2022 წლის 24-25 ივნისს, ინფორმაციის თავისუფლების განვითარების ინსტიტუტმა (IDFI), ღია საზოგადოების ფონდის (OSF) მხარდაჭერით, გამართა ორდღიანი სამუშაო შეხვედრა იმერეთის, კერძოდ, ქუთაისის, ტყიბულის, ვანის, სამტრედიისა და ზესტაფონის სკოლების მასწავლებლებთან.

შეხვედრის მიზანი იყო საქართველოს განათლების სისტემის გამოწვევების იდენტიფიცირება COVID-19 პანდემიის შემდგომ პერიოდში, ასევე, დისკუსია მოწყვლადი ჯგუფების საჭიროებების და გამოწვევების შესახებ პანდემიის განმავლობაში. 

მონაწილეებს მისასალმებელი სიტყვით მიმართეს ინფორმაციის თავისუფლების განვითარების ინსტიტუტის, ეკონომიკური და სოციალური პოლიტიკის მიმართულების ხელმძღვანელმა, გივი ადეიშვილმა, საქართველოს პედაგოგთა და მეცნიერთა თავისუფალი პროფკავშირის აღმასრულებელმა ვიცე პრეზიდენტმა, მარი ალუღიშვილმა.

IDFI-ის ეკონომიკური და სოციალური პოლიტიკის მიმართულების წარმომადგენლები მონაწილეებს ესაუბრნენ მათ მიერ განათლების სექტორში იდენტიფიცირებული გამოწვევების თაობაზე. ორდღიანი სამუშაო შეხვედრის ძირითადი ნაწილი კი დაეთმო დისკუსიას, რომლის ფარგლებშიც პედაგოგებმა ისაუბრეს განათლების სექტორის გამოწვევებზე 2021-2022 წლებში და მოწყვლადი ჯგუფების განათლების გამოწვევებზე COVID-19 პანდემიის პირობებში.