გიორგი კლდიაშვილი ზიანის ანაზღაურების მიზნით სასამართლოს მიმართავს

სიახლეები | განცხადებები 10 თებერვალი 2015

გიორგი კლდიაშვილი სამართალდამცავი ორგანოების მიერ მის მიმართ განხორციელებული უკანონო მოპყრობის ფაქტზე ზიანის ანაზღაურებას ითხოვს. ამ მიზნით ის დღეს (10 თებერვალს) სარჩელით მიმართავს თბილისის საქალაქო სასამართლოს. საქმეში მოპასუხეებს საქართველოს მთავარი პროკურატურა, შინაგან საქმეთა სამინისტრო და ფინანსთა სამინისტრო წარმოადგენენ.


ქვემოთ მოცემული გარემოებები ხაზგასმით მიუთითებენ იმაზე, რომ სამართალდამცავი ორგანოების მხრიდან დაირღვა გიორგი კლდიაშვილის უფლებები:

 

 

- კრიმინალური პოლიციის წარმომადგენლებმა მიიღეს გადაწყვეტილება გადაეყვანათ გიორგი კლდიაშვილი წინასწარი დაკავების იზოლატორში მიუხედავად იმისა, რომ იარაღი მოთავსებული იყო ავტომანქანაში ოთხ ნაწილად დაშლილ მდგომარეობაში და გიორგის გააჩნდა მისი საკუთარ სახელზე რეგისტრაციის საბუთი;

 

- გიორგი კლდიაშვილი ნებაყოფლობით გამოცხადდა პოლიციის განყოფილებაში და ხაზგასმით აღნიშნავდა საკუთარ მზადყოფნას ეთანამშრომლა გამოძიებასთან;

 

- სასამართლომ 2014 წლის 14 დეკემბერს გიორგი კლდიაშვილის საქმეზე დაადგინა, რომ მისი დაკავება იყო უკანონო და წარიმართა სისხლის სამართლის საპროცესო კოდექსის მოთხოვნათა დარღვევით;

 

- სასამართლომ ასევე აღნიშნა, რომ არ არსებობდა გიორგის დაკავების გადაუდებელი აუცილებლობა, რადგან მან საკუთარი ნებით მიიღო მონაწილეობა საგამოძიებო მოქმედებაში;

 

– სასამართლომ დაუშვებელ მტკიცებულებად ცნო პროკურატურის მიერ წარდგენილი მასალების მნიშვნელოვანი ნაწილი, რადგან ისინი კანონმდებლობის დარღვევით იყო მოპოვებული;

 

– პროკურატურის მიერ მოხდა გიორგის ქმედების არასწორი კვალიფიკაცია და ნაცვლად ადმინისტრაციული სამართალდარღვევისა დევნა სისხლის სამართლის კოდექსის 236–ე მუხლის საფუძველზე დაიწყო.

 


ყოველივე ზემოთქმულიდან გამოდინარე, აშკარაა, რომ გიორგი კლდიაშვილის დაკავება წარიმართა სისხლის სამართლის საპროცესო კოდექსის არსებითი დარღვევით და ის ორი დღის განმავლობაში უკანონოდ იმყოფებოდა წინასწარი დაკავების იზოლატორში. აღნიშნული უფლების დარღვევის გამო მნიშვნელოვანია დადგეს იმ პირთა პასუხისმგებლობის საკითხი, რომელთა ქმედებების შედეგადაც დაირღვა გიორგის კანონიერი უფლებები და თავისუფლებები.

 

დამატებით გაცნობებთ, რომ ხვალ, 11 თებერვალს გიორგი კლდიაშვილი მის წინააღმდეგ მტკიცებულებების ფალსიფიკაციის გამო გამოძიების დაწყების თაობაზე განცხადების შეტანას გეგმავს.

 

სხვა მასალები ამ თემაზე
სიახლეები

IDFI გიწვევთ კარგი მმართველობის ფორუმზე

30.09.2020

საქართველო ინოვაციების გლობალურ ინდექსში

29.09.2020

კორუფციასთან ბრძოლის სასერტიფიკატო პროგრამა დაიწყო

29.09.2020

ცენზურა საბჭოთა კავშირში

29.09.2020
განცხადებები

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020

მოვუწოდებთ კომუნიკაციების კომისიას შეასრულოს ობიექტური და მიუკერძოებელი დამკვირვებლის როლი წინასაარჩევნო და საარჩევნო პროცესებში მედიის მონიტორინგისას

20.08.2020
ბლოგპოსტები

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020