რიგით მეორე საერთაშორისო კონფერენცია - სახელმწიფო არქივების ღიაობა და მეხსიერების კვლევები

სიახლეები | მეხსიერების და დეზინფორმაციის კვლევები | სტატია 6 დეკემბერი 2019

5-6 დეკემბერს, ინფორმაციის თავისუფლების განვითარების ინსტიტუტმა “(IDFI) რიგით მეორე საერთაშორისო კონფერენცია „სახელმწიფო არქივების ღიაობა და მეხსიერების კვლევები“ გამართა.

 

ღონისძიების მონაწილეებს მისასალმებელი სიტყვით მიმართეს ინფორმაციის თავისუფლების განვითარების ინსტიტუტის (IDFI) აღმასრულებელმა დირექტორმა, გიორგი კლდიაშვილმა და შინაგან საქმეთა სამინისტროს არქივების დირექტორმა, ომარ თუშურაშვილმა.

 

”სახელმწიფო არქივების ღიაობა და საარქივო დოკუმენტების ხელმისაწვდომობა განსაკუთრებით მნიშვნელოვანი საკითხია იმ ქვეყნებში, რომლებსაც აქვთ ტოტალიტარული წარსული და ჯერ კიდევ ვერ გაუმკლავდნენ მის პრობლემურ მემკვიდრეობას როგორც პოლიტიკურ, ისე ეკონომიკურ და სოციალურ საფუძველზე. მკვლევრები, მეცნიერები, სტუდენტები და ჟურნალისტები ყოფილი ტოტალიტარული სახელმწიფოების არქივში მუშაობის დროს სხვადასხვა წინააღმდეგობას აწყდებიან. არქივების ღიაობა არის ტოტალიტარული წარსულის კვლევების ერთ-ერთი ხელშემწყობი ფაქტორი, რომელიც ხელს უწყობს რეპრესიული რეჟიმის მსხვერპლთა რეაბილიტაციას და არის ტოტალიტარულ იდეოლოგიათა ხელახალი წარმოშობისა პრევენცია. ინფორმაციის თავისუფლების განვითარების ინსტიტუტი (IDFI) დაარსების დღიდან, 2009 წლიდან, ცდილობს გააძლიეროს სახელმწიფო არქივების ღიაობა და მათი პოლიტიკის და მომსახურების მოქნილობა ქართველი და უცხოელი მკვლევრებისთვის“ - აღნიშნა გიორგი კლდიაშვილმა.

 

საერთაშორისო პრაქტიკა, სამართლებრივი რეგულაციები და საარქივო დოკუმენტებზე წვდომის პრაქტიკა, სახელმწიფო უსაფრთხოების არქივებზე წვდომის გამოწვევები და არქივის როლი მეხსიერების კვლევებში - ის ძირითადი საკითხებია, რომელზეც კონფერენციის მონაწილეებმა ისაუბრეს. 

„არქივი შეიცავს ბევრ პირად ისტორიას იმ ადამიანების შესახებ, რომლებიც ტოტალიტარიზმის დროს ინარჩუნებდნენ მთელი ერების ღირებულებებს და ამის გამო დაზარალდნენ. ამ ისტორიების აღმოჩენა და პოპულარიზაცია არის საკუთარი თავის გაგება ისტორიის თვალსაზრისით“ - აღნიშნა ანნა ოლიინიკმა,  უკრაინის განმათავისუფლებელი მოძრაობის  კვლევითი ცენტრის წარმომადგენელმა.

 

კონფერენციას ესწრებოდნენ ღია არქივების ქსელის წარმომადგენლები. ღია არქივების ქსელი შექმნილია ღია საზოგადოება ბუდაპეშტის ფონდის მხარდაჭერით და მოიცავს ყოფილი საბჭოთა და აღმოსავლური ბლოკის 18 ქვეყანას - სომხეთი, აზერბაიჯანი, ბელორუსია, ბულგარეთი, ჩეხეთი, უნგრეთი, ყაზახეთი, ყირგიზეთი, ლიეტუვა, ლატვია, მოლდოვა, პოლონეთი, რუმინეთი, რუსეთი, ტაჯიკეთი, უკრაინა, უზბეკეთი და საქართველო. 

 

ღონისძიებია IDFI-ს ორგანიზებითა და ღია საზოგადოების ინსტიტუტის ბუდაპეშტის ფონდის ფინანსური მხარდაჭერით გაიმართა.

სხვა მასალები ამ თემაზე
სიახლეები

საქართველოს პარლამენტის მდგრადი განვითარების მიზნებთან დაკავშირებით შეხვედრა გაიმართა

21.01.2022

ჩემი გრაფიკული ისტორია: საბჭოთა რეპრესიები აჭარაში კომიქსების ენაზე

13.01.2022

პროექტის „PAR-ის მხარდაჭერა სამოქალაქო მონიტორინგისა და ჩართულობის გზით“ დასკვნითი ღონისძიება

11.01.2022

კონსტიტუციის ფორმალური მოთხოვნები „ინტერნეტ კონტენტის“ რეგულირებასთან დაკავშირებით

30.12.2021
განცხადებები

პრეზიდენტისადმი მოწოდება „საერთო სასამართლოების შესახებ“ ორგანულ კანონში მიღებულ საკანონმდებლო ცვლილებაზე ვეტოს დადების თაობაზე

13.01.2022

სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ

05.01.2022

2021 წლის 28 დეკემბერს რუსეთის ფედერაციის უზენაესმა სასამართლომ საზოგადოება საერთაშორისო მემორიალის ლიკვიდაციის გადაწყვეტილება მიიღო

29.12.2021

კოალიცია „საერთო სასამართლოების შესახებ“ ორგანულ კანონში ცვლილებების დაჩქარებული წესით განხილვას ეხმაურება

28.12.2021
ბლოგპოსტები

იმერეთის რეგიონში სპორტის მუნიციპალური პოლიტიკის და მერიებს დაქვემდებარებული სპორტული ორგანიზაციების საქმიანობის ანალიზი

17.01.2022

სასურსათო უსაფრთხოების მდგომარეობა - უახლესი ტენდენციები ციფრებში

17.01.2022

თვითმკვლელობის დინამიკა საქართველოში

17.01.2022

ტრანსპორტის სექტორში სათბურის გაზების ემისიების შემცირების ღონისძიებების გავლენის შეფასება არსებულ სტატისტიკურ მონაცემებზე დაყრდნობით

17.01.2022