პარასკევს, 27 ნოემბერს ინფორმაციის თავისუფლების განვითარების ინსტიტუტის (IDFI) ორგანიზებით გაიმართა დისკუსია სახელწოდებით „საჯარო სამსახურის რეფორმა - ცვლილებები და პერსპექტივები“. დისკუსია ჩატარდა პროექტ „სტრატეგიული გეგმა საქართველო 2020 - სამოქალაქო საზოგადოების ჩართულობა“-ს ფარგლებში.

ღონისძიება გააშუქეს ტელეკომპანიებმა რუსთავი 2-მა და საზოგადოებრივმა მაუწყებელმა. 

პირველი არხი: "ინფორმაციის თავისუფლების განვითარების ინსტიტუტმა საჯარო სამსახურის რეფორმაში დაგეგმილ ცვლილებებთან დაკავშირებით დისკუსია გამართა. შეხვედრაზე მომხსენებლებმა რეფორმის ძირითად მახასიათებლებსა და ბიუროკრატიის ეფექტიანობაზე ისაუბრეს. მოხსენების შემდეგ თემაზე დისკუსია გაიმართა.

რუსთავი 2 -თან საუბარში, IDFI-ს დირექტორი, გიორგი კლდიაშვილი აღნიშნავს: "ვისაუბრეთ საჯარო სამსახურის რეფორმაზე, ახალ კანონზე, არსებულ პრაქტიკულ განხორციელებაზე, თუ რა სტადიაზე ვართ, ხოლო მეორე სესია ეხება საქართველოში არსებულ ბიუროკრატიას და იმის განხილვას, რამდენად სწორი მიმართულებით მივდივართ"