდება 5 მსგავსი ტიპის შეხვედრა. მომავალში, სადისკუსიო შეხვედრებზე განხილული იქნება შემდეგი თემები:


• საქართველოს ფართოზოლოვანი განვითარება
• ფისკალური სტაბილურობა
• განათლების რეფორმა
• საყოველთაო ჯანდაცვის პროგრამა

 

პროექტი ხორციელდება ბრემენის უნივერსიტეტთან თანამშრომლობით და გერმანიის საგარეო საქმეთა სამინისტროს დაფინანსებით.

იხილეთ პროექტის მედია გაშუქება

სხვა მასალები ამ თემაზე
სიახლეები

ამბროლაურისა და ლანჩხუთის მუნიციპალიტეტებმა გამჭვირვალობის და კეთილსინდისიერების ამაღლების სტრატეგიები და სამოქმედო გეგმები მიიღეს

26.01.2022

ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული გადაწყვეტილებების კრებული

26.01.2022

საქართველოში გარდაცვლილთა სტატისტიკა

26.01.2022

კორუფციასთან ბრძოლის სასერტიფიკატო პროგრამის მონაწილეთა სასწავლო ვიზიტი მოლდოვაში

24.01.2022
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე

23.01.2022

პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში

22.01.2022

სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში

22.01.2022

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022