9 ოქტომბერს ინფორმაციის თავისუფლების განვითარების ინსტიტუტის (IDFI) ორგანიზებით გაიმართა დისკუსია სახელწოდებით „საქართველოს ინტერნეტიზაცია და ფართოზოლოვანი განვითარება“. დისკუსია ჩატარდა პროექტ „სტრატეგიული გეგმა საქართველო 2020 - სამოქალაქო საზოგადოების ჩართულობა“-ს ფარგლებში. 

 IDFI-ის მიერ ორგანიზებული ღონისძიება დაანონსდა Medianews.ge-სა და Media.ge-ს მიერ. 

ღონისძიება აქტიურად გააშუქეს სხვადასხვა მედია საშუალებებმა. მომზადდა ოთხი სატელევიზიო სიუჟეტი მაესტროს, რუსთავი 2-ისა და საზოგადოებრივი მაუწყებლის მიერ.

მაესტროს ერთ სიუჟეტში განაცხადა ორგანიზაციის მედია ექსპერტმა, უჩა სეთურმა ისაუბრა და აღნიშნა, რომ ამ საკითხზე დისკუსიის გამართვა სასურველია, რადგან მნიშვნელოვანია იმ პრობლემებსა და ხარვეზებზე, რომლებსაც ჩვენ ვხედავთ და მათი გადაჭრის გზებზე საუბარი."

მაესტროს მეორე სიუჟტში, უჩა სეთური ამბობს: "დღევანდელი შეხვედრა დაეთმო ძალიან მნიშვნელოვან ინიციატივას - საქართველოს მაღალსიჩქარიანი ინტერნეტით დაფარვას და ასევე, ხელმისაწვდომობის გაზრდას მოქალაქეებისთვის, რომელსაც სთავაზობს როგორც კერძო, ასევე სახელმწიფო სექტორი."

საზოგადოებრივი მაუწყებლის სიუჟეტში, ორგანიზაციის მედია ექსპერტის, უჩა სეთურის თქმით, ინიციატივა არის ძალიან კარგი და მნიშვნელოვანი, თუმცა, მთავარია, როგორ გავაკეთებთ ამას, რა მიმართულებებს მოვიცავთ, დავინახავთ თუ არა პრობლემებს სწორად და დავიცავთ თუ არა არსებულ ბაზარს იმისგან, რომ არ მოჰყვეს პრობლემები და გართულებები.

რუსთავი 2-ის სიუჟეტში ნათქვამია, რომ  IDFI-მ დისკუსია გამართა, რომელზეც ქვეყანაში ინტერნეტიზაციის და ფართოზოლოვანი განვითარების საკითებზე იმსჯელეს.