2022 წლის 29 ივლისს, ინფორმაციის თავისუფლების განვითარების ინსტიტუტმა (IDFI) ქალაქ ფოთის ცენტრალურ ბიბლიოთეკაში გამართა პრეზენტაცია რეპრესირებულთა საკითხზე და „რადიო თავისუფლების“ ფილმის „დახვრეტილთა სასაფლაო“ ჩვენება.
ფილმი „დახვრეტილთა სასაფლაო“ მოგვითხრობს, თუ როგორ აღმოჩნდა ბათუმის მახლობლად, ყოფილი რუსული სამხედრო ბაზის ტერიტორიაზე, სავარაუდოდ, საბჭოთა რეჟიმის მიერ დახვრეტილი ასობით ადამიანის სამარხი.
ფილმის ჩვენებამდე გაიმართა პრეზენტაცია, საქართველოში 1937-1938 წლების დიდი ტერორის შესახებ, რომელშიც IDFI-ის მეხსიერებისა და დეზინფორმაციის მიმართულების ხელმძღვანელმა, ანტონ ვაჭარაძემ მიმოიხილა 1930-იანი წლების სტალინური რეპრესიები, დამსწრეებს გააცნო ისტორიები ამ ეპოქიდან, ასევე სამარხების აღმოჩენისა და პოლონელ სპეციალისტებთან და ბათუმისა და ლაზეთის ეპარქიასთან ერთად დამუშავების ისტორია. შეხვედრაზე საუბარი შეეხო თანამედროვე საქართველოში რეპრესირებულთა სოციალური დაცვისა და საყოფაცხოვრებო სუბსიდიის სავალალო მდგომარეობას, რომლის გამოსასწორებლადაც IDFI წლებია მუშაობს.
საინფორმაციო შეხვედრაგაიმართა შვედეთის საერთაშორისო განვითარების თანამშრომლობის სააგენტოს, Sida-ს ფინანსური მხარდაჭერით.
IDFI-მ კორუფციასთან ბრძოლის სასერტიფიკატო პროგრამის გაზაფხულის სემესტრის საბაკალავრო საგანი დაიწყო
18.03.2024