IDFI აშშ-ს სახელმწიფო დეპარტამენტის ადამიანის უფლებათა 2016 წლის ანგარიშში

სიახლეები | კანონის უზენაესობა | პუბლიკაციები | ანალიზი 6 მარტი 2017

ამერიკის შეერთებული შტატების სახელმწიფო დეპარტამენტმა გამოაქვეყნა ადამიანის უფლებათა და თავისუფლებათა მდგომარეობის 2016 წლის ანგარიში. ანგარიში მზადდება აშშ-ს საელჩოებისა და საერთაშორისო მისიების მიერ მიწოდებულ მონაცემებზე დაყრდნობით და მიმოიხილავს ადამიანის უფლებების მდგომარეობას 200-მდე ქვეყანაში, მათ შორის საქართველოში.

 

2012 წლიდან მოყოლებული IDFI ყოველ წელს არის მოხსენიებული ანგარიშში სხვადასხვა კვლევის კონტექსტში. წინა წლების მსგავსად, ანგარიშში მოყვანილია IDFI-ის მონაცემები საჯარო ინფორმაციის ხელმისაწვდომობასთან დაკავშირებით. კერძოდ, საუბარია 2016 წლის ანგარიშზე, რომლის მიხედვით 2016 წელს 294 საჯარო დაწესებულებისთვის გაგზავნილ 7,430 მოთხოვნაზე IDFI-იმ სრულყოფილი პასუხი მიიღო 4, 458 განცხადებაზე, არასრულყოფილი პასუხი - 404 მოთხოვნაზე, უარი - 26 შემთხვევაში, უპასუხოდ დარჩა 1139 მოთხოვნა. ამავე ანგარიშის მიხედვით, საჯარო ინფორმაციის ხელმისაწვდომობის 100%-იანი მაჩვენებელი აჩვენა 55-მა საჯარო დაწესებულებამ, ხოლო ყველაზე დახურულ საჯარო დაწესებულებად დასახელდა მთლიანად იუსტიციის სამინისტროს სისტემა.

 

ანგარიშში ასევე მოყვანილია 2015-2016 წლის საქართველოს ეროვნული ანტიკორუფციული სტრატეგიის შეფასება, სადაც IDFI-ის მიერ ანტიკორუფციული სტრატეგიის შესრულება პოზიტიურადაა შეფასებული. IDFI-ის დასკვნის მიხედვით, საქართველოს მთავრობამ განახორციელა რამდენიმე მნიშვნელოვანი სფეროს რეფორმა, რომლებიც გათვალისწინებული იყო ეროვნული ანტიკორუფციული სტრატეგიის სამოქმედო გეგმაში, კერძოდ - მამხილებელთა დაცვის ინსტიტუტი, თანამდებობის პირთა ქონებრივი დეკლარაციები, შრომის ანაზღაურება საჯარო სამსახურში და სახელმწიფო შესყიდვები.


აშშ-ს სახელმწიფო დეპარტამენტის ანგარიშში ასევე მოყვანილია მონაცემები IDFI-ის კვლევიდან შეზღუდული შესაძლებლობების მქონე პირთა სტატისტიკის შესახებ. კერძოდ, შეზღუდული შესაძლებლობების საფუძველზე დისკრიმინაციის მაჩვნებლად მოყვანილია IDFI-ის მონაცემები, რომლის თანახმად საქართველოში საჯარო სექტორში დასაქმებული 100 000-ზე მეტ საჯარო მოსამსახურიდან მხოლოდ 24-ია შშმ პირი.

 

IDFI შეგახსენებთ, რომ ამერიკის შეერთებული შტატების სახელმწიფო დეპარტამენტის ადამიანის უფლებათა და თავისუფლებათა მდგომარეობის ანგარიშები ფართოდ გამოიყენება როგორც აშშ-ს ხელისუფლების გადაწყვეტილების მიღების პროცესში, ისე სხვა უცხოური მთავრობების, არასამთავრობო ორგანიზაციების, ადამიანის უფლებების დამცველების, იურისტების, ჟურნალისტების, მკვლევრებისა და სხვათა მიერ. აქედან გამომდინარე, ყოველწიურად ანგარიშში IDFI-ის კვლევებსა და მის საქმიანობაზე მითითება ხაზს უსვამს ინტიტუტისადმი არსებულ მაღალ ნდობას, როგორც ადგილობრივ ისე საერთაშორისო დონეზე.


წინა წლების ანგარიშების შესახებ:



2012 - IDFI-ს მონაცემები აშშ-ს სახელმწიფო დეპარტამენტის ანგარიშში


2013 - IDFI მეორედ მოხვდა აშშ-ს სახელმწიფო დეპარტამენტის ადამიანის უფლებათა ყოველწლიურ ანგარიშში


2014 - IDFI აშშ-ს სახელმწიფო დეპარტამენტის ანგარიშში


2015 - IDFI აშშ-ს სახელმწიფო დეპარტამენტის ადამიანის უფლებათა 2015 წლის ანგარიშში

სხვა მასალები ამ თემაზე
სიახლეები

„ინფორმაციული უსაფრთხოების შესახებ“ კანონპროექტის რისკები და გამოწვევები - IDFI-ს შეფასება

10.11.2019

სასამართლო რეფორმის შედეგების შეფასება - დისციპლინური პასუხისმგებლობის სისტემა

08.11.2019

საგანგებო სიტუაციების მართვის სამსახურის ბიუროკრატიული აპარატის და ხარჯების ანალიზი

06.11.2019

ქალაქ თბილისის მერიის და საკრებულოს ხარჯები: 2017-2018 წლები - ვიზუალიზაცია

04.11.2019
განცხადებები

არასამთავრობო ორგანიზაციების საგანგებო განცხადება

18.11.2019

არასამთავრობო ორგანიზაციათა საგანგებო განცხადება

14.11.2019

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019