ეკონომიკა და სოციალური პოლიტიკა

4 ივლისი 2016 image

საყოველთაო ჯანდაცვის პროგრამის გამოწვევები და მათი დაძლევის გზები

IDFI-ის მიერ მომზადებული პოლიტიკის ნარკვევი მიმოიხილავს საქართველოში საყოველთაო ჯანდაცვის პროგრამის გამოწვევებს და მათი დაძლევის შესაძლო საშუალებებს. ნარკვევში საუბარია, თუ რა თანხა უჯდება ბიუჯეტს საყოველთაო ჯანდაცვის პროგრამა, რა განაპირობებს პროგრამის არაგეგმიურ ხარჯებს და რა გავლენა იქონია საყოველთაო ჯანდაცვის პროგრამამ კერძო სადაზღვევო ბიზნესზე. ნარკვევის ავტორები ასევე საუბრობენ იმ საფრთხეებზე რის წინაშეც დგას პროგრამა და ამ პრობლემის დასაძლევად ხელისუფლებას კონკრეტულ რეკომენდაციებს სთავაზობენ. 

 

2 ივნისი 2016 image

სახელმწიფოს მიერ სრულად დაფინანსებული ფაკულტეტების ეფექტიანობა

სტატიაში განხილულია საქართველოს განათლებისა და მეცნიერების სამინისტროს 2013 წლის გადაწყვეტილება ბაზარზე მოთხოვნადი პროგრამების დაფინანსების შესახებ. დღეს არსებულ მონაცემებზე დაყრდნობით, სტატიის ავტორი აფასებს თუ რამდენად მოხერხდა პროექტის მიზნის მიღწევა ე.წ. „საჭირო“ პროგრამებზე უკეთესი და უფრო მეტი კონტიგენტის მოზიდვის მიმართულებით.

30 მაისი 2016 image

11 ცალმხრივ ბილეთში მასწავლებელთა პროფესიული განვითარების ეროვნულმა ცენტრმა 62 000 ლარი გადაიხადა

IDFI-მ გამოიკვლია მასწავლებელთა პროფესიული განვითარების ეროვნული ცენტრის მიერ მისი პროგრამის - „ასწავლე და ისწავლე საქართველოსთან ერთად“ მონაწილეებისთვის თვითმფრინავის ბილეთების შესყიდვის ფაქტები. კვლევამ გამოავლინა, რომ 2013-2015 წლებში გამოცხადებულ ცხრა 571,714 ლარის საერთო ღირებულების ელექტრონული ტენდერის შედეგად სახელმწიფოს საჭიროზე გაცილებით მეტის გადახდა მოუწია. 

19 მაისი 2016 image

რბილი საბიუჯეტო (შეზღუდვის) პოლიტიკის პრობლემა

რბილი საბიუჯეტო შეზღუდვის კონცეფცია, რომელიც სოციალისტური და შემდგომ ტრანსფორმაციის პროცესში მყოფი ქვეყნებისათვის არის აღწერილი, წარმოადგენს ფუნდამენტურ წინააღმდეგობას მაკროეკონომიკური სტაბილურობის კუთხით და იწვევს ხარჯების ზრდას, რაც უფრო სწრაფად ხდება, ვიდრე გადასახადების გზით შემოსავლების მობილიზების შესაძლებლობები, ეს კი თავის მხრივ ვალის დაგროვების წინაპირობაა.

17 მაისი 2016 image

მართული კონკურენცია ჯანდაცვაში და საქართველოს რეფორმები

ჯანდაცვაზე ხარჯების ზრდა არამარტო საქართველოს, არამედ ბევრი ქვეყნის ჯანდაცვის პოლიტიკის ერთ-ერთი მთავარი პრობლემაა. მის გადასაწყვეტად ბევრმა ქვეყანამ სხვადასხვა მეთოდები გამოიყენა. ამ თვალსაზრისით საკმაო გამოცდილება დაგროვდა. თანამედროვე მსოფლიოში ჯანდაცვაზე დანახარჯების შეკავების ერთ-ერთ მნიშვნელოვან მექანიზმად აღიარებულია ჯანდაცვის დაფინანსების კონკურენტული სისტემა. აღსანიშნავია, რომ “კონკურენტული სადაზღვევო მოდელის” კონცეფცია საქართველოშიც დაინერგა მცირე ხნით. საინტერესოა, გავეცნოთ ჯანდაცვის დაფინანსების კონკურენტული სისტემის გამოცდილებას, თუ რას წარმოადგენს იგი, ხარჯების შეკავების რა მექანიზმები გააჩნია და რატომ ვერ მოხეხდა ამ მოდელის განვითარება საქართველოში.

