საინფორმაციო სესია ბათუმის საკრებულოს წარმომადგენლებთან თემაზე: საჯარო-კერძო დიალოგის ხარისხის შეფასების მექანიზმი

სიახლეები | ეკონომიკა და სოციალური პოლიტიკა 22 სექტემბერი 2022

2022 წლის 22 სექტემბერს, ინფორმაციის თავისუფლების განვითარების ინსტიტუტმა (IDFI), პროექტის „საჯარო და კერძო სექტორებს შორის დიალოგის ხელშეწყობა საქართველოში მონიტორინგისა და ცნობიერების ამაღლების გზით“ ფარგლებში, გამართა საინფორმაციო შეხვედრა ბათუმის საკრებულოს წარმომადგენლებთან.

 

შეხვედრის მონაწილეებს მისასალმებელი სიტყვით მიმართეს, ქალაქ ბათუმის მუნიციპალიტეტის საკრებულოს თავმჯდომარემ, რამაზ ჯინჭარაძემ, IDFI-ს ეკონომიკური და სოციალური პოლიტიკის მიმართულების ხელმძღვანელმა, მიხეილ კუკავამ და USAID-ის ეკონომიკური მმართველობის პროგრამის ხელმძღვანელის მოადგილემ, ნინო ჩოხელმა.

 

შეხვედრაში მონაწილეობდნენ საკრებულოს წევრები პარტიებიდან „ქართული ოცნება-დემოკრატიული საქართველო“, „ერთანი ნაციონალური მოძრაობა“ და „ლელო“, ასევე, საკრებულოს აპარატის წარმომადგენლები.

 

შეხვედრის მონაწილეებმა მიიღეს ინფორმაცია პროექტის მიზნებისა და 2021 წელს განხორციელებული შეფასების შედეგების თაობაზე. შეხვედრის მეორე ნაწილი კი დაეთმო დისკუსიას. საკრებულოს წევრებმა ისაუბრეს მათ გამოცდილებაზე დიალოგის წარმართვის თვალსაზრისით, ხაზი გაესვა პლატფორმებს, რომლებსაც საკრებულო იყენებს საზოგადოების ჩართულობის უზრუნველსაყოფად. გარდა ამისა, საკრებულოს წევრებმა ისაუბრეს დიალოგის შემაფერხებელ ფაქტორებზე. შეხვედრის ფარგლებში განხილული იქნა ნორმატიული აქტები, რომლებიც შესაძლოა შეფასდეს აღნიშნული პროექტის ფარგლებში.

 

პროექტის ფარგლებში, IDFI შეაფასებს მუნიციპალიტეტებში რეგულაციების შემუშავების პროცესში საჯარო-კერძო დიალოგის ხარისხს. გარდა ამისა, პროექტი მიზნად ისახავს შერჩეულ მუნიციპალიტეტებში საკრებულოს წარმომადგენლების ცნობიერების ამაღლებას დიალოგის მნიშვნელობასა და ხარისხის შეფასების მექანიზმის თაობაზე.

 

საინფორმაციო შეხვედრა USAID-ის ეკონომიკური მმართველობის პროგრამის მხარდაჭერით განხორციელდა.

სხვა მასალები ამ თემაზე
სიახლეები

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023

მოსამართლეები და სასამართლო სისტემაში დასაქმებული მათი ოჯახის წევრები

23.01.2023

საჯარო ინფორმაციის პროაქტიული გამოქვეყნების პრაქტიკა საჯარო დაწესებულებებში - 2022

16.01.2023
განცხადებები

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023

სახალხო დამცველის აურჩევლობა აზიანებს ქვეყნის ევროინტეგრაციის პროცესს

23.12.2022

IDFI მიხეილ სააკაშვილის საქმესთან დაკავშირებით განვითარებულ მოვლენებს აფასებს

19.12.2022

სამოქალაქო საზოგადოების ორგანიზაციები ევროკომისიას რეკომენდაციების შესრულებაზე ზედამხედველობის გაზრდას სთხოვენ

14.12.2022
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022