სალექციო კურსი - კარგი მმართველობა საქართველოში

სიახლეები | ტრენინგები 3 დეკემბერი 2015

საქართველოს საზოგადოებრივ საქმეთა ინსტიტუტის მმართველობის სკოლა (GIPA), ინფორმაციის თავისუფლების განვითარების ინსტიტუტი (IDFI), და ბრემენის უნივერსიტეტი, სტუდენტებს 2015 წლის დეკემბერში სთავაზობს სალექციო ბლოკ-კურსს „კარგი მმართველობა საქართველოში“, რომელსაც გაუძღვება ინფორმაციის თავისუფლების განვითარების ინსტიტუტის გამგეობის თავმჯდომარე - ლევან ავალიშვილი.

 

სალექციო კურსის მიზანია საუკეთესო საერთაშორისო პრაქტიკის ანალიზის საფუძველზე კარგი მმართველობის განვითარების უახლესი ტენდენციების, საჯარო მმართველობის სფეროში საქართველოში მიმდინარე რეფორმების, ინიციატივების, მექანიზმებისა და გამოწვევების შესახებ მდგომარეობის მიმოხილვა. სალექციო კურსის ფარგლებში განხილული იქნება შემდეგი თემები: 

ლექცია 1: ინფორმაციის თავისუფლება 

ლექცია 2: ელექტრონული მმართველობა 

ლექცია 3: მოქალაქეთა მონაწილეობა გადაწყვეტილების მიღების პროცესში

ლექცია 4: მამხილებლების დაცვა

 

სალექციო კურსების სერია ტარდება პროექტ „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება“-ს ფარგლებში. პროექტს ახორციელებს ინფორმაციის თავისუფლების განვითარების ინსტიტუტი (IDFI) ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს ფინანსური მხარდაჭერით. სტრატეგიის არსებული გამოწვევებსა და განხორციელების პროცესის კრიტიკული შეფასებით, პროექტი მიზნად ისახავს სამოქალაქო საზოგადოების ჯგუფების მაქსიმალურად ფართო სპექტრის დაინტერესების გამოწვევასა და მათი ცოდნის გაღრმავებას საქართველოს სოციალურ-ეკონომიკური განვითარების სტრატეგია "საქართველო 2020"-თან დაკავშირებით. პროექტის ფარგლებში უკვე ჩატარდა სალექციო კურსების სერია ილიას სახელმწიფო უნივერსიტეტში, თბილისის სახელმწიფო უნივერსიტეტში და თელავის სახელმწიფო უნივერსიტეტში. იგეგმება სალექციო ბლოკ-კურსების ჩატარება სხვა უმაღლეს სასწავლებლებში საქართველოს მასშტაბით.

 

მონაწილეთათვის გაიცემა საქართველოს საზოგადოებრივ საქმეთა ინსტიტუტის, IDFI-სა და ბრემენის უნივერსიტეტის ერთობლივი სერთიფიკატი. სამ ყველაზე აქტიურ სტუდენტს საჩუქრად გადაეცემათ უახლესი ქართულენოვანი სამეცნიერო ლიტერატურა.

 

აგრეთვე, ბლოკ კურსის მონაწილე სტუდენტებს შესაძლებლობა ექნებათ კურსის თემატიკის გარშემო დაწერონ ნარკვევი და მოიგონ Kindle. პრიზი გადაეცემა ორი საუკეთესო ნარკვევის ავტორს.

 

დაინტერესების შემთხვევაში, გთხოვთ, დარეგისტრირდეთ მისამართზე: g.jabadari@gipa.ge. გთხოვთ, აღნიშნულ მეილზე გამოგზავნოთ შემდეგი ინფორმაცია: სახელი, გვარი, სასწავლებელი, ფაკულტეტი, სპეციალობა, სემესტრი, ელექტრონული ფოსტის მისამართი და მობილური ტელეფონის ნომერი.

 

რეგისტრაციის ბოლო ვადაა 2015 წლის 13 დეკემბერი. კურსზე ადგილების რაოდენობა შეზღუდულია.

  

სალექციო ბლოკ-კურსი გაიმართება: 

  • 15 დეკემბერს (13:00-15:00 საათი)
  • 18 დეკემბერს (11:00-13:00 საათი)
  • 22 დეკემბერს (13:00-15:00 საათი)
  • 25 დეკემბერს (13:00-15:00 საათი) 

 

საქართველოს საზოგადოებრივ საქმეთა ინსტიტუტის მმართველობის სკოლა (იეთიმ გურჯის 7ბ), 101-ე აუდიტორია. 

 

სამუშაო ენა: ქართული.

სხვა ტრენინგები ამ თემაზე
სიახლეები

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022

რეგიონული ღონისძიება: უკრაინაში რუსეთის შეჭრის გავლენა აღმოსავლეთ პარტნიორობის ქვეყნებში მოქმედ არასამთავრობო ორგანიზაციებზე

11.06.2022
განცხადებები

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022

მოვუწოდებთ ხელისუფლებას გადადგას კონკრეტული ნაბიჯები კანდიდატის სტატუსის მოსაპოვებლად

10.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022