10 მაისი 2016 image

2003-2015 წლებში საქართველოს პრეზიდენტების მიერ გაცემული სახელმწიფო ჯილდოები

IDFI-მ საქართველოს პრეზიდენტის ადმინისტრაციას მიმართა 2003-2015 წლებში საქართველოს პრეზიდენტების მიერ გაცემული სახელმწიფო ჯილდოების შესახებ სტატისტიკური ინფორმაციის მოთხოვნით. მიღებულ ინფორმაციაზე დაყრდნობით ირკვევა, რომ 2003-2015 წლებში საქართველოს პრეზიდენტების მიერ სულ გაცემულია 11 595 სახელმწიფო ჯილდო, რომელთაგან ყველაზე მეტი - 5525 იყო ღირსების ორდენი, 2541 - ღირსების მედალი, ხოლო 1160 - მედალი მხედრული მამაცობისთვის. ჯილდოების გაცემის სიუხვით განსაკუთრებით გამოირჩევა მიხეილ სააკაშვილის პრეზიდენტობის უკანასკნელი წლები. 2012 წელს გაიცა 2681 სახელმწიფო ჯილდო, 2013 წელს კი - 1926.

 

 

 

6 მაისი 2016 image

საქართველო 2016 წლის ეკონომიკური თავისუფლების ინდექსში

2016 წლის ეკონომიკური თავისუფლების ინდექსის მიხედვით, 178 ქვეყანას შორის საქართველო 23-ე ადგილზეა, რითიც წინ უსწრებს პოსტსაბჭოთა, აღმოსავლეთ ევროპისა და მეზობელი ქვეყნების უმეტესობას. მიუხედავად ზოგადი დადებითი მაჩვენებლისა, საქართველოსთვის გამოწვევად რჩება ფინანსური სექტორის თავისუფლება და კანონის უზენაესობა, კონკრეტულად კი საკუთრების უფლების დაუცველობა, სასამართლო დამოუკიდებლობა და კორუფციის მაღალი დონე.

6 მაისი 2016 image

IDFI აზიის განვითარების ბანკის 49-ე ყოველწლიურ შეხვედრაზე

ზიის განვითარების ბანკის მმართველთა საბჭოს ყოველწლიური შეხვედრები მნიშვნელოვან პლატფორმად ჩამოყალიბდა აზიისა და წყნარი ოკეანის რეგიონებთან დაკავშირებული ეკონომიკური და სოციალური განვითარების საკითხების განსახილველად. შეხვედრებზე წევრ მთავრობებს შესაძლებლობა ეძლევათ შეხვდნენ ბანკის თანამშრომლებს, არასამთავრობო ორგანიზაციებს, მედიას, ასევე, დამკვირვებელი ქვეყნების, საერთაშორისო ორგანიზაციების, აკადემიური წრეებისა და კერძო სექტორის წარმომადგენლებს, რათა განიხილონ აზიის რეგიონში არსებული პრობლემები და შეთანხმდნენ მათ შესაძლო მოგვარების გზებზე.

23 მარტი 2016 image

საქართველოს თავისუფალი ინდუსტრიული ზონები და საგადასახადო საიდუმლოება (IDFI VS შემოსავლების სამსახური)

2015 წლის 16 აპრილს „ინფორმაციის თავისუფლების განვითარების ინსტიტუტმა“ (IDFI) წერილით მიმართა შემოსავლების სამსახურს და ინფორმაციის საჯაროობის პრინციპის საფუძველზე მოითხოვა ინფორმაციის მიწოდება შემდეგ საკითხზე: განხორციელდა თუ არა შემოსავლების სამსახურის მიერ საქართველოში არსებული თითოეული თავისუფალი ინდუსტრიული ზონის შემოწმება. ასეთი შემოწმების განხორციელების შემთხვევაში IDFI-მ ასევე მოითხოვა შემოწმების ამსახველი დასკვნის ან ოქმის მიწოდება.

18 მარტი 2016 image

სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება (2015-2016) საბოლოო ანგარიში

ა(ა)იპ „ინფორმაციის თავისუფლების განვითარების ინსტიტუტმა“ (IDFI) ბრემენის უნივერსიტეტთან თანამშრომლობით და გერმანიის საგარეო საქმეთა სამინისტროს დაფინანსებით, 2015 წლის 10 ივლისიდან 2016 წლის 10 თებერვლის ჩათვლით განახორციელა პროექტი „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება“. პროექტი მიზნად ისახავდა სამოქალაქო საზოგადოების ჯგუფების მაქსიმალურად ფართო სპექტრის დაინტერესების გამოწვევასა და მათი ცოდნის გაღრმავებას საქართველოს სოციალურ-ეკონომიკური განვითარების სტრატეგია "საქართველო 2020"-თან დაკავშირებით. საზოგადოების ინფორმირებულობის ამაღლების გარდა, პროექტის ფარგლებში შეფასდა სტრატეგიის არსებული გამოწვევები და განხორციელების პროცესი.