გიორგი კლდიაშვილის წინააღმდეგ სისხლის სამართლებრივი დევნა შეწყდა

სიახლეები | კანონის უზენაესობა | პუბლიკაციები | სტატია 16 იანვარი 2015

გუშინ, 15 იანვარს, სასამართლოს გადაწყვეტილებით გიორგი კლდიაშვილის წინააღმდეგ სისხლის სამართლებრივი დევნა შეწყდა.


გიორგი კლდიაშვილის საქმის განხილვა თბილისის საქალაქო სასამართლოში მიმდინარეობდა. კლდიაშვილის უფლებებს საქართველოს ახალგზარდა იურისტთა ასოციაციის ადვოკატები, ლევან ვეფხვაძე და მაია ხუციშვილი იცავდნენ.


გიორგი კლდიაშვილს ბრალი სისხლის სამართლის კოდექსის 236-ე მუხლის მე-2 ნაწილით (ცეცხლსასროლი იარაღის მართლსაწინააღმდეგო ტარება) ჰქონდა წაყენებული. დაცვის მხარე ითხოვდა ქმდების ადმინისტრაციულ სამართალდარღვევად და არა სისხლისსამართებრივი წესით დასჯად ქმედებად კვალიფიკაციას.


მოსამართლე მერაბ ჯორბენაძემ ნაწილობრივ დააკმაყოფილა დაცვის მხარის შუამდგომლობა და მტკიცებულების სახით საქმის მასალებს არ დაერთო გიორგის მანქანის ჩხრეკის ოქმი, იარაღის ბალისტიკური ექსპერტიზის დასკვნა და დაკითხვის ოქმი,.მოსამართლემ გაიზიარა დაცვის მხარის პოზიცია იმასთან დაკავშირებით, რომ აღნიშნული მტკიცებულებები კანონმდებლობის დარღვევით იყო მოპოვებული. მოსამართლის თქმით, ის, რომ გიორგის თან ჰქონდა იარაღი, არ მიუთითებდა მის მიერ დანაშაულებრივი ქმედების განხორციელებაზე. 


პროკურორის მიერ წარმოდგენილი ძირითადი მტკიცებულებების დიდი ნაწილი მოსამართლემ დაუშვებლად სცნო. მოგვიანებით, მოსამართლის გადაწყვეტილებით,  გიორგი კლდიაშვილის წინააღმდეგ სისხლის სამართლის დევნა შეწყდა, გამომდინარე იქიდან, რომ კლდიაშვილის მიერ კუთვნილი იარაღის დაშლილ მდგომარეობაში, ტყვიებისა და მჭიდის გარეშე იარაღის ოფიციალურ მაღაზიაში და უკან უნებართვო გადატანა შეიცავდა ადმინისტრაციული სამართალდარღვევის ნიშნებს.

სასამართლოს გადაწყვეტილებით, გირაოს თანხა, 1500 ლარის ოდენობით კლდიაშვილს უკან დაუბრუნდება. ბრალდების მხარეს უფლება აქვს 5 დღის განმავლობაში გაასაჩივროს მოსამართლის გადაწყვეტილება გიორგის მიმართ სისხლისსამართლებრივი დევნის შეწყვეტის შესახებ.


ინსტიტუტის ხელმძღვანელის, ლევან ავალიშვილის თქმით, აუცილებელია ჩატარდეს გამოძიება და დადგინდეს თუ როგორ მოხდა ბრალდების მხარის მიერ მტკიცებულებათა მოპოვება. ინსტიტუტის ყოფილი დირექტორი გიორგი კლდიაშვილი მორალური ზიანის ანაზღაურების მიზნით უახლოეს მომავალში შესაბამისი უწყებებისთვის მიმართვას გეგმავს.

 

სხვა მასალები ამ თემაზე
სიახლეები

IDFI აზარტული თამაშების წინააღმდეგ ელექტრონული პეტიციის განხილვას დააკვირდება

09.12.2019

რიგით მეორე საერთაშორისო კონფერენცია - სახელმწიფო არქივების ღიაობა და მეხსირების კვლევები

06.12.2019

საპროცესო შეთანხმების შესახებ კანონმდებლობისა და პრაქტიკის ანალიზის პრეზენტაცია

04.12.2019

კარგი მმართველობის ფორუმი (GGF)

30.11.2019
განცხადებები

არასამთავრობო ორგანიზაციების საგანგებო განცხადება

18.11.2019

არასამთავრობო ორგანიზაციათა საგანგებო განცხადება

14.11.2019

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019