გიორგი კლდიაშვილი მიმართავს პროკურატურას დაიწყოს გამოძიება მის წინააღმდეგ მტკიცებულებების ფალსიფიკაციის ფაქტზე

სიახლეები | განცხადებები 19 თებერვალი 2015

2014 წლის 14 თებერვალს გიორგი კლდიაშვილმა განცხადებით მიმართა საქართველოს მთავარ პროკურორს ბატონ გიორგი ბადაშვილს მის წინააღმდეგ მტკიცებულებების ფალსიფიცირების საკითხზე გამოძიების დაწყების შესახებ. განცხადებაში აღნიშნულია, რომ 2014 წლის 12 დეკემბერს საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლების მიერ უკანონოდ მოხდა გიორგი კლდიაშვილის დაკავება და კონსტიტუციით გარანტირებული უფლებების შელახვა. აღნიშნულთან დაკავშირებით თბილისის საქალაქო სასამართლომ აღნიშნა, რომ გიორგი კლდიაშვილისათვის თავისუფლების შეზღუდვა იყო უკანონო. ამასთან 2015 წლის 15 იანვრის წინასასამართლო სხდომაზე თბილისის საქალაქო სასამართლოს სისხლის სამართლის საქმეთა კოლეგიამ პროკურატურის მიერ წარდგენილი მტკიცებულებები მიიჩნია დაუშვებლად და ქმედებაში სისხლის სამართლის ნიშნების არარსებობის გამო, შეწყვიტა წარმოება, რაც პროკურატურის მიერ გასაჩივრდა თბილისის სააპელაციო სასამართლოს საგამოძიებო კოლეგიაში. საგამოძიებო კოლეგიის 2015 წლის 23 იანვრის განჩინებით საქალაქო სასამართლოს გასაჩივრებული განჩინება დარჩა უცვლელი და შევიდა ძალაში.


გიორგი კლდიაშვილი თავის განცხადებაში აღნიშნავს, რომ მას აქვს დასაბუთებული ვარაუდი, რომ მასზე ხორციელდებოდა უკანონო თვათვალი, მიყურადება და მტკიცებულებების უკანონოდ მოპოვება. კლდიაშვილის თქმით,როკურატურის მიერ წარმოდგენილი მტკიცებულებები, კერძოდ შსს-ის ცენტრალური კრიმინალური პოლიციის დეტექტივ-გამომძიებლის, ბატონ რაჟდენ მარგიანის პატაკი და დაკითხვის ოქმი სავარაუდოდ იყო ფალსიფიცირებული. ის შედგენილ იქნა გიორგი კლდიაშვილის დაკავების შემდგომ, ანუ უფრო გვიან, ვიდრე გამოძიება დაიწყებოდა. ამას ადასტურებს რეალობასთან იმ ფაქტების შეუსაბამობა, რაც წერია პატაკში და ასევე იმ დროის სხვაობა, რაც არსებობდა დაკავებასა და პატაკის შედგენის მომენტს შორის. გარდა ამისა, პროკურატურის მიერ გიორგი კლდიაშვილისათვის გადაცემული მტკიცებულება, (კერძოდ ბატონ რაჟდენ მარგიანის ხელმოწერით დადასტურებული დაკითხვის ოქმი (თარიღი 01.01.001) იყო შედგენილი განსხვავებული თარიღით, სხვა შრიფტით და არსებობდა შეუსაბამობები ტექსტში. სასამართლომ დაუშვებლად ცნო ბატონ რაჟდენ მარგიანის დაკითხვის ოქმი, რადგან წარმოდგენილი დოკუმენტის შეცვლის/გამოცვლის შესახებ გონივრული ეჭვი ვერ გააბათილა ბრალდების მხარემ.

 

განცხადებაში ასევე აღნიშნულია, რომ გიორგი კლდიაშვილს აქვს საკმარისი საფუძველი ვარაუდისთვის, რომ მის მიმართ არსებობდა პიროვნული ინტერესი კონკრეტული უწყებების თანამშრომლების მხრიდან. მისი დაკავება და უკანონო დაპატიმრება ისახავდა მიზნად მომხდარიყო მისი სახელის საზოგადოებაში დისკრედიტირება. ამასთან ადგილი ჰქონდა გიორგი კლდიაშვილზე ზეწოლას, როდესაც მას ესაუბრებოდნენ საკუთარ საქმიანობაზე.

 

ყოველივე ზემოთქმულიდან გამომდინარე, გიორგი კლდიაშვილი მიმართავს პროკურატურას საქართველოს კანონმდებლობის საფუძველზე დაიწყოს გამოძიება განცხადებაში მითითებულ ფაქტებზე დაყრდნობით.

 

/public/upload/Statements /Statement-Prosecutors-Office-geo.pdf

 

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022