IDFI აშშ-ს სახელმწიფო დეპარტამენტის ანგარიშში

სიახლეები | კანონის უზენაესობა და ადამიანის უფლებები | კორუფციასთან ბრძოლა | პუბლიკაციები | ანალიზი 26 ივნისი 2015

დღეს ამერიკის შეერთებული შტატების სახელმწიფო დეპარტამენტმა გამოქვეყნა ადამიანის უფლებათა და თავისუფლებათა მდგომარეობის მორიგი ანგარიში 2014 წლისთვის. ანგარიში მზადდება აშშ-ს საელჩოებისა და საერთაშორისო მისიების მიერ მიწოდებულ მონაცემებზე დაყრდნობით და იძლევა ადამიანის უფლებების მრავალმხრივ მიმოხილვას 200-მდე ქვეყნისთვის, მათ შორის საქართველოსთვის.


საქართველოში ადამიანის უფლებათა და თავისუფლებათა დაცვის მდგომარეობაზე საუბრისას ანგარიშში არაერთხელ არის მოხსენიებული IDFI. ის ერთის მხრივ ხაზს უსვამს IDFI-ს დირექტორის გიორგი კლდიაშვილის უკანონოდ დაკავების ფაქტს, ხოლო მეორე მხრივ მითითებას აკეთებს IDFI-ს კვლევებზე საჯარო ინფორმაციის ხელმისაწვდომობის შესახებ. აღსანიშნავია, რომ სახელმწიფო დეპარტამენტის მიერ IDFI-ს საქმიანობაზე მითითება ხდებოდა, როგორც 2012 ისე 2013 წლების ანგარიშებში.


კერძოდ, გიორგი კლდიაშვილის საქმესთან დაკავშირებით სახელმწიფო დეპარტამენტის ანგარიშში ხაზგასმულია, რომ 12 დეკემბერს გავრცელდა 19 არასამთავრობო ორგანიზაციის განცხადება, რომლებიც მიუთითებდნენ გიორგი კლდიაშვილი უკანონო დაკავების ფაქტზე და მოითხოვდნენ მის წინააღმდეგ მიმდინარე სისხლისსამართლებრივი დევნის შეჩერებას. გიორგი კლდიაშვილის წინააღმდეგ მიმართული ქმედებების უკანონობა დადასტურდა სასამრთლო გადაწყვეტილებით, რომელიც ცალსახად მიუთითებდა კრიმინალური პოლიციის დეპარტამენტის წარმომადგენლების მიერ დარღვეულ საქართველოს კანონმდებლობაზე და აღნიშნავდა, რომ ბრალდების მხარემ ვერ შეეძლო დაესაბუთებინა გიორგი კლდიაშვილის დაკავების აუცილებლობა.


საჯარო ინფორმაციის ხელმისაწვდომობის საკითხებზე საუბრისას სახელმწიფო დეპარტამენტის ანგარიში მითითებას აკეთებს IDFI-ს კვლევაზე, რომელის თანახმადაც 2014 წლის განმავლობაში საჯარო დაწესებულებებში შეიმჩნეოდა საჯარო ინფორმაციის ხელმისაწვდომობის გაუმჯობესებული მაჩვენებელი. დოკუმენტში ყურადღებაა გამახვილებული მთავრობის სხდომების ღიაობასა და მიღებული დოკუმენტების ხელმისაწვდომობასთან დაკავშირებული პრობლემებზე. ის ასევე მითითებას აკეთებს IDFI-ს მიერ განხორცილებულ საჯარო ინფორმაციის ხელმისაწვდომობის მონიტორინგის შედეგებზე, რომლის თანახმადაც საჯარო დაწესებულებებმა 2013 წლის ოქტომბრიდან 2014 წლის მარტამდე პასუხი გასცეს გაგზავნილი 493 შეკითხვიდან 444-ს. მნიშნველოვანია აღინიშნოს, რომ საჯარო დაწესებულებები ყველაზე ხშირად არ გასცემდნენ ინფორმაციას, რომელიც შეეხებოდა თანამდებობის პირების მიერ ელ. ფოსტის საშუალებით განხორცილებულ კორესპონდენციას. ანგარიშში მოხსენიებულია ასევე 100% რეიტინგის მქონე სჯარო დაწესებულებები, ამასთან ხაზგასმულია რომ შინაგან საქმეთა სამინისტრო შეფასებულ იქნა, როგორც ყველაზე დაბალი საჯარო ინფორმაციის ხელმისაწვდომობის რეიტინგის მქონე საჯარო დაწესებულება.


ამერიკის შეერთებული შტატების სახელმწიფო დეპარტამენტის ადამიანის უფლებათა და თავისუფლებათა მდგომარეობის ანგარიშები ფართოდ გამოიყენება როგორც აშშ-ს ხელისუფლების გადაწყვეტილების მიღების პროცესში, ისე სხვა უცხოური მთავრობების, არასამთავრობო ორგანიზაციების, ადამიანის უფლებების დამცველების, იურისტების, ჟურნალისტების, მკვლევრებისა და სხვათა მიერ. ანგარიშში IDFI-ის კვლევებსა და მის საქმიანობაზე მითითება ხაზს უსვამს ინტიტუტისადმი არსებულ მაღალ ნდობაზე, როგორც ადგილობრივ ისე საერთაშორისო ინსტიტუტებში.

სხვა მასალები ამ თემაზე
სიახლეები

საჯარო ინფორმაციის ხელმისაწვდომობის უფლების აღიარება: კონვენციის განვითარების პროცესი და ძირითადი პრეცედენტები

29.09.2023

IDFI-მ ბენეფიციარი მესაკუთრეების შესახებ ინფორმაციის ხელმისაწვდომობის საკითხზე სამუშაო შეხვედრა გამართა

29.09.2023

28 სექტემბერი - ინფორმაციის თავისუფლების საყოველთაო დღე

28.09.2023

IDFI-სა და Post-Bellum-ის ერთობლივი პროექტის ფარგლებში სამუშაო შეხვედრები გამართა

22.09.2023
განცხადებები

კოალიცია ეხმაურება ოთარ ფარცხალაძის დაცვის მიერ ტელეკომპანია “პირველისა“ და “ფორმულას” გადამღებ ჯგუფებზე თავდასხმისა და პროფესიული საქმიანობის განხორციელების უკანონოდ ხელშეშლის ფაქტებს

21.09.2023

ვეხმიანებით საქართველოს ეროვნულ ბანკზე პოლიტიკური ზეგავლენის აშკარა ფაქტს

20.09.2023

იუსტიციის სამინისტრომ ოთარ ფარცხალაძის მოქალაქეობასთან დაკავშირებით განმარტება უნდა გააკეთოს

19.09.2023

„ქართული ოცნება“ იმპიჩმენტის გზით ევროინტეგრაციის პროცესს აზიანებს

04.09.2023
ბლოგპოსტები

საჯარო ინფორმაციის ხელმისაწვდომობის უფლების აღიარება: კონვენციის განვითარების პროცესი და ძირითადი პრეცედენტები

29.09.2023

ადამიანის უფლებათა ევროპული სასამართლოს სტანდარტები საჯარო ინფორმაციასთან დაკავშირებით

08.09.2023

დაინგრევა თუ არა საქართველოს ეკონომიკა თუ რუსეთს ორმხრივ ეკონომიკურ სანქციებს დავუწესებთ?

30.05.2023

ანტიდასავლური პროპაგანდის საბჭოთა საწყისები

20.12.2022