IDFI-მ ოზურგეთსა და ხონში რეპრესირებულთა შესახებ პრეზენტაცია და ფილმის ჩვენება გამართა

სიახლეები | მეხსიერების და დეზინფორმაციის კვლევები | სტატია 17 ოქტომბერი 2022

2022 წლის 11-12 ოქტომბერს, ინფორმაციის თავისუფლების განვითარების ინსტიტუტმა (IDFI) რეგიონული ინიციატივების ცენტრ ,,ნათელი მომავალთან“ თანამშრომლობით ოზურგეთისა და ხონის მუნიციპალიტეტებში რეპრესირებულთა საკითხზე პრეზენტაცია და „რადიო თავისუფლების“ ფილმის „დახვრეტილთა სასაფლაო ბათუმში“ ჩვენება გამართა.

 

აღნიშნული შეხვედრა ოზურგეთში დემოკრატიული ჩართულობის ცენტრში გაიმართა, რომელსაც ადგილობრივი სამოქალაქო ორგანიზაციების წარმომადგენლები ესწრებოდნენ. შეხვედრის მონაწილეებს რეგიონული ინიციატივების ცენტრის "ნათელი მომავლის" ხელმძღვანელი მარიკა ვაჭარაძე მიესალმა და რეპრესირებულთა თემის მნიშვნელობაზე ისაუბრა.

 

ხონის მუნიციპალიტეტის მთავარი ბიბლიოთეკის სამკითხველო დარბაზში გამართულ ღონისძიებას კი დამამთავრებელი კლასების მოსწავლეები, ადგილობრივი მედია, საჯარო სკოლების ადმინისტრაციის წარმომადგენლები, ისტორიული მუზეუმის თანამშრომლები და სხვა დაინტერესებული პირები ესწრებოდნენ.

 

პრეზენტაციის ფარგლებში, ინფორმაციის თავისუფლების განვითარების ინსტიტუტის (IDFI) მეხსიერებისა და დეზინფორმაციის კვლევების მიმართულების ხელმძღვანელმა, ანტონ ვაჭარაძემ დამსწრე საზოგადოებას გააცნო საბჭოთა პერიოდის მახასიათებლები, მასშტაბური რეპრესიების მიმდინარეობის ეტაპები, რეპრესიებს შეწირული ადამიანების ბედი და საქართველოში, მასობრივი სამარხების გახსნისა და ნეშტების იდენტიფიცირების კუთხით გადადგმული ნაბიჯები. განსაკუთრებული ყურადღება გაამახვილა ბათუმში, კერძოდ კი, ხელვაჩაურში აღმოჩენილი სამარხების თემაზე. მან ასევე ისაუბრა საქართველოს ხელისუფლების მხრიდან რეპრესირებულთათვის საყოფაცხოვრებო სუბსიდიის გაზრდის აუცილებლობაზე, რომელიც ამ ეტაპზე მხოლოდ 7 ლარს შეადგენს.

 

რეპრესირებულთა საკითხის მიმოხილვის შემდეგ „რადიო თავისუფლების“ ფილმის „დახვრეტილთა სასაფლაო ბათუმში“ ჩვენება გაიმართა. ფილმში ასახულია ბათუმში, კერძოდ კი, ხელვაჩაურში, ყოფილი რუსული სამხედრო ბაზის ტერიტორიაზე ნაპოვნი N6 სამარხის გახსნის პროცედურები, პოლონეთის ეროვნული მეხსიერების ინსტიტუტის (IPN) მიერ განხორციელებული სამუშაოები და ერთ-ერთი რეპრესირებულის შვილის ისტორია, რომელიც იმედოვნებს, რომ მომავალში მოიძებნება საშუალება, რათა მისი დნმ მასალა შედარდეს N6 სამარხში აღმოჩენილ 29 ადამიანის დნმ-თან.

 

შეხვედრების ბოლოს გაიმართა დისკუსია და დამსწრე საზოგადოებას საშუალება ჰქონდა საკუთარი მოსაზრება დაეფიქსირებინა საპრეზენტაციო თემის ირგვლივ.

 

საინფორმაციო შეხვედრა გაიმართა შვედეთის საერთაშორისო განვითარების თანამშრომლობის სააგენტოს, Sida-ს ფინანსური მხარდაჭერით.

სხვა მასალები ამ თემაზე
სიახლეები

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022

რუსული კაპიტალი და რუსული კავშირები ქართულ ბიზნესში

28.11.2022

DRIVE-ის საპროექტო წინადადებების პრეზენტაცია საქართველოში ციფრულ გამოწვევებზე საპასუხოდ

28.11.2022

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022